જ્ઞાન-જાણવા જેવું

ઝડપી ચાર્જ થઈને આખો દિવસ ચાલશે તમારા સ્માર્ટફોનની બેટરી, બસ અપનાવો આ સરળ રીત

બેટરી કોઈપણ સ્માર્ટફોનમાં સૌથી મહત્વપૂર્ણ ભાગ હોય છે, કારણ કે એકવાર બેટરી ડિસ્ચાર્જ થઇ જાય પછી ફોન સાથે કંઈપણ કરવું મુશ્કેલ હોય છે. કોઈપણ સ્માર્ટફોન વપરાશકર્તા માટે, તેની બેટરી ફૂલ ચાર્જ થવામાં વધુ સમય લેવાની સમસ્યા ઘણી વધારે રહે છે. જો કે, હવે લિથિયમ-આયન બેટરી આવ્યા બાદ બેટરી લાઈફ થોડી વધી છે અને હવે તો ઘણી કંપનીઓ સ્માર્ટફોનમાં મોટી બેટરી અને ઝડપી ચાર્જિંગ સપોર્ટ આપી રહી છે.

Image Source

પરંતુ તેમ છતાં, કેટલીક સામાન્ય બાબતોને ધ્યાનમાં રાખીને, આપણે બેટરીનું વધુ સારું પરફોર્મન્સ મેળવી શકીએ છીએ. જેમ કે પોતાના ફોનના સોફ્ટવેર અપડેટ રાખવા, એડેપ્ટિવ બ્રાઇટનેસ અને એડેપ્ટિવ બેટરી જેવા ફીચર ઓન રાખવાથી બેટરીની લાઈફ વધી જાય છે.

આ રીતે થશે ફોન ઝડપથી ચાર્જ –

Image Source

તમે તમારા સ્માર્ટફોનને ચાર્જ કરતા પહેલા સ્વિચ ઓફ કરી લો. આવું કરવાથી, તમારો સ્માર્ટફોન બેટરીનો વપરાશ કરશે નહીં અને તમારા સ્માર્ટફોન પર પહેલાં કરતા વધુ જલ્દી ચાર્જ થશે. આ સિવાય, જો તમે તમારા સ્માર્ટફોનને સ્વિચ ઓફ કરવા માંગતા નથી, તો પછી તમે ફોનને એરોપ્લેન મોડમાં મૂકી શકો છો. આ તમારા સ્માર્ટફોનને મોબાઇલ નેટવર્ક અને અન્ય કનેક્ટિવિટીથી અલગ કરશે અને બેટરી ઝડપી ચાર્જ કરવામાં મદદ કરશે.

ઓછા સમયમાં કરો ચાર્જ –

Image Source

આજકાલ મોટાભાગના ફોનમાં લિથિયમ આયન બેટરી હોય છે, જે શોર્ટ ચાર્જિંગ કરવા માટે વધુ સારી હોય છે. તેથી, કોઈએ ફોનને ચાર્જ કરવા માટે સંપૂર્ણ ડિસ્ચાર્જ થવાની રાહ જોવી જોઈએ નહીં, કારણ કે તેનાથી બેટરી લાઈફ ઘટી જાય છે. એટલે 50 થી 80 ટકાની વચ્ચે બેટરી રાખવાનો પ્રયત્ન કરવો જોઈએ. પ્રયત્ન કરો કે બેટરી 20 ટકાથી નીચે ન આવે.

સ્ટાન્ડર્ડ ચાર્જરનો ઉપયોગ કરો –

Image Source

વાયરલેસ ચાર્જિંગ ટેક્નોલોજી અથવા ફાસ્ટ ચાર્જિંગ ટેકનોલોજીને બદલે સ્માર્ટફોનને સ્ટાન્ડર્ડ ચાર્જિંગ સાથે ચાર્જ કરવાનું વધુ સારું છે. તેવું નથી કે ઝડપી ચાર્જિંગ ખરાબ છે, પરંતુ લિથિયમ આયન બેટરીને ધીમેથી ચાર્જ કરવું વધુ સારું હોય છે.

બેટરીને વધુ ગરમ ન થવા દો –

Image Source

ધ્યાનમાં રાખો કે તમારા ડિવાઇસને એવી જગ્યાએ રાખો કે જ્યાંનું તાપમાન વધારે ન હોય, કારણ કે તે બેટરીની લાઈફને અસર કરે છે. આ સિવાય, ઓવરહિટીંગને કારણે, બેટરીનું પરફોર્મન્સ પણ ઘટી જાય છે.

આ રીતે ચાલશે લાંબા સમય સુધી બેટરી –

Image Source

જો તમે ઇચ્છો છો કે સ્માર્ટફોનની બેટરી લાંબા સમય સુધી ચાલે, તો તમારે પહેલા તમારા સ્માર્ટફોનમાંથી આવી એપ્લિકેશનો ડીલીટ કરી નાખવી પડશે જે ઉપયોગમાં નથી આવતી. જો તમારા સ્માર્ટફોનનો ડેટા હંમેશા ચાલુ રહે છે, તો પછી તમારા સ્માર્ટફોનની બેટરી ઝડપથી ખતમ થવા લાગે છે. બ્રાઇટનેસ પણ વધુ રાખવાથી સ્માર્ટફોનની બેટરી વધુ વપરાય છે. તેથી ફોનની બ્રાઇટનેસ શક્ય તેટલી ઓછી રાખો. બની શકે તો હેડફોન સાથે જ સંગીત સાંભળો, આમ કરવાથી બેટરી લાંબી ચાલે છે.

Author: GujjuRocks Teamઆવી જ રીતે રોજિંદા જીવનમાં ઉપયોગી હોય એવી લાગણીસભર વાર્તાઓ, સ્વાસ્થ્યવર્ધક માહિતી, બોલીવુડની ખબરો, ધાર્મિક વાતો, રેસિપી તથા અન્ય રસપ્રદ માહિતીઓ મેળવવા માટે ગુજરાતીઓનું લોકલાડીલું પેજ GujjuRocks લાઈક કરી જોડાઓ.