ખબર

બે વર્ષથી પેટના દુઃખાવાથી હેરાન થઇ રહ્યો હતો આ વ્યક્તિ, ડોક્ટરને બતાવતા પેટમાંથી નીકળી એવી વસ્તુ કે ડોક્ટરની પણ આંખો પહોળી થઇ ગઈ

ઘણીવાર પેટમાં લાગતો સામાન્ય દુઃખાવો પણ મુસીબતનું કારણ બનતો હોય છે. ઘણા લોકો પેટમાં દુઃખાવાને સામાન્ય એસીડીટી કે ગેસ માની લેતા હોય છે, પરંતુ જયારે તે ડોક્ટર પાસે પહોંચે છે અને તપાસ કરાવે છે ત્યારે ચોંકાવનારી હકીકત સામે આવે છે. ઘણા કિસ્સાઓમાં તમે જોયું હશે કે પથરીના દુઃખાવા જ સામે આવતા હોય છે, પરંતુ હાલ એક કિસ્સો સામે આવ્યો છે તે જોઈને ડોકટરો પણ હેરાન રહી ગયા છે.

આ કિસ્સો સામે આવ્યો છે મધ્ય પ્રદેશના સતના જિલ્લામાંથી. જ્યાં રહેવા વાળા એક વ્યક્તિના પેટમાં છેલ્લા 2 વર્ષથી દુઃખાવો હતો. જેના કારણે તે હેરાન પણ થઇ રહ્યો હતો. પરંતુ જયારે તે ડોક્ટરને બતાવવા માટે ગયો અને ડોક્ટરોએ તેની તપાસ કરી તો હેરાન કરી દેનારી બાબત સામે આવી હતી.

તે વ્યક્તિના પેટમાંથી સાપ જેવા આકારનો દોઢ ફૂટ લાંબો કીડો નીકળ્યો હતો. આ જોઈને જ લોકો ગભરાઈ ગયા. ડોક્ટરોને પણ સમજમાં નહોતું આવી રહ્યું કે આ કયો કીડો છે ? આ મામલાની અંદર રિવા મેડિકલ કોલેજના ડીનનું કેહવું છે કે આ રાઉન્ડ વર્મ હોઈ શકે છે.

આ બાબતે મળી રહેલી વધુ માહિતી અનુસાર 30 જૂન બુધવારના રોજ સવારે લગભગ 11 વાગે પન્નાના ભઠિયા ગામના રહેવાસી શાન મોહમ્મદ ડોક્ટર એસ એન સિંહ પાસે આવ્યો હતો. જેને છેલ્લા બે વર્ષથી પેટમાં દુઃખાવો હતો. તેને રોજ દુઃખાવો થતો અને ભૂખ નહોતી લાગતી અને કમજોરી પણ રહેતી હતી. ડૉ. પાલે તેને કીડા મારવાની દવા આપી. દવાની અસર થવાની સાથે તેના પેટમાંથી સાપના આકારનો લગભગ દોઢ ફૂટ લાંબો કીડો જીવિત અવસ્થામાં બહાર નીકળ્યો.

હવે આ બાબતે રિવા શ્યામ શાહ મેડિકલ કોલેજના ડીન ડૉ. મનોજ ઇન્દુલકરનું કેવું છે કે આ રાઉન્ડ વર્મ એટલે કે ગોળ કૃમિ હોઈ શકે છે. જે કરચલા જેવો દેખાય છે. પેટમાંથી આ રીતે કીડો નીકળવો કોઈ નવી વાત નથી.