ઘણીવાર આકાશમાં એવા અદભુત નજારા જોવા મળતા હોય છે જેને લઈને લોકોમાં પણ કુતુહલ જન્મતું હોય છે. ઘણીવાર અવકાશ યાન એટલા બધા નજીકથી પસાર થતા હોય છે જેને જોઈને લોકો પણ અચંબામાં મુકાઈ જતા હોય છે. હાલ એવો જ એક નજારો જોવા મળ્યો હતો, જેમાં રાત્રીના સમયે આકાશમાં ટ્રેનની લાઈટની જેમ લાઈટો ચાલી જતા જોઈને લોકોને અચરજ થયું હતું.
આ અદ્ભુત નજારો જોવા મળ્યો હતો ઉત્તર પ્રદેશની રાજધાની લખનઉ અને તેની આસપાસના જિલ્લાઓમાં, જે હાલ ચર્ચાનો વિષય બની રહ્યો છે. ઉત્તર પ્રદેશના ઘણા શહેરોમાં આકાશમાં કતારમાં ચમકતી લાઈટો જોવા મળી. જેણે પણ આ અવકાશી ઘટના જોઈ તે આશ્ચર્યચકિત થઈ ગયા અને ઘણા લોકોએ પોતાના મોબાઈલથી તેનો વીડિયો પણ બનાવ્યો અને હવે તેનો વીડિયો સોશિયલ મીડિયા પર ખૂબ વાયરલ થઈ રહ્યો છે. જો કે, હજુ સુધી આ ઘટના વિશે કોઈ સત્તાવાર પુષ્ટિ થઈ નથી કે તે કોઈ ખગોળીય ઘટના હતી કે બીજું કંઈક.
ઘણા સમય સુધી રાજધાની લખનઉમાં આકાશમાં આ અદ્ભુત નજારો જોવા મળ્યો હતો. રાત્રિના અંધકારમાં એક વિચિત્ર પ્રકાશ કતારબદ્ધ રીતે દેખાતો હતો. આ પ્રકાશ ગ્રામીણ વિસ્તારોમાં વધુ સ્પષ્ટ રીતે જોવા મળ્યો હતો અને ઘણા ગ્રામજનોએ તેનો વીડિયો પણ બનાવ્યો હતો, જે હવે સોશિયલ મીડિયા પર વાયરલ થઈ રહ્યો છે. પ્રાપ્ત માહિતી અનુસાર, લખનઉના મલિહાબાદના કેટલાક ગ્રામીણોએ આનો સ્પષ્ટ વીડિયો બનાવ્યો છે.
Hi @elonmusk I’m from India. yesterday night I’m watching it in the sky. my friend told me that it’s your. Is it really happened by you . I’m really shocked. pic.twitter.com/FIVDjQEqwm
— Aditya (@super_lucknow) September 13, 2022
આ ઘટનાને પોતાની આંખોથી જોનારા કેટલાક લોકોએ કહ્યું કે લખનઉની આસપાસનો પ્રકાશ વિચિત્ર હતો. સાથે જ કેટલાક લોકો તેને ભગવાનનો ચમત્કાર પણ ગણાવી રહ્યા છે. તે જ સમયે, ઘણા લોકો કહે છે કે તે આ ઉડતી વસ્તુ (UFO) હોઈ શકે છે. વાયરલ વીડિયોમાં કેટલાક લોકો તેને રોકેટની જેમ કહી રહ્યા છે તો કેટલાક તેને સ્ટાર્સની લાઈનમાં ચાલવાનું કહી રહ્યા છે.
आसमान में दिखी इस अजीब रोशनी के पीछे का सच क्या है?आज शाम 8 बजे लखनऊ के आसमान में ये अजीब सी चमकती हुई रोशनी दिखी जो एक सीधी लकीर जैसी थी।मेरे एक मित्र ने इसे रिकॉर्ड किया और बताया कि इसके आते ही तेज़ आँधी आई और अचानक से लाइट चली गई, इसके जाते ही सब नार्मल हो गया @AashiAmbedkar pic.twitter.com/BGjfFjioDQ
— Akash Yadav (@akashyphd) September 12, 2022
નોંધનીય છે કે ગયા વર્ષે પણ પંજાબના પઠાણકોટમાં આકાશમાં આવો જ રહસ્યમય પ્રકાશ જોવા મળ્યો હતો. ડિસેમ્બર 2021માં પઠાણકોટમાં લાઈટો લાગેલી જોઈને લોકો આશ્ચર્યચકિત થઈ ગયા હતા. આ ઉપરાંત 1 જૂન 2021ના રોજ ગુજરાતમાં રાત્રી દરમિયાન સૌરાષ્ટ્રના જૂનાગઢ, ઉપલેટા અને આજુબાજુના વિસ્તારોમાં ચમકતી રોશની જોવા મળી હતી.
