પ્રેમિકાએ ફાંસી લગાવી તો બોયફ્રેન્ડ જયપુરમાં કૂદ્યો, 8માં ધોરણથી બંને એકબીજાને આપી બેઠા હતા દિલ, કારણ જાણીને કહેશો શું કળયુગ આવ્યો છે
દેશભરમાં આત્મહત્યાના કિસ્સાઓનું પ્રમાણ ખુબ જ વધી ગયું છે, ઘણા લોકો કોઈ નાની વાતને લઈને પણ આપઘાત જેવા પગલાં ભરી બેસતા હોય છે, ખાસ કરીને પ્રેમ સંબંધોમાં આપઘાતના કિસ્સાઓનું પ્રમાણ વધવા લાગ્યું છે, પ્રેમી અને પ્રેમિકા વચ્ચે કોઈ નાની વાતે પણ ઝઘડો થતા જ તે મોતને વહાલું કરવાનું વિચારે છે.
હાલ એવો જ એક મામલો સામે આવ્યો છે. જેમાં વારંવાર ઝઘડા થવાના કારણે પ્રેમીએ પોતાનો મોબાઈલ સ્વીચ ઓફ કરી લીધો તો પ્રેમિકાએ મુજ્જફરપુરમાં ફાંસીના ફંદે લટકીને આપઘાત કરી લીધો. તો પ્રેમિકાના મોતની ખબર સાંભળીને પ્રેમીએ પણ જયપુરમાં જ બિલ્ડીંગના 8માં માળેથી કૂદીને પોતાનો જીવ આપી દીધો હતો.
મુઝફ્ફરપુર જિલ્લાના કાઝી મોહમ્મદપુર પોલીસ સ્ટેશન વિસ્તારની 23 વર્ષીય અંજલિ જયસ્વાલ અને નીમ ચોક શંકરપુરીના 26 વર્ષીય વિવેક કુમાર વચ્ચે ધોરણ 8થી અફેર ચાલતું હતું. તેઓએ સાથે મળીને ઓરિએન્ટ ક્લબ સ્થિત શાળામાં અભ્યાસ કર્યો. બધું બરાબર ચાલી રહ્યું હતું. બંને પોતપોતાની દુનિયામાં ખુશ હતા. દરમિયાન 4 વર્ષ પહેલા વિવેક એન્જિનિયરિંગ કરવા જયપુર ગયો હતો. ત્યાંથી પણ બંને વાતો કરતા હતા.
અંજલિ સીએની તૈયારી કરી રહી હતી. ક્યારેક બંને વચ્ચે ઝઘડો પણ થતો હતો. આ દિવસોમાં બંને વચ્ચેના સંબંધો સારા નહોતા. બુધવારે રાત્રે પણ બંનેનો એક કોમન ફ્રેન્ડ તેમના સંબંધોને ઠીક કરવાનો પ્રયાસ કરી રહ્યો હતો. ત્રણેયે રાત્રે કોન્ફરન્સ કોલ કર્યો હતો. ત્યારબાદ ફરી બંને વચ્ચે ઝઘડો થયો. વિવેકે કોલ ડિસ્કનેક્ટ કર્યો. વારંવારના પ્રયાસો બાદ તેણે ફોન સ્વિચ ઓફ કરી દીધો અને સવારે તેની પ્રેમિકાના મોતની જાણ થઈ. આ પછી ગુરુવારે બપોરે પ્રેમીએ બિલ્ડિંગ પરથી કૂદીને આત્મહત્યા કરી લીધી હતી.
પોલીસ તપાસ દરમિયાન જાણવા મળ્યું હતું કે અંજલિએ પરિવારના સભ્યો સાથે રાત્રિભોજન કર્યું હતું. જે બાદ તે રૂમમાં સુઈ ગઈ. પછી મોડી રાત્રે ઉઠીને જાતે જ ચા બનાવીને પીધી. રૂમમાંથી ચાનો બચેલો કપ મળી આવ્યો હતો. તેના કાનમાં બ્લુટુથ હતું. પલંગ પર CA ની બુક અને કોપી ખુલ્લી હતી. આશંકા વ્યક્ત કરતાં સબ-ઇન્સ્પેક્ટરે કહ્યું કે તેણે મોડી રાત્રે 1 થી 2 વાગ્યાની વચ્ચે આત્મહત્યા કરી હશે. તેથી શરીર કાળું થવા લાગ્યું.
આ ઉપરાંત પ્રેમી વિવેકના પરિવારે તેના મૃત્યુ પછી બધું કહ્યું અને પ્રેમ પ્રકરણની માહિતી આપી. તેમના મૃત્યુના સમાચાર સાંભળીને પરિવારના સભ્યો લાચાર છે અને જયપુર જવા રવાના થઈ ગયા છે. પ્રેમી વિવેકના કાકાએ જણાવ્યું કે અમારી પાસે ત્રણ વર્ષથી આ માહિતી હતી, આવી ઘટના બને તેવી અપેક્ષા નહોતી, જો મારા ભત્રીજાએ એકવાર આ વાત કહી હોત તો અમે ખુશીથી તેને પોતાની વહુ બનાવીને ઘરે લાવ્યા હોત.
