ભારતના સૌથી ધનાઢ્ય વ્યક્તિમાંના એક મુકેશ અંબાણી ભલે અપાર ખ્યાતિ ધરાવતા હોય, પરંતુ તેઓ એક પારિવારિક માણસ પણ છે. તેમના પરિવાર સાથે તેમનો ઊંડો સંબંધ તેમનું વ્યક્તિત્વ દર્શાવે છે. આટલું જ નહીં તે તો દાદા બની ગયા છે અને તે બાદ તેઓ ઘણા જ ખુશ છે. બિઝનેસમેન મુકેશ અંબાણી અને તેમનો પરિવાર ભલે મીડિયાની લાઇમલાઇટથી દૂર રહે, પરંતુ તેમની એક વાયરલ તસવીર હેડલાઇન્સ બની જાય છે. મુકેશ અંબાણી ભારતના સૌથી ધનાઢ્ય વ્યક્તિ છે, પરંતુ વાસ્તવમાં તેઓ ડાઉન ટુ અર્થ વ્યક્તિ છે અને તેની ઝલક ઘણીવાર જોવા મળે છે. (તમામ તસવીરો સૌજન્ય : ઇન્સ્ટાગ્રામ)
વર્ષ 1985માં મુકેશ અંબાણીએ નીતા અંબાણી સાથે લગ્ન કર્યા હતા. લગ્ન પછી તેમને ત્રણ બાળકો થયા, જેમના નામ આકાશ, ઈશા અને અનંત અંબાણી છે. જ્યાં મુકેશ અંબાણી તેમની સાદગી માટે જાણીતા છે, ત્યાં તેમના પત્ની અને બિઝનેસ વુમન નીતા અંબાણી તેમના ગ્લેમરસ લુક અને લાઇફસ્ટાઇલને કારણે ચર્ચામાં રહે છે. સાથે જ તેમના બાળકો પણ હેડલાઈન્સ બનાવવામાં પાછા પડતા નથી.
મુકેશ અંબાણીની દીકરી ઈશા અંબાણીએ વર્ષ 2018માં બિઝનેસમેન આનંદ પીરામલ સાથે લગ્ન કર્યા હતા. ત્યાં તેમના પુત્ર આકાશ અંબાણીએ 2019માં હીરા ઉદ્યોગપતિ રસેલ મહેતાની પુત્રી શ્લોકા મહેતા સાથે લગ્ન કર્યા. લગ્ન પછી શ્લોકા અને આકાશે વર્ષ 2020માં એક પુત્રનું સ્વાગત કર્યુ. જેનું નામ પૃથ્વી આકાશ અંબાણી છે. પૃથ્વી સમગ્ર અંબાણી પરિવારની આંખોનો તારો છે. પરંતુ તે તેના દાદા મુકેશ અંબાણીની જાન છે.
અંબાણી પરિવારના એક ફેન પેજએ એક તસવીર શેર કરી છે. આ તસવીરમાં મુકેશ અંબાણી તેમના પૌત્ર પૃથ્વી સાથે જોવા મળી રહ્યા છે.. ફોટોમાં મુકેશ અંબાણી પૌત્ર પૃથ્વીને ખોળામાં પકડીને ગાલ પર કિસ કરતા જોવા મળે છે. આ દરમિયાન પૃથ્વી એકદમ ક્યુટ અને માસૂમ જોવા મળી રહ્યો છે. દાદા-પૌત્રની આ સુંદર તસવીર સ્પષ્ટપણે તેમના સુંદર બોન્ડને દર્શાવે છે.
અગાઉ 16 એપ્રિલ 2022ના રોજ અંબાણી પરિવારના ફેન પેજ પરથી દાદા-પૌત્રની એક તસવીર શેર કરવામાં આવી હતી. ફોટામાં જોઈ શકાય છે કે મુકેશ અંબાણી ખુરશી પર બેસીને ચાની ચુસ્કી લઈ રહ્યા છે અને પૌત્ર પૃથ્વી તેમને પ્રેમથી જોઈ રહ્યો છે. આ દરમિયાન પૃથ્વી સ્ટાર ડ્રેસમાં ખૂબ જ ક્યૂટ લાગી રહી હતી.
તમને જણાવી દઈએ કે, 10 ડિસેમ્બર, 2021ના રોજ પૃથ્વી અંબાણી એક વર્ષનો થયો. આ ખાસ પ્રસંગ અંબાણી પરિવાર દ્વારા ખૂબ જ ભવ્ય રીતે ઉજવવામાં આવ્યો હતો. અંબાણી પરિવારે ગુજરાતના જામનગરમાં તેમના પૈતૃક ઘરે પાર્ટીનું આયોજન કર્યું હતું, જેની ઘણી ઝલક સામે આવી હતી. જો કે, એક તસવીરે બધાના દિલ જીતી લીધા હતા.
ઈશા અંબાણીના ફેન પેજ પરથી શેર કરવામાં આવેલ ફોટામાં કોકિલાબેન, મુકેશ અંબાણી, નીતા અંબાણી, આકાશ, ઈશા, શ્લોકા અને પ્રિન્સ પૃથ્વી અંબાણી જોવા મળ્યા હતા. પિતા આકાશ અને પુત્ર પૃથ્વી સિવાય, દરેક વ્યક્તિ સફેદ રંગના ટી-શર્ટમાં વાદળી રંગમાં ‘1’ અને તેના પર પૃથ્વીનું નામ લખેલું હતું.
