ના ના કરતા પણ લીક થઇ મૌની રોય અને સૂરજ નાંબિયારના લગ્ન સહિત પ્રી-વેડિંગ ફંક્શનની તસવીરો, ઇશ્કની ચાસણીમાં પલળ્યા બંને

પ્રખ્યાત ટીવી અભિનેત્રી મૌની રોય ગુરુવારે એટલે કે આજે ગોવામાં તેના લોન્ગટાઇમ બોયફ્રેન્ડ સૂરજ નામ્બિયાર સાથે લગ્ન કરી રહી છે. તેમના લગ્નના પ્રી વેડિંગ ફંક્શની ઘણી તસવીરો સામે આવી છે. જેમાં મહેંદી અને હલ્દી સેરેમનીની તસવીરો સામેલ છે. મૌનીની હલ્દીની તસવીરો સામે આવી છે. મૌની રોયની મહેંદી, હલ્દી સેરેમનીમાં ઘણા ટીવી સેલેબ્સ સાથે તેની બેસ્ટ ફ્રેન્ડ અભિનેત્રી મંદિરા બેદીએ પણ હાજરી આપી હતી. મૌની રોયના લગ્ન માટે મંદિરા બેદી મુંબઈથી ગોવા પહોંચી ગઈ હતી. મંદિરાએ તેના સોશિયલ મીડિયા એકાઉન્ટ પરથી હલ્દી સેરેમની એન્જોય કરતી તસવીરો શેર કરી છે.

મંદિરાએ સોશિયલ મીડિયા પર જે તસવીરો શેર કરી છે તેમાં એક તસવીરમાં તે મૌની સાથે છે અને બીજી તસવીરમાં તે સૂરજ સાથે છે. મંદિરાએ ઈન્સ્ટાગ્રામ સ્ટોરી પર પણ તસવીરો શેર કરી છે. આ તસવીરોમાં મંદિરા વરરાજા સૂરજને હલ્દી લગાવતી જોવા મળી રહી છે.ગોવામાં મૌની રોયના લગ્નમાં હાજરી આપવા માટે ઘણા સેલેબ્સ લગ્ન સ્થળ પર પહોંચ્યા છે. અભિનેત્રી મંદિરા બેદી મૌની રોયની બેસ્ટ ફ્રેન્ડ છે, એ માટે તે તેના લગ્નના ફંક્શનમાં હાજરી આપવા ગોવા પહોંચી છે.

ટીવી સીરિયલ દેવોં કે દેવ મહાદેવીની અભિનેત્રી મૌની રોય 27 જાન્યુઆરી, 2022ના રોજ એટલે કે આજે સૂરજ સાથે લગ્નના બંધનમાં બંધાવા જઈ રહી છે. મૌની રોય તેના બોયફ્રેન્ડ સૂરજ નામ્બિયાર સાથે 7 ફેરા લઇ રહી છે. લગ્ન પહેલા મૌની રોયની હલ્દી સેરેમની 26 જાન્યુઆરીએ થઈ હતી. મૌનીની મિત્ર આશકા ગોરાડિયાએ તેની ઈન્સ્ટાગ્રામ સ્ટોરી પર મૌની રોયનો એક ફોટો શેર કર્યો છે, જેમાં મૌની પરંપરાગત પીળા ડ્રેસમાં જોવા મળી રહી છે. આ સિવાય મૌનીની મહેંદી અને હલ્દી સેરેમનીના કેટલાક વધુ ફોટો ઈન્સ્ટાગ્રામ પર વાયરલ થઈ રહ્યા છે.

એક ફોટામાં, મૌની રોય તેના ભાવિ વર સૂરજ નામ્બિયાર સાથે સફેદ ડ્રેસમાં હલ્દી સમારોહ પૂર્ણ કરતી જોવા મળે છે. હલ્દી સેરેમનીના અન્ય એક ફોટોમાં મૌની રોય તેના કેટલાક મિત્રો સાથે જોવા મળી રહી છે. તેમાંથી જિયા મુસ્તફા, મંદિરા બેદી, અર્જુન બિજલાની, રોહિણી અય્યર લગ્ન માટે ગોવા પહોંચી ચૂક્યા છે. અર્જુન બિજલાનીએ શેર કરેલા વીડિયોમાં મૌની મહેંદી લગાવતી જોવા મળી રહી છે.

બીજી તરફ, અર્જુન બિજલાનીની પત્ની નેહા દ્વારા પોસ્ટ કરવામાં આવેલા વીડિયોમાં મૌની અને સૂરજ તેમની આસપાસ મેરીગોલ્ડની પાંખડીઓ સાથે બેઠેલા જોવા મળે છે. મૌની તેની સફેદ જ્વેલરી અને ગોલ્ડન સ્કર્ટ સાથે મેચિંગ ટોપમાં જોવા મળે છે. તે જ સમયે તેનો ભાવિ પતિ સૂરજ પણ સફેદ કુર્તામાં સુંદર લાગી રહ્યો છે.

તમને જણાવી દઈએ કે મૌની રોયે સોશિયલ મીડિયા પર તેના મિત્રોની કેટલીક ઝલક બતાવી છે, જે તેના લગ્નમાં પહોંચી રહ્યા છે. તેના મિત્રોએ તેમના સોશિયલ મીડિયા એકાઉન્ટ પરથી મહેંદી અને હલ્દીના ફોટા અને વીડિયો શેર કર્યા છે. આ પહેલા મૌની રોય સોમવારે ગોવા જવા રવાના થઈ હતી અને મુંબઈ એરપોર્ટ પર જોવા મળી હતી.

સૂરજ નામ્બિયારની વાત કરીએ તો, તે હાલમાં દુબઈમાં રહે છે, તે બેંકર અને બિઝનેસમેન છે. આ સાથે તેની પુણેમાં ઈવેન્ટ કંપની છે. સૂરજ અને મૌની પહેલીવાર ડિસેમ્બર 2019માં દુબઈની એક નાઈટ ક્લબમાં મળ્યા હતા. બંને ત્યાં નવા વર્ષની ઉજવણી કરવા આવ્યા હતા. બંને અજાણ્યા તરીકે મળ્યા. બંને વચ્ચે વાતચીત શરૂ થઈ. આ પછી સૂરજ અને મૌની એકબીજાને પસંદ કરવા લાગ્યા અને ડેટિંગ કરવા લાગ્યા.

 

View this post on Instagram

 

A post shared by Angel Jiya (@angeljiya15)

Shah Jina