દેશમાં ત્રીજીવાર મોદીની સરકાર તો બની જશે, પરંતુ નીતીશ અને નાયડુએ કરી છે એવી માંગણી કે ભાજપાની વધી જશે મુશ્કેલીઓ.. જુઓ

મોદી સરકાર 3.0માં કોને મળી શકે છે ક્યુ મંત્રાલય ? નીતીશ કુમાર અને નાયડુ બાબુ પણ કરી શકે છે મોટી માંગણીઓ… જુઓ

Modi Government Portfolio Ministry: નીતીશ કુમાર અને ચંદ્રબાબુ નાયડુ નવી રચાયેલી એનડીએ સરકારમાં ‘કિંગમેકર’ની ભૂમિકા ભજવી રહ્યા છે. આ બંનેના સહયોગ વિના એનડીએ માટે સરકાર બનાવવી મુશ્કેલ છે. આવી સ્થિતિમાં બંને નેતાઓની માંગણીઓ ઘણી મહત્વની છે. મંત્રી પદો ઉપરાંત બિહારના વર્તમાન મુખ્યમંત્રી અને આંધ્રપ્રદેશના પૂર્વ મુખ્યમંત્રીએ પોતપોતાના રાજ્યો માટે વિશેષ શ્રેણીના દરજ્જાની માંગણી કરી છે. બંને નેતાઓની આ માંગ નવી નથી. ઘણા વર્ષોથી આની માંગ કરવામાં આવી રહી છે.

આ દરમિયાન નવી સરકારમાં મંત્રી પદને લઈને સાથી પક્ષો ભાજપ પર દબાણ લાવી રહ્યા હોવાનું પણ સામે આવી રહ્યું છે. કેટલાક લોકસભા સ્પીકર પદની માંગ કરી રહ્યા છે, જ્યારે કેટલાક રેલ્વે અને કૃષિ મંત્રાલયો પર દાવો કરી રહ્યા છે. સવાલ એ છે કે એનડીએ સરકારમાં ભાજપને કેટલા મંત્રાલયો મળશે? ચંદ્રબાબુ નાયડુ અને નીતિશ કુમાર કેટલા મંત્રીઓની માંગણી કરશે? કયા પક્ષને કયો વિભાગ મળશે?

2024ની લોકસભા ચૂંટણીમાં ભાજપ બહુમતીથી દૂર રહી હતી. તેને માત્ર 240 બેઠકો મળી છે. જ્યારે NDA પાસે 293 બેઠકો છે. ચંદ્રબાબુ નાયડુની પાર્ટી ટીડીપીને 16 અને નીતિશ કુમારની જેડીયુએ 12 સીટો પર જીત મેળવી છે. એકનાથ શિંદેની શિવસેનાએ 7 સંસદીય બેઠકો જીતી છે. જ્યારે ચિરાગ પાસવાનની એલજેપી રામવિલાસ પાસે પણ 5 સાંસદ છે. જો આ ચાર પક્ષોને ભેગા કરવામાં આવે તો કુલ 40 સાંસદો છે. દેખીતી રીતે જ સાથી પક્ષોમાં પોર્ટફોલિયોની વહેંચણી બહુમતથી દૂર ભાજપ માટે મોટો પડકાર સાબિત થશે.

ખાસ કરીને જ્યારે નાયડુ અને નીતિશ મોટા પોર્ટફોલિયોની માંગ કરી રહ્યા છે. મંત્રીઓની સંખ્યાને લઈને સર્વસંમતિ બનાવવી પણ એક મોટું કામ હશે. જો દર 4 સાંસદો માટે 1 મંત્રીની માંગ છે, તો આ અર્થમાં 16 બેઠકો ધરાવતી TDP 4 મંત્રી પદની માંગ કરી શકે છે. આ આધારે 12 બેઠકો ધરાવતી JDU 3 મંત્રી પદની માંગ કરી શકે છે. આવી સ્થિતિમાં 7 સાંસદો સાથે એકનાથ શિંદે અને 5 સાંસદો સાથે ચિરાગ પાસવાનને પણ 2-2 મંત્રાલય મળવાની આશા છે.