કન્નડ ફિલ્મોના દિવંગત અભિનેતા ચિરંજવી સરજાની પત્ની મેઘના રાજએ ગઈ કાલે બેંગ્લોરની હોસ્પિટલમાં ક્યૂટ દીકરાને જન્મ આપ્યો છે. ગુરુવારના રોજ ચિરંજીવીના ભાઈ અને અભિનેતા ધ્રુવ સરજાએ ઇન્સ્ટાગ્રામ પર આ ખુશખબર શેર કરી છે.
તસ્વીર શેર કરતા તેણે લખ્યું હતું કે,”દીકરો આવ્યો છે, જય હનુમાન.” ચિરંજીવીનું નિધન ગત જૂન મહિનામાં હાર્ટ અટૈક આવવાને લીધે થયું હતું.
ಗಂಡು ಮಗುವಿಗೆ ಜನ್ಮನೀಡಿದ ಮೇಘನಾ ಸರ್ಜಾ
ಅಣ್ಣನ ಮಗುವನ್ನು ಎತ್ತಿ ಮುದ್ದಾಡಿದ ದೃವಾ ಸರ್ಜಾ @chirusarja@meghanasraj @DhruvaSarja #JuniorChiru #ChiranjeeviSarja #meghanaraj pic.twitter.com/5Sw6IaZ2Rd— Sagar Manasu (@SagarManasu) October 22, 2020
તે સમયે તેની પત્ની મેઘના ગર્ભવતી હતી. અચાનક પતિના નિધનથી મેઘના ખુબ જ તૂટી ગઈ હતી એવામાં દીકરાનો જન્મ થતા તેને ફરીથી નવું જીવન જીવવાની આશા મળી છે. ચિરંજીવીના નવજાત દીકરાની તસ્વીર ખુબ વાયરલ થઇ રહી છે.
દીકરાના જન્મથી પરિવાર અને ચાહકો ખુબ ખુશ થયા છે. એક તસ્વીરમાં ધ્રુવ સરજાએ મોટાભાઈના દીકરાને હાથમાં ઊંચકી રાખ્યો છે અને લખ્યું કે,”કેટલો પ્રેમાળ છે, તે ચિરંજીવીની યાદ અપાવે છે”. જયારે બીજી એક તસ્વીરમાં ચિરંજીવીની તસ્વીરની પાસે દીકરાને લઇ જઈને તસ્વીર લીધેલી છે.
ધ્રુવની પત્ની પ્રેરણા શંકરે પણ આ ખુશખબર દર્શકોને જણાવી છે, અને લખ્યું કે,”મેઘના અને અને ચીરુંને દીકરો આવ્યો છે. તમારા દરેકની દુવાઓ અને સમર્થન માટે તમારો આભાર”.
મેઘના પણ એક સફ્રળ અભિનેત્રી છે, બંન્નેએ 10 વર્ષ સુધી એકબીજાને ડેટ કર્યા પછી વર્ષ 2018 માં લગ્ન કર્યા હતા. ચિરંજીવીના નિધન વખતે મેઘના પાંચ મહિનાથી ગર્ભવતી હતી એન ભાવુક પોસ્ટ લખતા કહ્યું કે,”ચિરંજીવીના નિધનથી તે ખુબ જ દુઃખી છે અને પોતાના બાળકના રૂપમાં તે તેને ફરીથી મેળવવાની રાહ જોઈ રહી છે”.
અમુક સમય પહેલા મેઘનાના ઘરે બેબી શાવરનું પણ આયોજન કરવામાં આવ્યું હતું, જેમાં ચિરંજીવીનું સ્ટેચ્યુ રાખવામાં આવ્યું હતું અને તેની સાથે પરિવારે પોઝ આપ્યા હતા. જણાવી દઈએ કે ધ્રુવ સરજાએ પોતાના ભાઈના દીકરા માટે 10 લાખ રૂપિયાનું ચાંદીનું પારણું ભેટ સ્વરૂપે આપ્યું છે.
