જ્યોતિષ શાસ્ત્ર

જો તમારા શરીરના આ સિક્રેટ ભાગ પર તલ હોય તો આજીવન લક્ષ્મીજીની કૃપા અને સમૃદ્ધિ રહેશે

આપણે બધા જ જાણીએ છીએ કે આપણા શરીર પર ઘણા પ્રકારના જન્મજાત અથવા જીવનકાળ દરમ્યાન જુદા-જુદા નિશાનો બની જાય છે. તેને આપણે તલ, મસ્સા અને લાલ મસ્સા તરીકે ઓળખીએ છીએ. સમુદ્રશાસ્ત્રમાં શરીર પર તલનું ઘણું મહત્વ જણાવવામાં આવ્યું છે. શરીર પરના આ નિશાન આપણા ભવિષ્ય અને ચરિત્ર વિશે ઘણું બધું દર્શાવે છે. ઘણી વખત, સમય સાથે તલ આવે છે અને ગાયબ પણ થઇ જાય છે, જયારે કેટલાક તલ કે મસ્સા હંમેશા રહે છે. તલ અને મસ્સા બંનેનો એક જ સમાન પ્રભાવ પડે છે. લાલ તલ શરીરના જે ભાગ પર હોય એ શુભ માનવામાં આવે છે અને કાળા તલ શુભ પણ હોય છે અને અશુભ પણ હોય છે.

Image Source

તલ આપણા બધા જ પ્રકારના શારીરિક, આર્થિક અને પાત્ર ચરિત્ર વિશે ઘણું જણાવે છે. સામાન્ય રીતે, તલ દરેકના શરીર પર હોય છે. એક તરફ તલ વ્યક્તિની સુંદરતામાં સૌંદર્યનો ઉમેરો કરે છે, બીજી તરફ, તલ વ્યક્તિના સ્વભાવને વ્યક્ત પણ કરે છે. જો તમારા શરીર પર તલ અથવા મસ્સા છે, તો પછી તમારા શરીર પર તલનો અર્થ શું છે તે જોઈએ.

કપાળ પર તલ – સમુદ્રશાસ્ત્ર મુજબ, કપાળના મધ્ય ભાગમાં તલવાળી વ્યક્તિ ખૂબ જ ભાગ્યશાળી હોય છે. તે જે ક્ષેત્રમાં પ્રયાસ કરે છે, એમાં ભાગ્ય તેમને સાથ આપે છે અને જીવનમાં સફળ થાય છે. કપાળ પર જમણી બાજુએ તલ કોઈ ચોક્કસ વિષયમાં નિપુણતાની નિશાની છે, પરંતુ પરંતુ ડાબી બાજુએ તલ ઉડાઉ હોવાની નિશાની છે.

Image Source

છાતી પર તલ – છાતીની જમણી બાજુ તલ હોવું શુભ છે. એવા પુરુષો ભાગ્યશાળી હોય છે. સમુદ્રશાસ્ત્ર મુજબ, જે વ્યક્તિની છાતીની જમણી બાજુ પર તલ હોય છે તે શ્રીમંત હોય છે અને તેનો જીવનસાથી સુંદર અને લાયક પણ હોય છે. જે વ્યક્તિની છાતીની ડાબી બાજુ તલ અથવા મસ્સા હોય છે, તે મોટી ઉંમરે લગ્ન કરે છે. છાતીની મધ્યમાં તલ સુખી જીવન સૂચવે છે. જો કોઈ સ્ત્રીના હૃદય પર તલ છે, તો તે ભાગ્યશાળી છે.

Image Source

પેટ પર તલ – જે વ્યક્તિના પેટ પર તલ હોય છે તેઓ ફૂડી હોય છે. જો તલ નાભિની ડાબી બાજુ હોય, તો વ્યક્તિને પેટની બિમારીથી મુશ્કેલી થાય છે. જેની નાભિ પર તલનું નિશાન હોય છે તેઓને જાતીય રોગ થવાની સંભાવના રહે છે.

હોઠ પર તલ – જે વ્યક્તિને તેના નીચલા હોઠ પર તલનું નિશાન હોય છે તે ખાવા પીવાના શોખીન હોય છે. આવી વ્યક્તિઓ તેમના ક્ષેત્રમાં વિશેષ સફળતા અને ખ્યાતિ પ્રાપ્ત કરે છે. સમુદ્રશાસ્ત્ર મુજબ, આવી વ્યક્તિમાં કામની ભાવના વધુ હોય છે, તે વિરોધી લિંગ તરફ આકર્ષાય છે.

Image Source

હાથ પર તલ – જેના હાથ પર તલ હોય છે તે બુદ્ધિશાળી હોય છે. જો ગુરુના ક્ષેત્રમાં તલ હોય તો તે એક સન્માર્ગી હોય છે. જો જમણી હથેળી પર તલ હોય તો તે મજબૂત હોય છે અને જો જમણી હથેળીના પાછલા ભાગમાં હોય તો તે સમૃદ્ધ હોય છે. જો ડાબી હથેળી પર તલ હોય, તો તે ખર્ચાળ હોય છે, અને જો ડાબી હથેળીની પાછળની બાજુ તલ હોય, તો તે કંજુસ હોય છે. તે સમુદ્રશાસ્ત્રમાં કહેવામાં આવ્યું છે કે હથેળી પર અંગૂઠાની નીચેના ભાગને શુક્ર પર્વત કહેવામાં આવે છે. જેમની હથેળીમાં આ જગ્યા પર તલ હોય છે તે કામુક હોય છે. તેમને ગુપ્ત રોગ થવાની સંભાવના રહે છે. જો અંગૂઠા પર તલ હોય, તો તે વ્યક્તિ કાર્યક્ષમ, કુનેહપૂર્ણ અને ન્યાયી હોય છે. જેની પહેલી આંગળી પર તલ હોય છે, એ લોકો વિદ્વાન, ગુણવાન અને ધનવાન હોય છે અને તેઓ દુશ્મનો સાથે લડે છે.

Image Source

આંખ પર તલ – જો જમણી આંખની કિકી પર તલ હોય તો તે વ્યક્તિ ઉચ્ચ વિચારવાળો હોય છે. આંખની કિકી પર તલવાળા લોકો સામાન્ય રીતે ભાવનાત્મક હોય છે. જો તલ આંખના પોપચા પર હોય, તો વ્યક્તિ સંવેદનશીલ હોય છે. જમણા પોપચાં પર તલવાળા ડાબી બાજુવાળા કરતાં વધુ સંવેદનશીલ હોય છે. જમણી આંખ પરની તલ જીવનસાથી સાથે મેલ હોવાનો અને ડાબી આંખ પરની તલ ઉતાર-ચઢાવથી ભરેલા હોવાનો આભાસ આપે છે. જો બંને ભ્રમર પર તલ હોય તો, વ્યક્તિ ઘણીવાર મુસાફરી કરે છે. જમણી બાજુ પર તલ સુખ સૂચવે છે અને ડાબી બાજુ તલ એક ઉદાસીન વિવાહિત જીવન સૂચવે છે.

Image Source

જે વ્યક્તિના કપાળની જમણી અથવા ડાબી બાજુ તલનું નિશાન હોય છે, તે ઘણા પૈસા કમાય છે, પરંતુ તે પૈસા લક્ઝરી વસ્તુઓમાં ખર્ચ કરે છે. તો કેટલીકવાર તેમને આર્થિક મુશ્કેલીઓનો પણ સામનો કરવો પડે છે. કાન પર તલ વ્યક્તિની ઉંમર સૂચવે છે. જો નાકમાં તલ હોય છે, તો તે વ્યક્તિ પ્રતિભાશાળી અને સુખી હોય છે. સ્ત્રીઓના નાક પર તલ તેમના સારા નસીબની નિશાની હોય છે.

Image Source

ચહેરાની આજુબાજુ તલ સ્ત્રી અને પુરુષ બંને સુખી, સમૃદ્ધ અને સૌમ્ય હોવાનો સંકેત છે. ચહેરા પર તલ વ્યક્તિને ભાગ્યથી સમૃદ્ધ બનાવે છે. તેનો જીવનસાથી સજ્જન હોય છે. ગાલ પર લાલ તલ શુભ પરિણામ આપે છે. ડાબા ગાલ પર કાળો વર્ણ તલ વ્યક્તિને સંઘર્ષશીલ બનાવે છે, પરંતુ જમણા ગાલ પરનો તલ સમૃદ્ધ બનાવે છે. જો જડબા પર તલ હોય તો, સ્વાસ્થ્ય સુસંગતતા અને પ્રતિકૂળતાઓ સતત રહે છે. એવી સ્ત્રી કે જેની દાઢી પર તલ હોય છે, તો તેનામાં મિલનસારતા ઓછી હોય છે.

હોઠની ઉપર જમણા ભાગે તલ ધરાવનારી સ્ત્રી કે પુરુષનો જીવનસાથી સાથે પ્રેમભર્યો સંબંધ રહે છે. તેનાથી વિપરિત, જ્યારે હોઠની ડાબી બાજુ તલ હોય ત્યારે જીવનસાથી સાથે મતભેદ બની રહે છે, તેમની વચ્ચે તાલમેલનો અભાવ હોય છે.

Image Source

જે લોકોના ગળા પર તલ હોય છે તે લોકોનો અવાજ સારો હોય છે. આવી વ્યક્તિઓ તેમના અવાજનો વ્યાવસાયિક ઉપયોગ કરી શકે છે. તેઓ સંગીત અને ગાયનના શોખીન હોય છે. જો ગળાના પાછલા ભાગ પર તલ હોય તો વ્યક્તિને કરોડરજ્જુમાં સમસ્યા થઈ શકે છે.

સમુદ્રશાસ્ત્ર મુજબ, જે લોકોના પગ પર તલ હોય છે, તેઓને તેમના જીવનમાં વધુ મુસાફરી કરવી પડે છે. જમણા પગની એડી અથવા અંગૂઠા પર તલ હોવાને શુભ પરિણામ માનવામાં આવે છે કે તે વ્યક્તિ વિદેશ પ્રવાસ કરશે. પરંતુ જો તલ ડાબા પગમાં હોય, તો પછી તેમને થોડો સંઘર્ષ કરવો પડે છે. તેમના પૈસા બિન-જરૂરી વિષયોમાં ખર્ચાય છે.

Image Source

જમણા ખભા પર તલની હાજરી એ દ્રઢ હોવાની નિશાની છે અને ડાબા ખભા પર તલની હાજરી એ ચીડિયાપણાની નિશાની છે. જમણા હાથ પર તલવાળી વ્યક્તિ પ્રતિષ્ઠિત અને બુદ્ધિશાળી હોય છે. લોકો તેનો આદર કરે છે. જો ડાબા હાથ પર તલ હોય, તો તે વ્યક્તિ પોતાની વાત કહેવામાં અચકાતા નથી. તેમનો એવો સ્વભાવ તેના સંબંધોને ક્યારેક અસર કરે છે. કોણી પર તલ હોવું એ વિદ્વાનતાનું સૂચક હોય છે.

Author: GujjuRocks Team તમે આ લેખ GujjuRocks ના માધ્યમથી વાંચી રહ્યા છો, આવી જ રીતે રોજિંદા જીવનમાં ઉપયોગી હોય એવી લાગણીસભર વાર્તાઓ, સ્વાસ્થ્યવર્ધક માહિતી, બોલીવુડની ખબરો, ધાર્મિક વાતો, રેસિપી તથા અન્ય રસપ્રદ માહિતીઓ મેળવવા માટે ગુજરાતીઓનું લોકપ્રિય ફેસબુક પેજ GujjuRocks લાઈક કરી જોડાઓ તથા હવે અમારા દરેક જોક્સ-સુવિચાર સીધા તમારા મોબાઈલમાં મેળવવા માટે અમારી મોબાઈલ એપ અહીં ક્લિક કરીને ડાઉનલોડ કરી લેજો GujjuRocks Mobile App.

લેખ ગમ્યો હોય તો લાઈક કરી મિત્રો સાથે શેયર કરજો.