દેશમાંથી અવાર નવાર હત્યાના કિસ્સાઓ સામે આવતા રહે છે. ઘણીવાર અંગત અદાવતમાં હત્યા કરવામાં આવતી હોય છે તો ઘણીવાર પ્રેમ સંબંધમાં તો અવૈદ્ય સંબંધમાં હત્યા કરી નાખવામાં આવતી હોય છે. પરંતુ હાલ એવો કિસ્સો સામે આવ્યો છે, જેમાં પડોશમાં રહેતી પ્રેમિકાએ પ્રેમીથી છુટકારો મેળવવા માટે ગળું અને મોઢું દબાવીને પ્રેમીની હત્યા કરી નાખી હતી. મોબાઈલમાંથી મળેલા ગંદા વીડિયોના આધારે પૂછપરછ દરમિયાન પ્રેમિકાએ સંબંધ માટે દબાણ કરીને હત્યા કર્યાની કબૂલાત કરી હતી. પોલીસે ગુરુવારે રાત્રે આરોપી મહિલાની ધરપકડ કરી હતી.
હાલ મહિલાની પૂછપરછ કરવામાં આવી રહી છે. જયપુરમાં પાંચ દિવસ પહેલા 6 માર્ચે થયેલી હત્યાનું રહસ્ય ગંદા વિડિયો ક્લિપ દ્વારા બહાર આવ્યું હતુ. 6 માર્ચે જયપુરના કરધની પોલીસ સ્ટેશન વિસ્તારમાં 27 વર્ષીય સુભાષ કુમાવતનું શંકાસ્પદ મૃત્યુ થયું હતું. પોલીસે એફએસએલની ટીમને સ્થળ પર બોલાવી પુરાવા એકત્ર કર્યા હતા. મેડિકલ બોર્ડ દ્વારા પોસ્ટમોર્ટમ કરાવ્યા બાદ જાણવા મળ્યું હતું કે સુભાષ કુમાવતનું મોત ગળું દબાવવાથી થયું હતું. આ પછી કરધની પોલીસ સ્ટેશનના ઈન્ચાર્જે મૃતકના મોબાઈલની તપાસ કરી તો તેમાં ગંદા વીડિયો મળી આવ્યા.
આ ગંદા વીડિયો દ્વારા પોલીસે હત્યાની ઘટનાનો ખુલાસો કર્યો હતો. મૃતક સુભાષ કુમાવત ગોવિંદગઢનો રહેવાસી હતો અને કરધાની વિસ્તારના બનાદ રોડ પર ફકીરા નગરમાં ભાડે રૂમમાં રહેતો હતો. વિનોદ કંવર પણ તેના પતિ સાથે તેની સામેના મકાનમાં ભાડાના મકાનમાં રહેતી હતી. ગર્લફ્રેન્ડ વિનોદ કંવર અને સુભાષ કુમાવત વચ્ચે બે વર્ષ સુધી પ્રેમસંબંધ હતો. બંનેએ ઘણી વખત સંબંધો પણ બાંધ્યા હતા. વિનોદ કંવરના પતિને બંને વચ્ચેના અવૈદ્ય સંબંધોની જાણ થતાં જ પતિ-પત્ની વચ્ચે ઝઘડો શરૂ થયો હતો.
પતિએ તેની પત્નીને ગામમાં છોડી દીધી, પરંતુ વિનોદ કંવરે આગ્રહ કર્યો કે તે જયપુર પાછો આવે અને રહેવા લાગે. આ દરમિયાન પણ વિનોદ કંવર અને સુભાષ વચ્ચે સંબંધ બંધાયા હતા. જ્યારે પણ વિનોદ કંવરનો પતિ ઘરે ન હતો ત્યારે સુભાષ તેના ઘરે આવતો હતો અને વિનોદ કંવર સાથે સંબંધ બાંધતો હતો. 6 માર્ચે પણ સુભાષ કુમાવત વિનોદ કંવરના ઘરે ગયો હતો. સંબંધ બાંધવા બાબતે બંને વચ્ચે ઝઘડો થયો હતો.
વિનોદ કંવરે સંબંધ બાંધવાની ના પાડી ત્યારે સુભાષે ગંદા વિડીયો વાયરલ કરવાની ધમકી આપી હતી. આ પછી વિનોદ કંવરે સુભાષનું ગળું દબાવી હત્યા કરી નાખી. સાંજે જયારે તેનો પતિ ઘરે આવ્યો ત્યારે સુભાષની લાશ ઘરની બાલ્કનીમાં પડેલી મળી આવી હતી. માહિતી મળ્યા બાદ જ્યારે પોલીસ ઘટનાસ્થળે પહોંચી ત્યારે વિનોદ કંવર અજાણ બનીને શંકાસ્પદ મોતની વાત કરવા લાગી. કરધની પોલીસ સ્ટેશનના ઈન્ચાર્જને તપાસ દરમિયાન મૃતકના મોબાઈલમાંથી વિનોદ કંવરના વીડિયો મળી આવ્યા હતા.
આજુબાજુના લોકોની પૂછપરછ કરતા ખબર પડી કે બંને વચ્ચે ઘણા સમયથી અનૈતિક સંબંધો હતા. પોલીસે વિનોદ કંવરનો મોબાઈલ ચેક કર્યો તો વોટ્સએપ પર વીડિયો કોલ કર્યાની પણ માહિતી મળી. આ પછી પોલીસે વિનોદ કંવરની કડક પૂછપરછ કરતાં તેણે હત્યા કર્યાનું કબૂલ્યું હતું. તેણે પોલીસને જણાવ્યું હતું કે તેણે પ્રેમીથી છૂટકારો મેળવવા માટે આ હત્યા કરી હતી.
