જો તમે ટ્રેન અથવા બસમાં મુસાફરી કરો છો, તો તમે ઘણીવાર દુકાનદારોને બારીની બહારથી ચા વેચતા જોયા હશે. ઘણી વખત આ ચા વેચતા લોકો ડર્યા વગર ટ્રેન કે બસમાં ચઢી જાય છે. તેઓ ચા વેચે છે, પૈસા લે છે અને તક જોતા જ ઉતરી જાય છે, પરંતુ આવા લોકો ક્યારેય ફ્લાઈટમાં જોવા મળતા નથી. આનું પહેલું કારણ એ છે કે તમે એકવાર ફ્લાઈટમાં ચડ્યા પછી ઉતરવું મુશ્કેલ છે. બીજું કારણ એ છે કે ફ્લાઈટની બારીની બહાર દોડતી વખતે ચા વેચવી અશક્ય છે અને છેલ્લું અને સૌથી મહત્ત્વનું કારણ એ છે કે ફ્લાઈટમાં આવી વસ્તુઓ લઈ જવાની મંજૂરી નથી. પરંતુ તાજેતરમાં ઈન્ટરનેટ પર એક વીડિયો વાયરલ થઈ રહ્યો છે, જેમાં ટ્રેન-બસની જેમ ફ્લાઈટમાં એક વ્યક્તિ ખુલ્લેઆમ ગરમ ચા વહેંચી રહ્યો છે.
ફ્લાઇટમાં ચા પીરસી
ચા લો, ગરમ ચા લો… તમે ટ્રેન કે બસમાં આવા અવાજો તો ઘણી વાર સાંભળ્યા હશે, પણ હવે ફ્લાઈટમાં સાંભળી શકશો. ઈન્ડિયન ચાઈ વાલા નામના ઈન્સ્ટાગ્રામ હેન્ડલે આ વીડિયો શેર કર્યો છે. જેમાં એક વ્યક્તિ ફ્લાઈટમાં જ ચા વહેંચતો જોવા મળી રહ્યો છે. આ વ્યક્તિના હાથમાં થર્મોસ છે, જેમાંથી ધુમાડો નીકળતો જોવા મળે છે, જે દર્શાવે છે કે થર્મોસમાં જે પણ પ્રવાહી છે તે ખૂબ જ ગરમ છે, જેને તે એક પછી એક ડિસ્પોઝેબલ ગ્લાસમાં ભરીને લોકોને આપી રહ્યો છે. લોકો તેને આ રીતે ચા વહેંચતા જોઈને હસી રહ્યા છે.અને ચા પણ લઈ રહ્યા છે.
એર-વે કે રેલ્વે ?
સોશિયલ મીડિયા યુઝર્સ આ વીડિયોને જોઈને ખૂબ જ આશ્ચર્યચકિત થઈ ગયા છે. કેટલાક યુઝર્સનો સવાલ છે કે ફ્લાઈટમાં આ થર્મોસ અને ગરમ ચા લાવવાની પરવાનગી કેવી રીતે મળી? એક યુઝરે લખ્યું કે, આ ઈન્ડિગોની રેલ્વે છે. આ વીડિયોને અત્યાર સુધીમાં 17 હજારથી વધુ લાઈક્સ મળી ચૂક્યા છે.
View this post on Instagram
