મલાઈકા અરોરાના પિતા અનિલએ ગઈકાલે તેમની છત પરથી કૂદીને આત્મહત્યા કરી હતી. ત્યારબાદ બોલિવૂડ અભિનેત્રી મલાઈકા અરોરાએ એક નિવેદન જારી કર્યું છે. તેમનું મૃત્યુ 11 સપ્ટેમ્બરે થયું હતું અને પોલીસે તેને પ્રથમ દૃષ્ટિએ આત્મહત્યાનો કેસ ગણાવ્યો છે. નિવેદનમાં અરોરાએ મુશ્કેલ સમયમાં ગોપનીયતા જાળવવાની વિનંતી કરી છે.
નિવેદનમાં કહેવામાં આવ્યું છે, “અમને અમારા પ્રિય પિતા અનિલના નિધનની જાહેરાત કરતાં ખૂબ જ દુઃખ થાય છે. તેઓ એક સૌમ્ય આત્મા, સમર્પિત દાદા, પ્રેમાળ પતિ અને અમારા સૌથી સારા મિત્ર હતા. અમારું કુટુંબ આ નુકસાનથી ઊંડા આઘાતમાં છે અને અમે આ મુશ્કેલ સમય દરમિયાન મીડિયા અને શુભેચ્છકોને પ્રાઇવસી આપવાની વિનંતી કરીએ છીએ. અમે તમારી સમજણ, સમર્થન અને સન્માનની કદર કરીએ છીએ.”
અનિલ ના અંતિમ સંસ્કાર આજે એટલે કે 12 સપ્ટેમ્બરે સાંતાક્રુઝ સ્મશાનગૃહ ખાતે રાત્રે 11 વાગ્યે કરવામાં આવશે. પોલીસે જણાવ્યું હતું કે 62 વર્ષીય અનિલ આયશા મેનરમાં મૃત મળી આવ્યા હતા, જે એ જ ઇમારત છે જ્યાં મલાઈકા અરોરાનો પરિવાર રહે છે.
મલાઈકા અરોરાના પિતા અનિલે છઠ્ઠા માળની છત પરથી કૂદકો મારીને આત્મહત્યા કરી હતી. હાલમાં તપાસ ચાલુ છે. મલાઈકા અરોરા પુણેમાં એક કાર્યક્રમ માટે ગઈ હતી, સમાચાર મળ્યા બાદ તે તેના ઘરે પહોંચી હતી. તેમના મૃત્યુના સમાચાર મળ્યા બાદ અર્જુન કપૂર, અરબાઝ ખાન, અમૃતા અરોરા અને મલાઈકાનો પુત્ર અરહાન ઘટનાસ્થળે પહોંચી ગયા હતા.
અર્જુન કપૂર, મલાઈકાના પૂર્વ પતિ અરબાઝ ખાન અને તેમનો સમગ્ર પરિવાર તેમજ તેમની નજીકની મિત્ર કરીના પણ અભિનેત્રીને આ મુશ્કેલ સમયમાં સાંત્વના આપવા માટે મલાઈકાની માતાના ઘરે પહોંચી ગયા છે.
અનિલ અરોરાના મૃત્યુના સમાચાર 11:30 વાગ્યે સામે આવ્યા હતા. છઠ્ઠા માળેથી પડ્યા બાદ તેમને હોસ્પિટલ લઈ જવામાં આવ્યા હતા. ત્યાં ડૉક્ટરોએ તેમને મૃત જાહેર કર્યા હતા. એ સવાલ ઊભો થયો છે કે આ અકસ્માત છે કે તેમણે આત્મહત્યા કરી છે? પોલીસ કેસની તપાસ કરી રહી છે. પરિવારના સભ્યોના નિવેદનો લેવામાં આવી રહ્યા છે. એવી માહિતી મળી છે કે ઘટના સમયે તેઓ અને તેમની પત્ની ઘરે હતા. પરિવારનો કોઈ અન્ય સભ્ય હાજર નહોતો.
