આપણે જયારે નાના હતા ત્યારે ઘણી બધી વાર્તાઓ આપણે આપણા બા-દાદા પાસેથી સાંભળી હશે, આ વાર્તાઓમાં ઘણી રાજા-રાણીની તો ઘણી પરીઓની વાર્તાઓ હશે, પરંતુ એમાં કેટલીક એવી વાર્તાઓ હતી જે આપણા માટે પણ યાદગાર બની ગઈ, એ અલીબાબા ચાલીસ ચોર અને અલાદ્દીનની વાર્તાઓ હતી. આવી વાર્તાઓ ઉપર ટીવી સિરિયલો અને ફિલ્મો પણ ઘણી બની છે.
ક્યારેક ક્યારેક આપણા મનમાં પણ એવું થાય કે શું આ વાર્તામાં જે હતું એ બધું સાચું હશે ? પરંતુ હાલમાં એક એવો નજારો જોવા મળ્યો જેના કારણે તમારી આ કલ્પના હકીકતમાં બનતી જોવા મળી. જ્યાં એક વ્યક્તિ અલાદ્દીનની જાદુઈ ચટાઈ ઉપર રોડ અને પાણીની અંદર અજીબો ગરીબ કરતબ બતાવતો જોવા મળ્યો જેને જોઈને લોકો પણ હેરાન રહી ગયા.
આ ઘટના જોવા મળી હતી દુબઈમાં. જ્યાં લોકોને અલાદ્દીન રોડ ઉપર ઉડતો જોવગા મળ્યો. એટલું જ નહીં તે સમુદ્રની લહેરો ઉપર પણ ઉડતો નજર આવ્યો હતો. દુબઈના આ વ્યક્તિએ એવો જુગાડ લગાવ્યો કે તેના જુગાડને કોઈ સમજી જ ના શક્યું. આ વ્યક્તિ અલાદ્દીનના ગેટઅપમાં સજેલો હતો અને સડસડાટ એક ચટાઈ ઉપર ઉડી રહ્યો હતો.
રોડ ઉપર આ વ્યક્તિને જોનારા લોકો પણ હેરાન રહી ગયા અને ઘણા લોકો તેનો વીડિયો પણ બનાવવામાં લાગી ગયા. આ આખી જ ઘટનાનો વીડિયો પણ તે વ્યક્તિએ તેની યુટ્યુબ ચેનલ ઉપર શેર કર્યો છે. આ વ્યક્તિએ એક પાઇપ ફ્રેમને ઇલેક્ટ્રોનિક લોન્ગ બોર્ડ ઉપર ફિક્સ કરી અને પછી તેના ઉપર એક ચટાઈ લગાવી દીધી.
આ રીતે તેને ઓપ્ટિકલ ઈલ્યુઝન ક્રિએટ કરીને જાદુઈ ચટાઈ બનાવી. પાણી માટે બનાવવામાં આવેલી ચટાઈમ નીચે ઈ-ફોઈલ બોર્ડનો ઉપયોગ કર્યો. જે સર્ફબોર્ડ જેવું હોય છે. તેના બાદ આ વ્યક્તિએ પહેલા રોડ ઉપર અંતર કાપ્યું અને પછી તે સમુદ્રની લહેરો ઉપર પણ ઉડતો નજર આવ્યો. આ વ્યક્તિ દ્વારા બનાવવામાં આવેલું આ યંત્ર ખુબ જ શાનદાર દેખાઈ રહ્યું હતું. જેને પણ તેને જોયું તે બસ તેને જ જોતું રહી ગયું.
