‘પ્રોપર્ટી ડીલર અંકલ મમ્મીને મળવા આવતા હતા…’ પપ્પા બોલ્યા- હું હોતો તો પિસ્તલ ઉઠાવી ગોળી મારી દેતો
PUBG હત્યાકાંડ : માતાને ગોળી મારી મોતને ઘાટ ઉતારી દેનાર પુત્રએ કર્યો સનસનીખેજ ખુલાસો, કહ્યુ- પ્રોપર્ટી ડીલર અંકલ મમ્મીને મળવા…
ઉત્તર પ્રદેશની રાજધાની લખનઉમાં હત્યા કેસમાં એક પછી એક ખુલાસા થઈ રહ્યા છે. PUBG હત્યાકાંડની કહાની હવે એક નવા વળાંક પર પહોંચી છે. સગીર પુત્ર હવે ઘરમાં ‘ત્રીજી વ્યક્તિ’ના પ્રવેશને કારણે માતાની હત્યાને યોગ્ય ઠેરવી રહ્યો છે. જો કે, અત્યાર સુધી બાળક કહેતો હતો કે વધુ પડતા સંયમના કારણે તેણે તેની માતાને ગોળી મારી દીધી હતી. આ કેસમાં રોજ રોજ નવા નવા ખુલાસાઓ થઇ રહ્યા છે અને હવે આ કેસમાં ત્રીજો વ્યક્તિ પણ દાખલ થયો છે, જેના કારણે સમગ્ર હત્યાનો પ્લાન તૈયાર કરવામાં આવ્યો હતો. આરોપી સગીર પુત્રએ બાળ કલ્યાણ સમિતિની પૂછપરછમાં કહ્યું, જ્યારે પિતા નહોતા, ત્યારે પ્રોપર્ટી ડીલર અંકલ માતાને મળવા આવતા હતા.
આ જોઈને મને બહુ ખરાબ લાગતુ. મેં એક દિવસ મારા પિતાને આ વિશે ફરિયાદ કરી. જે બાદ પિતા અને માતા વચ્ચે ઉગ્ર બોલાચાલી થઈ હતી. આ પછી મારી મમ્મીએ મને ખૂબ માર પણ માર્યો હતો. ત્યારથી મારા દિલમાં ઘણો ગુસ્સો ભરેલો હતો. એક દિવસ પ્રોપર્ટી ડીલર અંકલ ઘરે જમવા આવ્યા. આનાથી મને ગુસ્સો આવ્યો. મેં ખાધુ નહિ. જેની ફરિયાદ મેં મારા પિતાને પણ કરી હતી. આ કારણે મારી માતાએ મારો ફોન છીનવી લીધો હતો અને મને ખૂબ માર માર્યો હતો. મેં મારા પિતાને કહ્યું કે મને આ બધું ગમતું નથી. તો પિતાએ કહ્યું, જો હું ત્યાં હોત તો પિસ્તોલ ઉઠાવી ગોળી મારી દેત. જે બાદ આરોપી પુત્રએ કહ્યું, મારે શું કરવું જોઈએ ?
પપ્પાએ કહ્યું- ‘તારા મનમાં જે હોય તે કર. થોડા દિવસો પછી માતાના 10 હજાર રૂપિયા ગાયબ થઈ ગયા, જે લીધા જ ન હતા અને તેમ છત્તાં તેણે મને ખૂબ માર માર્યો. મમ્મીએ મને ખાવાનું પણ ન આપ્યું. હું આખી રાત ભૂખ્યો હતો. પછી મેં વિચાર્યું કે હવે હું ખોરાક ત્યારે જ ખાઈશ જ્યારે હું આનો બદલો લઈશ. તે પછી અમે ત્રણેય (માતા, નાની બહેન અને પોતે આરોપી) રાત્રે સૂતા હતા. હું ઉભો થયો પિસ્તોલ કાઢી અને મારી માતાને ગોળી મારી. ઘરમાં શું ચાલી રહ્યું છે તે વિશે પપ્પા બધું જ જાણતા હતા. પપ્પા પણ ગુસ્સે થતા, પણ કંઈ કરતા નહિ. પછી મેં મારી માતાને ગોળી મારી. એ માટે પપ્પાએ મને ફોન પર કહ્યું, તેં તારી માતાને મારી નાખી. પરંતુ હવે ઘરમાં ઘણી શાંતિ છે.”
મંગળવારે પશ્ચિમ બંગાળના આસનસોલમાં તૈનાત આર્મી જવાનના પિતાને આ ઘટનાની જાણ થઈ. ઘટના સમયે છોકરાની 9 વર્ષની બહેન પણ ઘરે હતી. છોકરાએ તેને ધમકી આપીને બીજા રૂમમાં બંધ કરી દીધી હતી. ત્યાં માતાના મૃત શરીરમાંથી નીકળતી ગંધને છુપાવવા માટે રૂમ ફ્રેશનરનો ઉપયોગ પણ આરોપી પુત્રએ કર્યો હતો. આ મામલામાં અત્યાર સુધી એવું કહેવામાં આવતું હતું કે સગીર ઓનલાઈન ગેમ PUBGનો વ્યસની હતો. માતા તેને ગેમિંગ માટે રોકતી હતી, તેથી રોકા ટોકીથી નારાજ થઈને તેણે માતાને મારી નાખી. સગીરે તેની માતાને ગોળી મારવા માટે તેના પિતાની લાઇસન્સવાળી પિસ્તોલનો ઉપયોગ કર્યો હતો. જો કે, હવે આ કેસ બીજો વળાંક લઇ રહ્યો છે.
