...
   

પહેલી મેના દિવસે જ મળી મોટી ખુશ ખબરી, સસ્તો થઇ ગયો LPG ગેસ સિલેન્ડર, જાણો કેટલો થયો ભાવ

LPG Price Cut May : મે મહિનો શરૂ થઈ ગયો છે અને દર મહિનાની પહેલી તારીખની જેમ 1લી મે 2024થી દેશમાં ઘણા ફેરફારો અમલમાં આવ્યા છે. આ ફેરફારો તમારા ખિસ્સા પર સીધી અસર કરશે. પહેલી તારીખથી એલપીજી સિલિન્ડરની કિંમતમાં ઘટાડો થયો છે.  એલપીજીની કિંમતમાં પહેલો મોટો ફેરફાર વાસ્તવમાં ઓઇલ માર્કેટિંગ કંપનીઓએ સતત બીજા મહિને 19 કિલોના કોમર્શિયલ ગેસ સિલિન્ડરના ભાવમાં ઘટાડો કર્યો છે.

દેશમાં ચાલી રહેલી લોકસભા ચૂંટણી વચ્ચે દિલ્હીથી મુંબઈ સુધી સિલિન્ડરની કિંમતમાં 19-20 રૂપિયાનો ઘટાડો થયો છે. સિલિન્ડરની નવી કિંમતો IOCLની વેબસાઇટ પર અપડેટ કરવામાં આવી છે, જે 1 મે, 2024થી લાગુ થશે. નવીનતમ ફેરફાર બાદ હવે દિલ્હીમાં 19 કિલોના કોમર્શિયલ ગેસ સિલિન્ડરની કિંમતમાં 19 રૂપિયાનો ઘટાડો કરવામાં આવ્યો છે અને તેની કિંમત 1764.50 રૂપિયાથી ઘટીને 1745.50 રૂપિયા થઈ ગઈ છે.

મુંબઈમાં કોમર્શિયલ એલપીજી સિલિન્ડરની કિંમત 1717.50 રૂપિયાથી ઘટીને 1698.50 રૂપિયા થઈ ગઈ છે. ચેન્નાઈમાં પણ આ સિલિન્ડર 19 રૂપિયા સસ્તું થયું છે અને તેની કિંમત 1930 રૂપિયાથી ઘટીને 1911 રૂપિયા થઈ ગઈ છે. જોકે, કોલકાતામાં કોમર્શિયલ સિલિન્ડરની કિંમતમાં 1 રૂપિયો વધુ એટલે કે 20 રૂપિયાનો ઘટાડો કરવામાં આવ્યો છે અને અત્યાર સુધી આ સિલિન્ડર જે 1879 રૂપિયામાં વેચાતો હતો તે હવે અહીં 1859 રૂપિયા થઈ ગયો છે.

Niraj Patel