ખબર

LICની જબરદસ્ત સ્કીમ, એક વખત પ્રીમિયમ ભરો અને દર મહિને મળશે 12000નું પેન્શન

ભારતીય જીવન વીમા નિગમ (LIC) સરલ પેન્શન યોજના શરૂ થઈ છે, જેમાં તમે માત્ર એક પ્રીમિયમ ચૂકવીને 60 વર્ષ પછી દર મહિને 1000 થી 12000 રૂપિયા સુધીનું પેન્શન મેળવી શકો છો. એલઆઈસી સરલ પેન્શન યોજના બે પ્રકારની છે. પ્રથમ લાઈફ એન્યુટી વિથ 100% રિટર્ન ઓફ પરચેઝ પ્રાઈઝ(Life Annuity with 100 percent return of purchase price) છે, જે સિંગલ લાઇફ પેન્શન માટે છે. આ અંતર્ગત પેન્શન યોજના કોઈપણ એક વ્યક્તિ સાથે જોડવામાં આવશે. જ્યાં સુધી વ્યક્તિ જીવિત છે ત્યાં સુધી તેને પેન્શન મળતું રહેશે, ત્યારબાદ તેના નોમિનીને બેઝ પ્રીમિયમ મળશે.

LIC ની બીજી પેન્શન યોજના સંયુક્ત લોકો માટે છે આ યોજના હેઠળ પતિ અને પત્ની બંનેને પેન્શન આપવામાં આવશે. એટલે કે, જે લાંબા સમય સુધી જીવે છે તેને પેન્શન મળે છે. બંનેની ગેરહાજરીમાં, નોમિનીને બેઝ પ્રાઇસ મળશે.

1 વીમાધારકના કિસ્સામાં પોલિસી લેતાની સાથે જ પેન્શન શરૂ થશે. આમાં, વીમાધારક નક્કી કરશે કે તેને દર મહિને, ત્રિમાસિક, અર્ધવાર્ષિક અથવા વાર્ષિક પેન્શન જોઈએ છે. માસિક રોકાણના આધારે, તમે દર મહિને 1000 રૂપિયાથી 12000 રૂપિયા સુધીનું પેન્શન મેળવી શકો છો. પેન્શન યોજનાની સુવિધા ઓનલાઇન અને ઓફલાઇન મોડ દ્વારા મેળવી શકાય છે. આ યોજનામાં ઓછામાં ઓછા 12000 રૂપિયા આપવા પડશે, આ યોજના 40 થી 80 વર્ષના લોકો માટે ઉપલબ્ધ છે.

કન્યાદાન પોલિસી:
LIC એક કન્યાદાન પોલિસી લઈને આવ્યું છે. જેમના ઘરે પુત્રી છે તેમને જ આ પોલીસીનો લાભ મળશે. દીકરીના પિતા 25 કે 13 વર્ષ સુધી આ પોલિસી લઈ શકે છે. આ પૈસાથી તે પોતાની દીકરીના લગ્ન કે ઉચ્ચ શિક્ષણ અપાવી શકે છે. આ પોલિસી લીધા પછી, તમારે દીકરીના લગ્ન અને તેના અભ્યાસની ચિંતા કરવાની જરૂર રહેશે નહીં.

આ લાભ પણ સામેલ:
એલઆઈસીની કન્યાદાન પોલિસીની ખાસ વિશેષતા એ છે કે જો પોલિસીધારક કોઈ કારણસર મૃત્યુ પામે છે, તો તેના પરિવારને પ્રીમિયમ ચૂકવવું પડશે નહીં. બીજી બાજુ, જો પોલિસીધારકનું અકસ્માતથી મૃત્યુ થાય છે, તો તેના પરિવારને 10 લાખ રૂપિયાની એકીકૃત રકમ મળશે. આ સાથે, પોલિસીધારકના મૃત્યુ પછી, તેના પરિવારને પરિપક્વતા સુધી દર વર્ષે 50,000 રૂપિયા મળશે. તો બીજી તરફ 25 વર્ષ પછી, આ પોલિસીના નોમિનીને 27 લાખ રૂપિયા આપવામાં આવશે.

આ દસ્તાવેજ રજૂ કરવાના રહેશે:
એલઆઈસીની કન્યાદાન પોલીસીનો લાભ લેવા માટે, તમારે એક ફોર્મ ભરવાનું રહેશે, આ માટે તમારે આધાર કાર્ડ, આવકનો પુરાવો, ઓળખનો પુરાવો અને પાસપોર્ટ સાઈઝનો ફોટોગ્રાફ જમા કરાવવો પડશે. આ ઉપરાંત જે પણ પ્રથમ પ્રીમિયમ તરીકે આ પોલીસીનો લાભ લેવા માંગે છે, તેણે રોકડ સાથે પ્રમાણપત્ર રજૂ કરવું પડશે.