ક્રિકેટર કેએલ રાહુલ અને અભિનેત્રી આથિયા શેટ્ટી 23 જાન્યુઆરીએ લગ્નના બંધનમાં બંધાયા હતા. કપલના લગ્નની તસવીરો અને વીડિયો સોશિયલ મીડિયા પર જોરદાર વાયરલ થઈ રહ્યા છે. એવું કહેવામાં આવી રહ્યું હતું કે સુનીલ શેટ્ટીએ પુત્રી આથિયા અને જમાઈ કેએલ રાહુલને લગ્નની ભેટ તરીકે 50 કરોડનો એપાર્ટમેન્ટ આપ્યો છે. આ સિવાય કપલને સેલેબ્સ અને સંબંધીઓ તરફથી કરોડો રૂપિયાની ગિફ્ટ્સ મળી છે,
પરંતુ સુનીલ શેટ્ટીના પરિવારે આ અહેવાલોને નકારી કાઢ્યા છે. મીડિયા અહેવાલો અનુસાર, સુનીલ શેટ્ટીના પરિવારે કેએલ રાહુલ અને આથિયા શેટ્ટીને મળેલી વેડિંગ ગિફ્ટ અંગે ચાલી રહેલા સમાચારોને પાયાવિહોણા ગણાવ્યા છે. તેમણે કહ્યું કે આવા અહેવાલો પાયાવિહોણા છે અને તેમાં કોઈ સત્યતા નથી.
અમે પ્રેસ સમુદાયને વિનંતી કરીએ છીએ કે જાહેર ડોમેનમાં આવી ખોટી માહિતી પ્રકાશિત કરતા પહેલા અમારી સાથે વિગતોની પુષ્ટિ કરો. એવી ચર્ચા હતી કે કપલને તેમના લગ્નમાં એકથી વધુ મોંઘી વસ્તુઓ મળી હતી. આ ભેટોની યાદી એવી રીતે આપવામાં આવી હતી કે વિરાટ કોહલીએ 2 કરોડ જેટલી કિંમતની કાર આપી તો ધોનીએ 80 લાખ જેટલી કિંમતની બાઇક.. જો કે,
આ ભેટોને લઈને ચાલી રહેલી ચર્ચા પાયાવિહોણી છે અને સત્ય પરિવાર દ્વારા જ કહેવામાં આવ્યું છે. બોમ્બે ટાઈમ્સે જ્યારે કપલના પરિવાર પાસેથી આ અંગે પૂછપરછ કરી તો તેઓએ જણાવ્યું કે આ સમાચાર બિલકુલ પાયાવિહોણા છે અને તેમાં કોઈ સત્ય નથી. અહેવાલ મુજબ, આથિયા શેટ્ટી અને કેએલ રાહુલ હનીમૂન માટે નહીં જાય અથવા જો તેઓ જશે તો તેમની પાસે એકબીજાની કંપની માણવા માટે ઘણો ઓછો સમય હશે.
ઇટાઇમ્સે તેના એક અહેવાલમાં જણાવ્યું કે કેએલ રાહુલને આગામી થોડા દિવસોમાં આગામી IPL માટે તૈયારી શરૂ કરવી પડી શકે છે. આવી સ્થિતિમાં, કપલ પાસે હનીમૂન માટે વધુ સમય નથી. એવું પણ શક્ય છે કે કપલ ટૂંકા હનીમૂન માટે જાય અથવા તો ન જાય, સિવાય કે કેએલ રાહુલને ક્રિકેટમાંથી લાંબો બ્રેક ન મળે. આ જ કારણ છે કે કેએલ રાહુલ અને આથિયા શેટ્ટી હનીમુન જવા અંગે કોઈ નિર્ણય લઈ શકતા નથી.
કેએલ રાહુલ ક્રિકેટમાં ખૂબ જ વ્યસ્ત છે અને તેના માટે આઈપીએલનો ભાગ બનવું ખૂબ જ જરૂરી છે. જો અહેવાલોનું માનીએ તો, સુનીલ શેટ્ટી IPL પછી આથિયા શેટ્ટી અને કેએલ રાહુલના લગ્ન રિસેપ્શનનું આયોજન કરશે, જેમાં મનોરંજન અને રમતગમત ઉદ્યોગના દિગ્ગજ સ્ટાર્સ હાજરી આપશે.
