અમદાવાદમાંથી હાલમાં જ ફિલ્મી સ્ટોરીને ટક્કર માટે તેવો હત્યાનો કિસ્સો સામે આવ્યો, જેમાં પ્રેમિકા ધારાથી પીછો છોડાવવા માટે ખુદ પ્રેમી સુરજ ભુવાજીએ અન્ય આરોપીઓ સાથે મળી ધરાની હત્યાનું કાવતરું રચ્યુ અને તેની હત્યા કરી લાશને સળગાવી દીધી. આ હત્યા કેસનો ખુલાસો એક વર્ષ બાદ થયો અને તે બાદ એક મહિલા સહિત 8 આરોપીઓની ઝોન 7 LCB ટીમે ધરપકડ કરી.
ત્યારે હવે સોશિયલ મીડિયામાં ફેમસ એવી કીર્તિ પટેલ કે જેણે સુરજ ભુવાજી અને તેના પરિવારનો ભાંડો ફોડ્યો છે. કીર્તિનો એક વીડિયો સામે આવ્યો છે, જેમાં તે કહી રહી છે કે, ગેમ પ્લાનિંગ સાથે સુરજ ભુવાએ મારી બહેન ધારાની હત્યા કરી, આમાં સુરજ ભુવાનું આખુ ફેમીલી સંડોવાયેલુ છે.
કીર્તિએ એમ પણ કહ્યુ કે સુરજ ભુવાના પપ્પાએ ન્યુઝમાં આપ્યુ હતુ કે મારા દીકરાનો કોઇ પ્રોપર્ટી કે કોઇ જગ્યાએ હક નહિ લાગે, મેં તેને જાયદાદમાંથી બેદખલ કરી દીધો છે. આ પછી ફેમીલીએ કાવતરુ રચી ધારાની હત્યા કરી નાખી. ધારા એટલી નીડર હતી કે કોઇની વાતમાં એમ તો ના આવે પણ આ લોકો એને જૂઠુ બોલીને એને લઇ ગયા કે આપણે આપણા કેસના પૈસા ભરવાના છે તો આપણે આપણા ગામ જવું પડશે પૈસા લેવા માટે, તું ગાડીમાં હાલ.
કીર્તિ કહે છે કે તેને જૂઠ્ઠુ બોલીને લઇ ગયા ખેતર જેવી જગ્યામાં.સમય બધાનું ફળ આપે છે, તમે તમારી આંખે જોઇ લીધુ. કીર્તિ વીડિયોમાં કહી રહી છે કે એક વર્ષ દિવસથી હું કહેતી હતી કે ધારાને મોટા પ્લાનિંગ સાથે મારવામાં આવી છે. પણ કોઇ મારી વાતને માનતુ નહોતુ. હું પુકારી પુકારીને કહેતી હતી કે મોટા આઇડી વાળા સપોર્ટ કરો. જો મોટા આઇડી વાળાએ સપોર્ટ કર્યો હોત તો ધારાને બહુ જલ્દી ન્યાય મળતો.
