ટીકટોકથી ફેમસ થઇ જનાર સુરતની કીર્તિ પટેલ ઘણી વિવાદોમાં રહેતી હોય છે. જો કે, હવે તે સોશિયલ મીડિયા સાથે સાથે ગુનાની દુનિયામાં પણ ઘણી ફેમસ થઇ ચૂકી છે. ગઇકાલના રોજ જ અમદાવાદના એસજી હાઇવે પર એક યુવતિને પાઇપથી માર માર્યો હોવાનો કિસ્સો સામે આવ્યો હતો,
જેમાં કીર્તિ પટેલનું નામ સામે આવ્યુ હતુ. તેણે તેના સાથીદાર સાથે મળીને એક યુવતિને લોખંડની પાઇપ મારી હતી અને ગાળો પણ ભાંડી હતી. આ બાબતે ફરિયાદ નોંધાતા પોલિસે ગુનો નોંધી તપાસ શરૂ કરી હતી. તે બાદ હવે કીર્તિ પટેલ પર ડુમસ પોલીસે એરહોસ્ટ્સ પર હુમલો અને ધમકી આપવાના પ્રકરણમાં ફરિયાદ નોંધવામાં આવી છે.
સોશિયલ મીડિયાની રીલ સ્ટાર કીર્તિ પટેલ પર બે દિવસમાં બીજી પોલીસ ફરિયાદ નોંધાઈ છે. કીર્તિ પટેલ સામે ડુમસ પોલીસ મથકમાં ધમકી અને મારામારીની ફરિયાદ નોંધાઈ છે. ઉલ્લેખનીય છે કે, ગોવાથી સુરત આવતી ફ્લાઇટની મહિલા ક્રુ મેમ્બર સાથે કીર્તિએ માસ્ક પહેરવા બાબતે બબાલ કરી હતી.
ગોવાથી સુરત આવતી ફ્લાઇટમાં મહિલા ક્રુ મેમ્બર સાથે માસ્ક ન પહરવાને લઈ ઝઘડો કરી કીર્તિ પટેલે મારા મારી કરતા એર હોસ્ટેટ્સ ઘવાય હોવાનું પણ જાણવા મળ્યું છે. કીર્તિ સામે અગાઉ પણ ફરિયાદ નોંધાઈ ચૂકી છે. હત્યાના પ્રયાસ જેવા ગુનાઓમાં કીર્તિએ પોલીસને પોતાનો જવાબ પણ લખાવ્યો છે.
એટલું જ નહીં પણ ગોવા-સુરત-જયપુર ફ્લાઈટમાં તમામ મુસાફરો સામે થયેલા અપમાનને લઈ એરહોસ્ટેસ એ જયપુરથી સુરત આવી નોકરી પરથી રાજીનામું પણ આપી દીધું હોવાની ચર્ચાઓ આવી રહી છે. જોકે હાલ ડુમસ પોલીસ આ કેસમાં તપાસ કરી રહી છે.જણાવી દઇએ કે, સો.મીડિયા સ્ટાર કીર્તિ પટેલ સતત વિવાદોમાં રહેવા ટેવાયેલી છે.
કીર્તિનો થોડા સમય પહેલા પ્રતિબંધિત પક્ષી એવા ઘુવડ સાથેનો તેનો ટીકટોક વીડિયો વાયરલ થયો હતો. આ વીડિયો જ્યારે વનવિભાગ પાસે પહોંચ્યો ત્યારે વનવિભાગે કીર્તિ પટેલ પાસેથી 25 હજારનો દંડ વસુલ કર્યો હતો અને આ ઉપરાંત બે વર્ષ પહેલા હત્યાની કોશિશના મામલે પણ કીર્તિ પટેલની સુરતની પુણા પોલીસ ધરપકડ કરી ચૂકી છે. કીર્તિ પટેલે લેડી ડોન ભૂરી સાથે પણ વીડિયો બનાવ્યો હતો.
કીર્તિ પટેલ થોડા સમય પહેલા ચાઈનીઝ એપ ટિકટોકથી સમગ્ર ગુજરાતમાં ફેમસ થઇ હતી. આજે કીર્તિ પટેલ સોશિયલ મીડિયાની સ્ટાર બની ગઈ છે. તે સોશિયલ મીડિયા (મોટે ભાગે ઇન્સ્ટાગ્રામ) પર પણ ખુલ્લેઆમ પોતાનું નિવેદન આપે છે. જેના કારણે આગામી દિવસોમાં વિવાદો ઉભા થઈ રહ્યા છે. આ માટે તે જેલ પણ જઈ ચુકી છે.
કીર્તિ પટેલને લઈને ફરી એકવાર વિવાદ ઉભો થયો છે જ્યાં કીર્તિ પટેલ પર અમદાવાદના એસજી હાઈવે પર એક યુવતીને માર મારવાનો અને યુવતીની કારની તમામ બારી તોડી નાખવાનો આરોપ લાગ્યો છે. આ ઉપરાંત કીર્તિ પટેલ પોતાના સોશિયલ મીડિયામાં ફોલોઅર્સ વધારવા માટે આ ટાઈપના નિવેદન આપ્યા કરે છે. તેમજ વિડીયો બનાવી વિવાદમાં આવી રહી છે.
થોડા સમય પહેલા ઘુવડને લઈને બનાવેલા વિડીયોને લઈને પણ વિવાદ સામે આવ્યો હતો. અને પોતે ઘોડા પર બેસીને નિવેદન આપ્યું હતું કે, કોઈ છે મર્દ જે હાથી પર બેસીને લગ્ન કરવા આવે? જેની પણ ભારે ટીકા થઇ હતી. ઘુવડ સાથે બનાવેલા વિડીયો ને લઈને તેને 25 હજારનો દંડ પણ ફટકારવામાં આવ્યો હતો.
થોડા સમય પહેલા જ સુરજ સોલંકી નામના ભુવાજીનો કિસ્સો ખૂબ ચર્ચામાં રહ્યો હતો. સુરજ ભુવાજી પર દસેક મહિના સુધી યુવતિ પર શરીરિક શોષણનો આરોપ લાગ્યો છે અને જે યુવતિએ ભુવાજી પર આરોપ લગાવ્યો તેણે પોતાનું જીવન ટૂંકાવી દેવાનો પ્રયાસ કર્યો હતો. આ ઉપરાંત તેણે એક સુસાઇડ નોટ પણ લખી હતી. તેમાં યુવતીએ સુરજ ભુવાજી પર આરોપો લગાવ્યા હતા. લોકો સોસીયલ મીડિયા પણ આ ઘટનાને લઈને પોતાની પ્રતિક્રિયા આપી રહ્યા છે.
ત્યારે હવે આ મુદ્દે ટીકટોકથી ફેમસ થયેલ કીર્તિ પટેલ પણ સામે આવી છે. તેણે સોશિયલ મીડિયાના લાઈવમાં આ ઘટના વિષે કહ્યું હતું કે બંને 10 માસ સુધી એક જ ઘરમાં સાથે રહેતા હતા તો પછી એવું તો શું થયું કે આવું પગલું લેવાની ફરજ પડી.
યુવતી દ્વારા એવું જણાવવામાં આવ્યુ હતું કે તેને બીજા પણ ઘણા લફડા હતા અને માટે તેને તેની સાથે આવું કર્યું છે. તેનું મન ભરાઈ ગયું હશે. ભુવા પણ માણસ હોય છે તેમને પ્રેમ થાય પણ આવી રીતે લોકોની ભાવનાઓ સાથે ચેડાં ના કરાય. કોઈના શરીરનો ઉપયોગ કરીને તેને છોડીના મુકાય. પ્રેમ જરૂરથી થયા પણ કોઈ છોકરી સાથે આવુ ન કરાય.
આ એવું લાગે છે કે હવે મન ભરાઈ ગયું એટલે છોડી દીધા. આ વીડિયોમાં આગળ સંભળાઇ રહ્યુ છે કે તે દીકરી તો આજે ઘરની કે ઘાટની નથી રહી. તેના માતા પિતા પણ નથી. તે આજ એકલી પડી ગઈ છે. તેને કોઈનો સહારો પણ નથી રહ્યો. આ ઘટના પછી તો તેનું જીવન બરબાદ થઇ ગયું. દીકરીને જરૂરથી ન્યાય મળવો જોઈએ. કોઈ બીજીવાર બીજી કોઈની દીકરી સાથે આવું ના કરી શકે. આ ઉપરાંત તે એક વીડિયોમાં એવું પણ કહી રહી છે લાઇવમાં કહુ છુ કે ધારાને કીર્તિ પટેલ સાચવશે.
Video: 1
Video: 2
