ખબર મનોરંજન

21 વર્ષની મહેનત બાદ KBCની હોટસીટ પર પહોંચી આ મહિલા, આટલા કરોડ જીતી ગઈ

જે કામ મોટા મોટા જ્ઞાનીઓ અને મહારથીઓ ના કરી શક્યા, એ કામ એક ગૃહિણીએ કરી બતાવ્યું, KBC માં આટલા બધા કરોડ જીતી ગઈ

ટીવી ઉપરના સૌથી લોકપ્રિય શો કોણ બનેગા કરોડપતિની હોટ સીટ ઉપર અમિતાભ બચ્ચન સામે બેસવાનું સપનું ઘણા બધા લોકો જોતા હોય છે. ઘણા લોકો આ હોટ સીટી સુધી પહોંચે છે અને માતબર રકમ જીતે પણ છે તો ઘણા લોકો ઓછી રકમથી પણ સંતુષ્ટ થઈને પરત ફરતા હોય છે. ત્યારે આ દરમિયાન ટીવી ઉપર શોની 14મી સીઝન પ્રસારિત થઇ રહી છે અને આ સીઝનની પહેલી કરોડપતિ મહિલા દેશને મળી ગઈ છે.

મહારાષ્ટ્રના કોલ્હાપુરમાં રહેતી કવિતા ચાવલાએ આ શોમાંથી એક કરોડ રૂપિયા જીત્યા છે. કવિતાએ 7 કરોડ રૂપિયા જીત્યા કે નહીં તે હજુ સ્પષ્ટ નથી. તમને જણાવી દઈએ કે આ પહેલા પણ કવિતા કૌન બનેગા કરોડપતિનો ભાગ બની હતી. પરંતુ તે સમયે શોમાં હોટ સીટ સુધી પહોંચી શકી ન હતી. કવિતાએ હાર ન માની અને ફરી એકવાર તે શોમાં આવી. 45 વર્ષની કવિતાએ નક્કી કર્યું હતું કે તેણે એક કરોડ રૂપિયા જીતવાના છે. અમિતાભ બચ્ચને પણ તેમના આત્મવિશ્વાસના ખૂબ વખાણ કર્યા હતા. કવિતા તેના પુત્ર સાથે શોમાં આવી હતી.

45 વર્ષની કવિતા ચાવલાએ 1 કરોડ રૂપિયા જીતીને સાબિત કર્યું છે કે મહેનત કરવા વાળાની ક્યારેય હાર નથી થતી. જ્યારે કૌન બનેગા કરોડપતિની શરૂઆત વર્ષ 2000માં થઈ હતી. ત્યારથી કવિતા ચાવલા આ શોમાં ભાગ લેવા માંગતી હતી અને 21 વર્ષ અને 10 મહિના પછી તેને બોલિવૂડના મેગાસ્ટાર અમિતાભ બચ્ચનની સામે હોટ સીટ પર બેસવાનો મોકો મળ્યો.

કવિતા ચાવલા કહે છે, “એક ગૃહિણી હોવાને કારણે અને કુટુંબની જવાબદારીઓ સંભાળતી હોવાથી, મેં કૌન બનેગા કરોડપતિમાં જોડાવાનું અને કરોડપતિ બનવાનું નાનું સપનું જોયું હતું. આ સપનું મારા માટે હકીકતમાં ફેરવાઈ ગયું જ્યારે બચ્ચન સાહેબે મોટા અવાજે જાહેરાત કરી કે મેં એક કરોડ રૂપિયા જીત્યા છે. તે એક ક્ષણ હતી જે મારા રૂંવાડા ઉભા કરવા માટે પૂરતી હતી. હું મારી જાત સાથે ધીરજ ધરાવતી હતી પણ મારી જાતને શાંત કરવી મુશ્કેલ હતી. મારા જીવનની એક મોટી મહત્વાકાંક્ષા પૂરી થઈ અને આખરે હું ઈતિહાસનો હિસ્સો બની ગઈ.

જ્યારે કૌન બનેગા કરોડપતિ વર્ષ 2000માં શરૂ થઈ હતી. ત્યારથી કવિતા ચાવલા તેમાં ભાગ લેવાનો પ્રયાસ કરી રહી છે. તે કહે છે, “હું કૌન બનેગા કરોડપતિ માટે દરેક સિઝનમાં પ્રયાસ કરતી હતી. વર્ષ 2012માં મને પહેલીવાર ફોન આવ્યો અને ફોન પર ત્રણ પ્રશ્નો પૂછવામાં આવ્યા, પરંતુ હું ગભરાટના કારણે જવાબ આપી શક્યો નહીં. તે પ્રથમ વખત હતું, પરંતુ હું પ્રયત્ન કરતી રહી પાંચ વર્ષ પછી મને બીજી તક મળી.

જેમાં સંખ્યાત્મક પ્રશ્ન પૂછવામાં આવ્યો હતો અને જવાબ આપી ના શકી. વર્ષ 2020માં બીજી સીડી પર પહોંચી. જ્યારે કોવિડનો સમય હતો, ત્યારે ઓડિશન ઓનલાઈન રાખવામાં આવ્યા હતા, પરંતુ ઈન્ટરવ્યુનો કોલ આવ્યો ન હતો. 2021માં તેણી ત્રણ સીડી ચઢી અને ફાસ્ટર ફિંગર સુધી પહોંચી, પરંતુ હોટ સીટ સુધી પહોંચી શકી નહીં. 2022માં ફરી પ્રયાસ કર્યો અને આખરે અહીંયા પહોંચી.