સ્ટાર પ્લસની ટીવી સીરિયલ ‘અનુપમા’ છેલ્લા ઘણા સમયથી દર્શકોના દિલમાં પોતાનું સ્થાન બનાવવામાં સફળ રહી છે. અનુપમા શો તેના ટ્વીસ્ટ અને ટર્ન્સના કારણે ટીઆરપી લિસ્ટમનાં ટોપ પર પોતાનું સ્થાન હાંસિલ કરે છે. આ દિવસોમાં અનુપમામાં વનરાજ પોતાના આચરણને કારણે ચર્ચામાં આવી રહ્યો છે. તે માલવિકા પર સતત નજર રાખી રહ્યો છે અને અનુપમા પણ સાવધાન થઈ ગઈ છે અને તે ઈચ્છતી નથી કે વનરાજ તેની યુક્તિમાં સફળ થાય. આજના એપિસોડમાં બતાવવામાં આવશે કે અનુજ પતંગ પર તેનું અને અનુપમાનું નામ લખશે. દરેક વ્યક્તિ પતંગ ઉડાડવાની તૈયારી કરશે. અનુજ સમરનો પતંગ કાપશે. છેલ્લે, લડાઈ માલવિકા અને અનુજ વચ્ચે થાય છે અને અનુપમા અનુજ પાસેથી પતંગની ડોર લઈ લેશે અને વનરાજ માલવિકા પાસેથી લઇ લેશે.
અનુપમા પતંગ ઉડાડવા દરમિયાન વનરાજને સત્ય કહેવાનું શરૂ કરશે. જ્યારે કાવ્યા પ્રવેશશે ત્યારે વનરાજ અનુપમાનો પતંગ કાપવાનો હતો અને તે વનરાજની પતંગની દોરી કાતરથી કાપી નાખશે. કાવ્યા આવતાની સાથે જ તમાશો થશે અને અનુપમા તેને મનાવવાનો પ્રયત્ન કરશે. કાવ્યા શાંત નહીં થાય અને તે વનરાજ પર ગુસ્સે થઈ જશે કે તેણે નંદિની સાથે કેમ આવુ કર્યુ. બા પણ કાવ્યાને સમજાવવાની કોશિશ કરશે પણ કાવ્યા બાને એમ કહીને ચૂપ કરી દેશે કે તેણે તેના દીકરાને કેમ સમજાવ્યું નથી.
અનુપમા ફરી એકવાર કાવ્યા અને વનરાજને સમજાવવાનો પ્રયત્ન કરશે, પરંતુ વનરાજ તેનાથી વિરુદ્ધ તેને બહારના વ્યક્તિ હોવાનું કહેશે. કાવ્યા ગુસ્સામાં વનરાજને નંદિની અને સમર વચ્ચેના સંબંધ તોડવા બદલ ઠપકો આપશે. ફરી એકવાર શાહ પરિવારમાં લડાઈ શરૂ થશે. કાવ્યા પણ પોતાનો ગુસ્સો બા-બાપુજી પર ઉતારશે અને કહેશે કે તેના જવાની કોઈએ ચિંતા કરી નથી. કાવ્યા કહેશે કે ઘરની વહુને કોઈએ રોકવાની કોશિશ નથી કરી. તે કહેશે કે તે મરી જશે તો પણ કોઈને તેની પડી નથી.
જ્યારે કાવ્યા આ રીતે ભડકશે ત્યારે બાપુજી પોતાનો પક્ષ રજૂ કરશે અને કહેશે કે તેણે કાવ્યા સાથે વાત કરવાનો પ્રયત્ન કર્યો પણ કાવ્યાએ પોતે જ જવાબ ન આપ્યો. આવનારા એપિસોડ્સમાં તમે જોશો કે અનુપમા કાવ્યાનો પક્ષ લેશે. બીજી બાજુ, માલવિકા વનરાજને દરેક કિંમતે ટેકો આપવાની વાત કરશે અને આ અનુપમાને નારાજ કરશે. અનુજ અનુપમાને સલાહ આપશે કે અનુપમાએ હવે શાહ પરિવારની બાબતોથી દૂર રહેવું જોઈએ. નંદિની કાવ્યાને તેની સાથે અમેરિકા પાછા જવા વિનંતી કરશે.
View this post on Instagram
