કોરોનાને લઈને દેશભરમાં ફરી એકવાર ગભરાટ જોવા મળી રહ્યો છે. થોડા સમય પહેલા અભિનેતા કમલ હાસનના કોરોના પોઝિટિવ હોવાના સમાચાર સામે આવ્યા હતા. ત્યારે હાલમાં જ લેટેસ્ટ રિપોર્ટ્સ અનુસાર, કરીના કપૂર ખાન અને અમૃતા અરોરા પણ કોરોના પોઝિટિવ હોવાનું જાણવા મળ્યું છે. બે દિવસ પહેલા કરીના કપૂરે તેનો કોરોના ટેસ્ટ કરાવ્યો હતો, જેનો રિપોર્ટ રવિવારે રાત્રે આવ્યો હતો. કરીના કપૂર બહેન કરિશ્મા કપૂર સાથે લગભગ બે દિવસ પહેલા કરણ જોહરની પાર્ટીમાં ગઈ હતી. આ પાર્ટી ફિલ્મ કભી ખુશી કભી ગમના 20 વર્ષ પૂર્ણ થવા પર રાખવામાં આવી હતી. આ સિવાય બંનેએ અનિલ કપૂરની દીકરી રિયા કપૂરની પાર્ટીમાં પણ હાજરી આપી હતી જે હાઉસ ગેધરિંગ હતી. રિયાએ આને લગતી એક પોસ્ટ પણ ઈન્સ્ટાગ્રામ પર શેર કરી હતી.
BMCએ કરીના કપૂર અને અમૃતા અરોરાના સંપર્કમાં આવેલા લોકોનો RTPCR ટેસ્ટ કરાવવાની અપીલ કરી છે. ANI એ પણ કરીના કપૂરના કોવિડ પોઝિટિવ હોવાની માહિતી શેર કરી હતી. કરીનાની તબિયત અંગે અપડેટ આપતાં કરીના કપૂરના પિતા રણધીર કપૂરે કહ્યું કે- ‘કરીના કપૂર કોરોના વાયરસ પોઝિટિવ હોવાનું જાણવા મળ્યું હતું. ડૉક્ટરોએ કહ્યું છે કે તેને ખૂબ જ ઓછા લક્ષણો છે. તેના બાળકો તેની સાથે છે. તે હાલ હોમ ક્વોરેન્ટાઈન છે. મુંબઈના એડિશનલ મ્યુનિસિપલ કમિશનર સુરેશ કાકાણીએ કહ્યું કે કલાકારો હોમ ક્વોરેન્ટાઈનમાં છે. તેના સંપર્કમાં આવેલા 15-20 લોકોની ઓળખ કરવામાં આવી છે અને તેમનો કોરોના ટેસ્ટ પણ કરવામાં આવ્યો છે જેના રિપોર્ટ આવવાનો છે. બંનેના ઘર સીલ કરી દેવામાં આવ્યા છે.
કોવિડના નિયમોનું પાલન થઈ રહ્યું છે કે નહીં તે જાણવા માટે દરેક વોર્ડમાં BMCની બે ટીમો તૈનાત કરવામાં આવી છે. BMCએ કરીના કપૂર વિશે કહ્યું કે- કરીનાની ટ્રાવેલ હિસ્ટ્રી ચેક કરવામાં આવી રહી છે. વેરિયન્ટ્સ શોધવા માટે તેમના નમૂનાઓ જીનોમ સિક્વન્સિંગ માટે મોકલી શકાય છે. હાલમાં BMCએ કોઈપણ રીતે કોરોના નિયમોને લઈને કરીના વિરુદ્ધ કોઈ ફરિયાદ નોંધાવી નથી. કરીના અને અમૃતા ખાસ મિત્રો છે અને બંને અભિનેત્રીઓ હંમેશા સારી બોન્ડિંગ શેર કરે છે. બંને એકસાથે ક્વોલિટી ટાઈમ વિતાવતા તેમના ઘણા ફોટા શેર કરતા રહે છે.
મીડિયા રીપોર્ટ્સ અનુસાર બંને અભિનેત્રીઓ સુપર સ્પ્રેડર બની શકે છે કારણ કે તેઓએ બોલીવુડની ઘણી પાર્ટીઓમાં હાજરી આપી છે. આ બંનેની સાથે બોલિવૂડના વધુ કેટલાક કલાકારો અને અભિનેત્રીઓના કોરોના રિપોર્ટ આવવાના છે અને તેમાં બોલીવુડના કેટલાક મોટા સુપરસ્ટાર્સના નામ સામેલ થઈ શકે છે. બે વર્ષથી કોરોના વાયરસની ઝપેટમાં આવેલા મનોરંજન ઉદ્યોગને મોટું નુકસાન થયું છે. આ મોટી ખોટ બાદ હવે સિનેમાઘરો ખુલી ગયા છે અને બોક્સ ઓફિસે રાહતનો શ્વાસ લીધો છે. જો કે ઓમિક્રોનના કારણે ફરી એકવાર આખી દુનિયા કોરોનાની ઝપેટમાં આવી શકે છે. આવી સ્થિતિમાં, સરકાર દ્વારા આ ઓમિક્રોન વેરિઅન્ટ અને કોરોના દર્દીઓની વધતી સંખ્યા પર લગામ લગાવવાના તમામ પ્રયાસો કરવામાં આવી રહ્યા છે.
કરીના કપૂર વિશે વાત કરીએ તો, અભિનેત્રી 21 ફેબ્રુઆરી, 2021 ના રોજ બીજી વખત માતા બની હતી. તેણે એક પુત્રને જન્મ આપ્યો જેનું નામ જહાંગીર અલી ખાન છે. કરીનાના કોરોના પોઝિટિવ હોવાના સમાચાર ચોક્કસપણે તેના પરિવારના સભ્યો માટે પણ ચિંતાનો વિષય હશે. વર્ક ફ્રન્ટની વાત કરીએ તો કરીના હવે લાલ સિંહ ચઢ્ઢામાં આમિર ખાન સાથે જોવા મળશે. આ સિવાય તે હંસલ મહેતા સાથેના પ્રોજેક્ટનો પણ ભાગ છે.
Actors Kareena Kapoor Khan & Amrita Arora tested positive for #COVID19. Both of them had violated COVID norms & attended several parties. BMC has ordered people, who came in contact with the two actors, to undergo RT-PCR test: BMC (Brihanmumbai Municipal Corporation)
(File pic) pic.twitter.com/wKqoqgFM4x
— ANI (@ANI) December 13, 2021
