સાસરીયાએ વહુને ઢોર માર માર્યો, બિચારા પપ્પા પરિણીત દીકરીને ઉંચકીને પોલીસ સ્ટેશન લઈ ગયા, તસવીરો જોઈને રડવું આવી જશે
પરણિતા મહિલાઓ સાથે અત્યાચાર થવાની ઘણી ઘટનાઓ આપણા દેશની અંદર રોજ બરોજ જોવા મળતી હોય છે. ઘણા મામલાઓમાં તો પરણિતાને સાસરિયા દ્વારા એ હદે હેરાન કરવામાં આવે છે કે તે પોતાનો જીવ પણ આપી દેતી હોય છે તો ઘણા મામલાઓમાં સાસરિયાના લોકો પરણિતાનો જીવ પણ લઇ લેતા હોય છે.
થોડા સમય પહેલા એવા જ એક મામલાનો વીડિયો સોશિયલ મીડિયામાં ખુબ જ વાયરલ થયો હતો. આ વીડિયોમાં યુપી પોલીસની અસંવેદનશીલતાનો જોવા મળી હતી. કન્નૌજ જિલ્લામાં એક પિતા તેની પુત્રી સાથે પોલીસ સ્ટેશનની આસપાસ ભટકે છે અને પોલીસ અધિકારીઓ પાસે ન્યાય માટે વિનંતી કરે છે, પરંતુ કોઈ પોલીસકર્મી તેની તરફ ધ્યાન આપવાનું યોગ્ય માનતો નથી. આ ઘટનાનો વીડિયો વાયરલ થયા પછી પોલીસ એક્શનમાં આવી ગઈ અને કેસ પણ નોંધવામાં આવ્યો.
જિલ્લાના સોરીખ પોલીસ સ્ટેશન વિસ્તારના બિલંદપુર ગામની રહેવાસી રશ્મિ પર તેના પતિ અને સાસરિયાઓએ મારપીટ કરી હતી. દુર્વ્યવહારનો વિરોધ કરવા પર, ગાળો બોલવાના વિરોધમાં આ ઝઘડો થયો હતો અને પછી પરિણીતાએ આ સમગ્ર મામલાની માહિતી તેના પરિવારજનોને આપી. માહિતી મળતા પિતા અને ભાઈ સાસરિયાના ઘરે પહોંચ્યા અને ત્યાંથી પુત્રીને ઈજાગ્રસ્ત હાલતમાં લઈ આવ્યા.
આ કાર્યવાહીને લઈને પિતા જ્યારે સોરીચ પોલીસ સ્ટેશન પહોંચ્યા તો ત્યાં પોલીસની અસંવેદનશીલતાનો ચિતાર જોવા મળ્યો. વાયરલ થઈ રહેલા આ વીડિયોમાં જોવા મળી રહ્યું છે કે કેવી રીતે પિતા પોતાની ઘાયલ દીકરીને ભટકી રહ્યા છે. આ સમયે આ જ કેસનો વધુ એક વીડિયો સામે આવ્યો છે. જેમાં પીડિતા જમીન પર પડી છે, અને દર્દથી કણસીરહી છે. આ મામલાને લગતો વીડિયો વાયરલ થયા બાદ સોરિચ પોલીસ એક્શનમાં આવી અને પરિણીત મહિલાના ફરિયાદના આધારે કેસ નોંધ્યો.
कन्नौज में यूपी पुलिस की दिखी संवेदनहीनता। न्याय के लिए बेटी को थाने में लिए एक पिता भटकता रहा। #UPPolice pic.twitter.com/g8XWvwXbBJ
— NBT Uttar Pradesh (@UPNBT) September 6, 2021
સાસરિયાઓના મારથી ગંભીર રીતે ઘાયલ થયેલી મહિલાને તેના પિતા તેના ખભા પર ઉઠાવીને પોલીસ સ્ટેશન લઈ આવ્યા હતા. જ્યાં તેણીએ પોતાની પુત્રીને ખભા પર ઉઠાવીને પોલીસને સમગ્ર મામલો જણાવી ન્યાયની આજીજી કરી હતી, પરંતુ પોલીસે તેની વાત ન સાંભળતાં તેણીને પોલીસ સ્ટેશનમાં સુવડાવી દીધી હતી અને તેણી લગભગ ગેટ પર જ તડપતી રહી હતી. આ દરમિયાન કોઈએ આ બાબતનો વીડિયો બનાવીને વાયરલ કરી દીધો હતો. જે બાદ પોલીસ પ્રશાસનની ઉંઘ ઉડી ગઈ અને પીડિતાની ફરિયાદ પર કેસ નોંધવામાં આવ્યો.