તારક મહેતા કા ઉલ્ટા ચશ્મા શો વર્ષ 2008 થી દર્શકોનું મનોરંજન કરી રહ્યો છે. શોના દરેક પાત્રની સોશિયલ મીડિયા પર જોરદાર ફેન ફોલોઈંગ છે. આ જ કારણ છે કે જ્યારે કોઈ વ્યક્તિ શોને અલવિદા કહે છે, ત્યારે પણ દર્શકો તેના વિશે જાણવા માંગે છે.
શોમાં સૌપ્રથમ સોનુનું પાત્ર ભજવનાર ઝિલ મહેતા ટૂંક સમયમાં તેના બોયફ્રેન્ડ આદિત્ય દુબે સાથે લગ્ન કરવા જઈ રહી છે. અભિનેત્રી ઘણીવાર તેના ભાવિ પતિ સાથેના ફોટા સોશિયલ મીડિયા પર શેર કરે છે. અભિનેત્રી આદિત્ય દુબે સાથે 28મી ડિસેમ્બરે લગ્ન કરશે. અભિનેત્રી કહે છે કે, “મેં ઘણા વર્ષોથી આ દિવસનું સપનું જોયું હતું અને હવે તે સાકાર થઈ રહ્યું છે, ખુશીની સાથે ઉત્સાહ પણ છે.
લગ્નની તારીખો નજીક છે અને બધું જ સરસ લાગી રહ્યું છે.ઝિલ અને આદિત્યના લગ્ન થોડા આધુનિક અને પરંપરાગત હશે. ઝીલે કહ્યું, “આધુનિક સ્પર્શ ઉમેરતાં અમે અમારા સાંસ્કૃતિક મૂળનો આદર કરવા માગીએ છીએ. તે અમારા બંને માટે ગણું મહત્વનું છે. લગ્નની નર્વસનેસ વિશે વાત કરતાં અભિનેત્રીએ કહ્યું, “તે એક રોમાંચક સફર રહી છે, અને હું આગળના જીવન માટે ખૂબ જ ખુશ છું.
અમે પતિ-પત્ની તરીકે નવા વર્ષમાં પ્રવેશ કરીશું.” જણાવી દઇએ કે ઝિલ મહેતાના લગ્નમાં તારક મહેતા શોની કાસ્ટ સામેલ નહિ થાય પરંતુ ચોક્કસપણે રિસેપ્શનમાં સામેલ થશે. થોડા સમય પહેલા જ ઝીલે તેની બેચલરેટ પાર્ટી બીચ પર સેલિબ્રેટ કરી હતી. તેના ફેન્સ ઝિલ મહેતાને સોનુના રોલથી ઓળખે છે, પરંતુ હવે તેણે એક્ટિંગ લાઈન સંપૂર્ણપણે છોડી દીધી છે. તે હવે મેકઅપ આર્ટિસ્ટ બની ગઈ છે. આ સિવાય તે સેફ સ્ટુડન્ટ હાઉસિંગના નામે પોતાનો બિઝનેસ પણ ચલાવે છે. તે વિદ્યાર્થીઓને રહેવા અને ભોજન પૂરું પાડે છે.
