હાલમાં યુનિસ નામના તોફાને યુકેમાં તબાહી મચાવી દીધી છે. લંડનના હીથ્રો એરપોર્ટ પર ખતરનાક વાવાઝોડાને કારણે ઉતરતા કેટલાય વિમાનો લથડતા જોવા મળ્યા છે. દરમિયાન, હાલમાં જ વધુ એક વીડિયો વાયરલ થઈ રહ્યો છે જેમાં એર ઈન્ડિયાના પાઈલટે આ એરપોર્ટ પર એર ઈન્ડિયાના પ્લેનનું લેન્ડિંગ શાનદાર રીતે અને ખૂબ જ અસરકારક રીતે કર્યું છે. લોકો પાયલટની જોરદાર પ્રશંસા કરી રહ્યા છે.
આ ઘટના લંડનના હીથ્રો એરપોર્ટની છે. અહેવાલો અનુસાર વાવાઝોડાની વચ્ચે એર ઈન્ડિયાના બે વિમાનો ઉતર્યા છે. બંને ફ્લાઈટ શુક્રવારે બપોરે હીથ્રો ખાતે લેન્ડ થઈ હતી. એક AI-147 હૈદરાબાદની હતી, જેનું પાયલોટ કેપ્ટન અંચિત ભારદ્વાજે કર્યું હતું, જ્યારે બીજી ફ્લાઈટ AI-145 ગોવાની હતી, જેને કેપ્ટન આદિત્ય રાવે ઉડાવ્યું હતું. તેમાંથી એકનો વીડિયો પણ વાયરલ થઈ રહ્યો છે.
એર ઈન્ડિયાના એક અધિકારીએ મીડિયાને જણાવ્યું કે અમારા કુશળ પાઈલટોએ તેમના વિમાનોને લંડનના હીથ્રો એરપોર્ટ પર એવા સમયે લેન્ડ કર્યા જ્યારે અન્ય ઘણી એરલાઈન્સ આવું કરી શકતી ન હતી. કહેવાય છે કે લેન્ડિંગ સમયે હીથ્રો એરપોર્ટ પર તોફાન યુનિસના કારણે જોરદાર પવન ફૂંકાયો હતો. આ કારણે એરપોર્ટ પ્રશાસને અનેક ફ્લાઈટને ગો અરાઉન્ડમાં રાખી હતી, પરંતુ બંને પાઈલટોએ તેમના પ્લેનને સુરક્ષિત રીતે લેન્ડ કરાવ્યું હતું.
“Very skilled Indian Pilot” 👨✈️👏
Pilots of this Air India flight managed to land their B787 Dreamliner aircraft with ease into London Heathrow yesterday afternoon in its first attempt even as Storm Eunice left hundreds of flights delayed, cancelled or diverted…
Jai Hind!🇮🇳 pic.twitter.com/94FrTnTUiy— BiTANKO BiSWAS (@Bitanko_Biswas) February 19, 2022
તમને જણાવી દઈએ કે યુનિસ વાવાઝોડાને કારણે ઉત્તર-પશ્ચિમ યુરોપમાં પરિવહન નેટવર્ક બરબાદ થઈ ગયું છે અને ઘણા લોકોએ જીવ પણ ગુમાવ્યા છે. તોફાનથી પ્રભાવિત દેશોમાં બ્રિટન, આયર્લેન્ડ, નેધરલેન્ડ, બેલ્જિયમ, જર્મની અને પોલેન્ડનો સમાવેશ થાય છે. યુનિસે બેલ્જિયમ અને યુનાઇટેડ કિંગડમમાં લાખોનું નુકસાન કર્યું.
