જૈન મંદિરમાં થઇ ગઈ લાખો રૂપિયાના સામાનની ચોરી, થોડા સમય બાદ ચોરે કર્યું એવું કામ કે લોકો પણ રહી ગયા હક્કાબક્કા, જાણો સમગ્ર મામલો
દેશભરમાં ચોરીની ઘટનાઓ છાસવારે સામે આવતી રહે છે, જેમાં ઘણીવાર ચોર ઘરમાં કે દુકાનોમાં એવી રીતે હાથ સાફ કરી લેતા હોય છે કે કોઈને ખબર પણ નથી પડતી, ઘણા ચોર એવા શાતીર પણ હોય છે જે ચોરી કરવા માટે અવનવી રીતો પણ અપનાવતા હોય છે, તો આજે ઘણા ચોર મંદિરમાં પણ ચોરી કરતા જોવા મળે છે, હાલ એવી જ એક ઘટનાની એક ચિઠ્ઠી વાયરલ થઇ રહી છે જે ચોરે મંદિરમાં મૂકી હતી.
આ ઘટનામાં એક ચોર મંદિરમાંથી ચોરી કરીને સામાન પરત કરવા આવ્યો હતો અને તેની સાથે એક ચિઠ્ઠી છોડી ગયો હતો. જેમાં તેણે કેટલીક એવી વાતો લખી હતી જેને વાંચીને લોકો આશ્ચર્યચકિત થઈ ગયા હતા. થોડા દિવસો પહેલા લામટા સ્થિત જૈન મંદિરમાં કોઈ અજાણ્યો ચોર લાખો રૂપિયાની કિંમતના ચાંદીના છત્ર અને ચાંદીની ફૂલદાની ચોરી ગયો હતો. પરંતુ પાછળથી ચોરનું મન બદલાઈ ગયું અને તેણે ચોરીનો તમામ સામાન પરત કરી દીધો. એટલું જ નહીં ચોરે પત્ર લખીને માફી પણ માંગી. ચોરે ચોરીનો માલ એક થેલીમાં પેક કરીને એક કાગળ પર માફીપત્ર લખીને પંચાયત બિલ્ડીંગ પાસેના ખાડામાં મૂકી દીધો હતો.
થાના લામટાના બજાર ચોક સ્થિત શાંતિનાથ દિગંબર જૈન મંદિરમાં સોમવારે રાત્રે અજાણ્યા ચોરોએ જૈન મંદિરમાંથી 9 ચાંદીના છત્ર, 1 ચાંદીની ફૂલદાની, 3 પિત્તળની ફૂલદાની ચોરી કરી હતી. ચોરીની ઘટનાને ગંભીરતાથી લઈ પોલીસે તપાસ શરૂ કરી હતી.ચોરે ગ્રામ પંચાયતના નળના ખાડામાં છત્રી અને ભમંડળ સહિતની માફી પત્ર પણ રાખ્યા હતા. જૈન પરિવાર પાણી ભરવા માટે આ નળ પાસેના ખાડામાં ગયો ત્યારે થેલી જોવામાં આવી હતી, જે લાકડાથી ખોલવામાં આવતા ભમંડળની ચમક જોવા મળી હતી, જેની જાણ જૈન સમાજ અને પોલીસ વિભાગને કરવામાં આવી હતી. માહિતી મળતાં જ બધા એકઠા થઈ ગયા અને પોલીસને મામલાની જાણ કરવામાં આવી.
આ ઘટનાની જાણ થયા બાદ તેમણે બેગની તપાસ કરી તો તેમાંથી એક ચિઠ્ઠી નીકળી, જેમાં ચોરે લખ્યું હતું કે, ‘હું આ કામ માટે માફી માંગુ છું. મારાથી થયેલી ભૂલ મને માફ કરજો. મેં આનાથી ઘણું સહન કર્યું છે તેથી હું તે (માલ) પરત કરી રહ્યો છું.’ આ પત્ર વાંચીને બધાને આશ્ચર્ય થયું. જોકે, હજુ સુધી ચોર મળી આવ્યો નથી, પરંતુ પોલીસે આ કેસમાં શોધખોળ ચાલુ રાખી છે.
