ફિલ્મી દુનિયા

બૉલીવુડ દિગ્ગજ અભિનેતાની માતાનું થયું નિધન- વાંચો અહેવાલ

બોલિવૂડ અભિનેતા ઇરફાન ખાનની માતા સઈદા બેગમનું શનિવારના રોજ જયપુરમાં નિધન થયું. તેમની ઉમર 80 વર્ષથી વધુ હતી. તેઓ છેલ્લા ઘણા સમયથી બીમાર હતા અને શનિવારની સવારે અંતિમ શ્વાસ લીધા.

Image Source

ટોન્કના નવાબના પરિવાર સાથે સંબંધ ધરાવતી સઈદા બેગમની છેલ્લા ઘણા દિવસોથી તબિયત ખરાબ હતી. તેમને જયપુર સ્થિત પોતાના નિવાસે જ અંતિમ શ્વાસ લીધા. તેમના નિધનના સમાચારથી તેમના પરિવારમાં શોક છવાઈ ગયો છે. ઇરફાન ખાન હાલ મુંબઈમાં છે અને તેમને વિડીયો કોન્ફરન્સ દ્વારા અંતિમ દર્શન કર્યા હતા. લોકડાઉનને કારણે તેઓ પોતાની માની અંતિમ યાત્રામાં સામેલ કદાચ જ થઇ શકે. ઈરફાન ખાનના પિતાનું નિધન થોડા વર્ષો પહેલા જ થઇ ગયું હતું.

Image Source

સઇદા બેગમના પરિજનોએ જણાવ્યું કે તેઓ છેલ્લા કેટલાક સમયથી બીમાર હતી. હાલમાં ઇરફાન પણ બીમારીની સ્થિતિમાંથી પસાર થઇ રહ્યા છે, એમના માટે આ ખૂબ જ દુઃખદ છે. કોરોનાના કારણે ઈરફાનની માતાની દફનવિધિમાં ઘરના ગણતરીના લોકો જ કબ્રસ્તાન જશે અને અહીં સોશિયલ ડિસ્ટન્સિંગનું પણ ધ્યાન રાખવામાં આવશે.

પરમ કૃપાળુ પરમાત્મા એમના આત્માને શાંતિ આપે એવી પ્રાર્થના.