ઈરાને ફિલ્મી સ્ટાઈલમાં ભારત આવી રહેલા ઈઝરાઈલના જહાજ પર કર્યો હુમલો, 17 ભારતીયો પણ હતા જહાજમાં, વીડિયો આવ્યો સામે
Iran captures Israeli ship at sea : ઈરાનના રિવોલ્યુશનરી ગાર્ડ્સે શનિવારે ઈઝરાયેલ સાથેના સંબંધો ધરાવતા કન્ટેનર જહાજને જપ્ત કર્યું હતું. આ જહાજમાં 17 ભારતીયો પણ સવાર હતા. ઈરાનની આ કાર્યવાહીથી આ ક્ષેત્રમાં તણાવ વધુ વધી ગયો છે. ઇઝરાયેલની સૈન્યએ શનિવારે ચેતવણી આપી હતી કે ઇરાને જહાજ કબજે કર્યાની જાહેરાત કર્યા બાદ ઇરાનને “પરિણામો” ભોગવવા પડશે. ઇઝરાયલના સૈન્ય પ્રવક્તા ડેનિયલ હગારીએ એક નિવેદનમાં જણાવ્યું હતું કે, “ઇરાન પરિસ્થિતિને વધુ વધારી રહ્યું છે. તેને આના પરિણામોનો સામનો કરવો પડશે.”
ઈરાનના અર્ધલશ્કરી રિવોલ્યુશનરી ગાર્ડના કમાન્ડોએ શનિવારે સ્ટ્રેટ ઓફ હોર્મુઝ નજીક એક માલવાહક જહાજ પર દરોડો પાડ્યો હતો અને તેને જપ્ત કર્યો હતો. પોર્ટુગીઝ ધ્વજ ધરાવતા કાર્ગો જહાજ MSC Aries પર સવાર 25 ક્રૂમાંથી 17 ભારતીય છે. અન્ય ક્રૂ મેમ્બર્સમાં ચાર ફિલિપિનો, બે પાકિસ્તાની, એક રશિયન અને એક એસ્ટોનિયન નાગરિકનો સમાવેશ થાય છે. ભારતીય નાગરિકોની સલામતી અને વહેલી મુક્તિ સુનિશ્ચિત કરવા માટે ભારત પહેલેથી જ ઈરાની અધિકારીઓના સંપર્કમાં છે.
મીડિયા રિપોર્ટ અનુસાર જાણવા મળ્યું કે “અમને ખબર છે કે એક કાર્ગો જહાજ ‘MSC Aries’ ઈરાન દ્વારા કબજે કરવામાં આવ્યું છે. અમને જાણવા મળ્યું છે કે તેમાં 17 ભારતીય નાગરિકો છે. અમે ભારતીય નાગરિકોની સુરક્ષા, કલ્યાણ અને તાત્કાલિક મુક્તિની ખાતરી કરી રહ્યા છીએ. “અમે મુદ્દાને ઉકેલવા માટે તેહરાન અને દિલ્હી બંનેમાં રાજદ્વારી ચેનલો દ્વારા ઈરાની સત્તાવાળાઓના સંપર્કમાં છીએ.” ઈરાનની સરકારી IRNA ન્યૂઝ એજન્સીએ જહાજને જપ્ત કર્યાની પુષ્ટિ કરી છે.
અગાઉ, એસોસિએટેડ પ્રેસ (એપી) દ્વારા મેળવેલ એક વિડિયોમાં શનિવારે હોર્મુઝ સ્ટ્રેટની નજીક હેલિકોપ્ટરની મદદથી જહાજ પર દરોડા પાડતા કમાન્ડો દર્શાવવામાં આવ્યા હતા. પશ્ચિમ એશિયાના એક સંરક્ષણ અધિકારીએ ઈરાન અને પશ્ચિમી દેશો વચ્ચેના તણાવ વચ્ચે બનેલી આ ઘટના માટે ઈરાનને જવાબદાર ગણાવ્યું છે. આ હુમલાને વીડિયોમાં જોઈ શકાય છે, જે અગાઉ બ્રિટિશ આર્મીના ‘યુનાઈટેડ કિંગડમ મેરીટાઇમ ટ્રેડ ઓપરેશન્સ’ દ્વારા જણાવવામાં આવ્યું હતું. જહાજને જપ્ત કરવામાં સામેલ હેલિકોપ્ટર ઈરાનના અર્ધલશ્કરી રિવોલ્યુશનરી ગાર્ડનું હતું, એવું કહેતા એક ક્રૂ મેમ્બરને સાંભળી શકાય છે.
Watch: A video shows an attack on a vessel near the Strait of #Hormuz that a Mideast defense official alleges #Iran carried out.https://t.co/9uiwiUIKSb pic.twitter.com/zHa1CAAarH
— Al Arabiya English (@AlArabiya_Eng) April 13, 2024
