IPL 2022માં પરત ફરી આ હોટ એન્કર, ટીમ ઇન્ડિયાના આ ક્રિકેટરની છે પત્ની

IPLમાં વર્ષો બાદ થઇ આ હસીન એન્કરની એન્ટ્રી, જોવા માટે તરસી ગયા હતા ચાહકો

IPL 2022 શરૂ થઈ ગઇ છે. ચાહકો આ સિઝનની આતુરતાથી રાહ જોઈ રહ્યા હતા. આ લીગ માત્ર ક્રિકેટરોના કારણે જ નહીં પરંતુ સુંદર એન્કર્સને કારણે પણ આખી દુનિયામાં ચર્ચાનો વિષય બની રહે છે. આ વખતે પણ ચાહકો ખેલાડીઓની સાથે સાથે તેમની ફેવરિટ મહિલા એન્કરની પણ આતુરતાથી રાહ જોઈ રહ્યા હતા. આ એન્કર બીજું કોઈ નહીં પણ મયંતી લેંગર છે. મયંતી ફરી એકવાર IPLમાં ગ્લેમર ઉમેરવા માટે તૈયાર છે અને તેણે પુનરાગમન પણ કર્યું છે. IPL ચાહકો મેચ દરમિયાન તેમજ બ્રેક દરમિયાન તેમની મનપસંદ મહિલા એન્કરને જોવાનું ભૂલતા નથી. મયંતી લેંગર પણ તે એન્કરમાંથી એક છે જેને ચાહકો ખૂબ પસંદ કરે છે. છેલ્લા 2 વર્ષથી સ્ક્રીન પર જોવા ન મળેલ મયંતી લેંગર ફરી એકવાર IPL 2022માંથી પરત ફરી છે.

આ સિઝનની પ્રથમ મેચ કોલકાતા અને ચેન્નાઈ વચ્ચે રમાઇ હતી. આ મેચ પહેલા મયંતી લેંગર રવિ શાસ્ત્રી સાથે જહાજ પર જોવા મળી હતી, જ્યાં મેચ પહેલા બંને IPL વિશે વાત કરી રહ્યા હતા. મયંતી થોડા સમય પહેલા જ માતા બની છે અને આ માટે તેણે રજા પણ લીધી હતી. મયંતી લેંગર IPL 2021માં જોવા મળી ન હતી. હવે તે આ ટૂર્નામેન્ટ દ્વારા સ્પોર્ટ્સ જર્નાલિઝમમાં પાછી ફરી છે. મયંતી દેશની સૌથી લોકપ્રિય મહિલા સ્પોર્ટ્સ એન્કર છે. મયંતી લેંગર અને રવિ શાસ્ત્રી IPL 2022ની શરૂઆત પહેલાની મેચ વિશે વાત કરે છે.

રવિ શાસ્ત્રી પણ લાંબા સમય બાદ કોમેન્ટેટર તરીકે વાપસી કરી રહ્યા છે. રવિ શાસ્ત્રી લાંબા સમય સુધી ભારતીય ટીમના કોચ હતા અને BCCIના નિયમો મુજબ કોઈ પણ વ્યક્તિ એક સાથે બે હોદ્દા પર રહી શકે નહીં. એટલા માટે શાસ્ત્રી IPLમાં કોમેન્ટ્રી કરી શક્યા ન હતા. રવિ શાસ્ત્રીએ પણ IPLમાં કોમેન્ટ્રી ન કરી શકવા પર નારાજગી વ્યક્ત કરી હતી. તેણે કહ્યું હતું કે BCCIના નિયમો બકવાસ છે, જેના કારણે તે IPLમાં કોમેન્ટ્રી કરી શક્યો ન હતો. આ પહેલા મયંતી લેંગર પણ ભારત અને શ્રીલંકા વચ્ચેની ટેસ્ટ મેચ જોવા પહોંચી હતી. બેંગ્લોરમાં રમાયેલી આ ડે-નાઈટ ટેસ્ટમાં ભારતે શ્રીલંકાને હરાવીને શ્રેણી જીતી લીધી હતી.

મયંતી લેંગર તેના બાળકના જન્મને કારણે છેલ્લી બે આઈપીએલ સિઝન ચૂકી ગઈ હતી. મયંતી લેંગરે પૂર્વ ભારતીય ક્રિકેટર સ્ટુઅર્ટ બિન્ની સાથે લગ્ન કર્યા છે. થોડા વર્ષો સુધી રિલેશનશિપમાં રહ્યા બાદ બિન્ની અને મયંતીએ વર્ષ 2012માં લગ્ન કર્યા હતા. ખાસ વાત એ છે કે મયંતીએ બિન્નીનો પહેલો ઈન્ટરવ્યુ કર્યો હતો. આ ઈન્ટરવ્યુમાં મયંતીએ બિન્નીને તેમના સંબંધોના સમાચાર પૂછ્યા હતા. બાદમાં બંનેએ સાથે મળીને જીવન વિતાવવાનું નક્કી કર્યું. IPL 2022માં સંજના ગણેશન, તાન્યા પુરોહિત અને નેરોલી મીડોઝ જેવા એન્કર પણ જોવા મળવાના છે.

મયંતી લેંગર ભારતીય રમત જગતમાં જાણીતું નામ છે. છેલ્લા 15-16 વર્ષોથી, તે દરેક મોટી રમતગમત ઇવેન્ટમાં ભારતીય સ્પોર્ટ્સ ચેનલોનો ચહેરો છે. પછી તે 2010ની કોમનવેલ્થ ગેમ્સ હોય કે 2010નો ફિફા વર્લ્ડ કપ કે 2011નો ક્રિકેટ વર્લ્ડ કપ કે પછી આઈપીએલ કે ઈન્ડિયન સુપર લીગ. તેણે 2011, 2015 અને 2019 વર્લ્ડ કપનું આયોજન કર્યું છે.

મયંતી લેંગર એક નિવૃત્ત આર્મી ઓફિસરની પુત્રી છે. તેના પિતાનું નામ લેફ્ટનન્ટ જનરલ સંજીવ લેંગર છે. તેઓ સંયુક્ત રાષ્ટ્રની ફરજ પર પણ રહી ચૂક્યા છે. મયંતીએ વર્ષ 2006થી સ્પોર્ટ્સ જર્નાલિઝમમાં પગ મૂક્યો હતો. શરૂઆતમાં તે અમેરિકામાં કામ કરતી હતી. અમેરિકામાં ભણતી વખતે મયંતી ફૂટબોલને ખૂબ પસંદ કરતી હતી. તે તેની ફૂટબોલ ટીમની પણ સભ્ય હતી.

Shah Jina