દેશભરમાં મહિલાઓ સાથે છેડતી અને બળજબરીના કિસ્સાઓ સામે આવી રહ્યા છે, ઘણા પરિવારની અંદર વહુઓ ઉપર પણ અત્યાચાર કરવામાં આવે છે. જેના કારણે ઘણી પરણીતાઓ મોતને પણ વહાલું કરી લેતી હોય છે. ઘણી મહિલાઓ આપઘાત કરતા પહેલા વીડિયો પણ બનાવે છે અને તે સોશિયલ મીડિયામાં ખુબ જ વાયરલ થઇ જતો હોય છે.
થોડા સમય પહેલા જ અમદાવાદની અંદર એક આયેશા નામની મહિલાએ પોતાના પતિના ત્રાસના કારણે સાબરમતીમાં કૂદીને પોતાનું જીવન ટૂંકાવ્યું હતું, આયેશાએ આપઘાત કરતા પહેલા એક વીડિયો પણ બનાવ્યો હતો, ત્યારે હવે વધુ એક પરણિતાનો આપઘાત પહેલાનો એક વીડિયો સામે આવ્યો છે. જેમાં તે પોતાના ભાઈને વીડિયો કોલમાં આપવીતી જણાવીને મોતને વહાલું કરી રહી છે.
આ બાબતે પ્રાપ્ત માહિતી અનુસાર ઈન્દોરની એક મહિલા સોફ્ટવેર એન્જિનિયરે હોટલમાં જઈને આત્મહત્યા કરી લીધી. તેણે પહેલા પોતાના હાથની નસ કાપી. ત્યારપછી તે સાડીનો ફંદો બનાવી અને પંખા સાથે લટકી ગઈ. આત્મહત્યા કરતા પહેલા તેણે તેના ભાઈને વીડિયો કોલ કર્યો હતો. એક વીડિયો પણ રેકોર્ડ કરવામાં આવ્યો છે, જેમાં તે તેના માતા-પિતા અને અન્ય સંબંધીઓની માફી માંગી રહી છે. આમાં તે એવું કહેતી સાંભળવા મળે છે કે તે અપેક્ષાઓ પર ખરી નથી રહી શકી, તેથી તેણે જીવનનો અંત લાવ્યો.
મીડિયા રિપોર્ટ અનુસાર જગજીવન રામ નગરની રહેવાસી 24 વર્ષીય મોનિકા યાદવે અગ્રસેન સ્ક્વેર ખાતે આવેલી વેનિસ બ્લુ હોટેલમાં ફાંસી લગાવી લીધી હતી. મોનિકા સોફ્ટવેર એન્જિનિયર હતી અને તે ફાયનાન્સ કંપનીમાં નોકરી કરતી હતી. તેના લગ્ન નવેમ્બર 2021માં ધીરજ યાદવ સાથે થયા હતા. શનિવારે તે ઘરેથી ચાલવાનું કહીને નીકળી હતી અને ઘરે પાછી આવી નહોતી. સગાસંબંધીઓએ શોધખોળ કરી હતી, પરંતુ મળી ન હતી. જેના બાદ પોલીસ સ્ટેશનમાં ગુમ થયાની ફરિયાદ પણ નોંધાવવામાં આવી હતી.
મોનિકાના ભાઈ નમનના મોબાઈલ પર મોનિકા લટકતી હોવાનો વીડિયો આવ્યો હતો. નમન તેના જીજાજીને લઈને પોલીસ સ્ટેશન પહોંચ્યો. પોલીસે શોધખોળ હાથ ધરી હતી. સવારે ભંવરકુઆ પોલીસ સ્ટેશનને સમાચાર મળ્યા કે મોનિકાએ વેનિસ બ્લુ હોટલના રૂમ નંબર 204માં ફાંસી લગાવી લીધી છે. ઘટનાસ્થળે લોહીના છાંટા પડ્યા હતા. મોનિકાએ ફાંસી લગાવતા પહેલા પોતાના હાથની નસ કાપી નાખી હતી. માહિતી બાદ મામા અને સાસરિયાઓ પણ હોટલ પહોંચ્યા હતા. બહેને પોલીસને જણાવ્યું કે તે આખી રાત ફોન કરતી રહી પણ મોનિકાએ ફોન ઉપાડ્યો નહીં. પોલીસે મોનિકાના ફોનને જપ્ત કરી લીધો છે. તે ડિસ્ચાર્જ હતો. ચાર્જિંગ પર ફોનમાં લગભગ 127 મિસ્ડ કોલ આવ્યા હતા. એવું સામે આવ્યું છે કે મોનિકા શનિવારે જ હોટલમાં રોકાઈ હતી. પોલીસ સંબંધીઓની પૂછપરછ કરી રહી છે. માતૃપક્ષના નિવેદનો લેવામાં આવી રહ્યા છે.
પોલીસને તે વીડિયો મળ્યો છે જે મૃતકે આત્મહત્યા કરતા પહેલા ભાઈ નમનને મોકલ્યો હતો. વીડિયોમાં જોવા મળી રહ્યું છે કે મોનિકાએ પંખા પર તેની સાડીનો છેડો બાંધ્યો. તે એક છેડો પકડીને રડી રહી હતી. રડતી વખતે તે વીડિયોમાં કહી રહી હતી કે હું મારી જિંદગીનો અંત આણી રહી છું. અહીં કોઈ નથી. મારે હવે જીવવું નથી વીડિયોમાં તે મંગળસૂત્ર કાઢી રહી છે. આ ઉપરાંત તે એમ પણ કહી રહી છે કે, તમારું ધ્યાન રાખજો. મારા બધા કપડાં, બધું તારું છે, દીકરા. જે બાદ વીડિયો બંધ થઈ ગયો. જોકે, વીડિયોમાં કેટલાક શબ્દો અસ્પષ્ટ છે.
View this post on Instagram
મોનિકાના સાસરિયાઓ એમઆઈજી પોલીસ સ્ટેશન વિસ્તારમાં રહે છે. રવિવારે રાત્રે પોલીસ સ્ટેશનમાં ગુમ થયાની ફરિયાદ પણ નોંધાવવામાં આવી હતી. જો પોલીસે મોબાઈલ નંબરના આધારે લોકેશન ટ્રેસ કર્યું હોત તો મોનિકાને બચાવી શકાઈ હોત. પોલીસે પરિવારજનોની ફરિયાદને અવગણી હતી. ડીસીપી સંપત ઉપાધ્યાયને ફોન કરવા પર સ્ટેશન ઈન્ચાર્જે ગુમ વ્યક્તિની નોંધણી કરવાની સૂચના આપી. મોનિકાએ લગભગ 3 વાગ્યે નમનને વીડિયો મોકલ્યો હતો. 15 મિનિટ પછી ફાંસી લગાવી લીધી. નમનનો આરોપ છે કે જો સ્થળ સમયસર જાણી લીધું હોત તો બહેનને બચાવી શકાત. પોલીસને તે હોટલમાંથી માહિતી મળી હતી જ્યાં ઘટના બની હતી કે બપોરે 12.15 વાગ્યે મોનિકાએ રૂમ ભાડે લીધો હતો. તેણે આધાર કાર્ડ અને પાંચસો રૂપિયા આપ્યા હતા.
