આજથી નવા વર્ષ 2025ની શરૂઆત થઈ ગઈ છે. ત્યારે, સામાન્ય માણસને અસર કરતા ઘણા મોટા ફેરફારો 1લી જાન્યુઆરી 2025થી દેશમાં લાગુ થઈ રહ્યા છે. જેની અસર દરેક ઘર અને દરેકના ખિસ્સામાં પર મળશે. આમાંથી કેટલાક લોકોના ખિસ્સા પર બોજ વધારનાર સાબિત થશે, જ્યારે કેટલાક રાહત આપનાર ફેરફારો લાગુ કરવામાં આવ્યા છે. આ ફેરફારોમાં રસોડામાં ઉપયોગમાં લેવાતા LPG સિલિન્ડરની કિંમતોથી લઈને બેંક એકાઉન્ટ, UPI પેમેન્ટ અને EPFOના નિયમો સુધી બધું જ સામેલ છે. ચાલો જાણીએ આ 10 ફેરફારો ક્યા છે ?
1. LPG ના ભાવ
દર મહિનાની પ્રથમ તારીખની જેમ, 1 જાન્યુઆરી, 2025 ના રોજ, ઓઇલ માર્કેટિંગ કંપનીઓએ રસોડા અને કોમર્શિયલ ગેસ LPG ના ભાવમાં સુધારો કરી અને નવા દરો જાહેર કર્યા છે. કંપનીઓએ છેલ્લા કેટલાક સમયથી 19 કિલોના કોમર્શિયલ LPG સિલિન્ડરના ભાવમાં ઘણા ફેરફાર કર્યા છે, પરંતુ દેશમાં 14 કિલોના ગેસ સિલિન્ડરની કિંમતો લાંબા સમયથી સ્થિર છે. આવી સ્થિતિમાં આ વખતે લોકો તેની કિંમતમાં ફેરફારની આશા રાખી રહ્યા છે.
2. ATF દરો
ઓઇલ માર્કેટિંગ કંપનીઓએ મહિનાના પ્રથમ દિવસે માત્ર LPGના ભાવ જ નહીં પરંતુ એવિએશન ફ્યુઅલ એર ટર્બાઇન ફ્યુઅલ (ATF)ના ભાવમાં પણ સુધારો કર્યો છે. આવી સ્થિતિમાં, જો વર્ષના પ્રથમ દિવસે તેમની કિંમતોમાં ફેરફાર થાય છે, તો તેની સીધી અસર હવાઈ મુસાફરી કરનારા મુસાફરોના ખિસ્સા પર પડશે.
3. EPFO નો નવો નિયમ
EPFO 1 જાન્યુઆરી, 2025થી પેન્શનધારકો માટે નવા નિયમો લાગુ કરવાની તૈયારી કરી રહ્યું છે. આ મોટા ફેરફાર હેઠળ હવે પેન્શનધારકો દેશની કોઈપણ બેંકમાંથી તેમની પેન્શનની રકમ ઉપાડી શકશે. અને આ માટે તેમને કોઈ વધારાના વેરિફિકેશનની જરૂર નહીં પડે.
4. UPI 123Pay ના નિયમો
UPI 123Pay ને રિઝર્વ બેંક ઓફ ઈન્ડિયા (RBI) દ્વારા ફીચર ફોન્સથી ઓનલાઈન પેમેન્ટની સુવિધા પૂરી પાડવા માટે લોન્ચ કરવામાં આવી હતી. તેની ટ્રાન્ઝેક્શન લિમિટ વધારવાનો નિર્ણય લેવામાં આવ્યો છે, જે 1 જાન્યુઆરી, 2025થી લાગુ થઈ ગયો છે. યુઝર્સ હવે 10,000 રૂપિયા સુધી ઓનલાઈન પેમેન્ટ કરી શકશે, જે પહેલા માત્ર 5,000 રૂપિયા હતા.
5. શેરબજાર સંબંધિત નિયમો
સેન્સેક્સ, સેન્સેક્સ-50 અને બેન્કેક્સની માસિક એક્સપાયરીમાં ફેરફાર કરવામાં આવ્યા છે. હવે દર અઠવાડિયે શુક્રવાર નહીં પરંતુ મંગળવારે યોજાશે. જ્યારે ત્રિમાસિક અને અર્ધવાર્ષિક કરાર છેલ્લા મંગળવારે સમાપ્ત થશે. બીજી તરફ, NSE ઇન્ડેક્સે નિફ્ટી 50 માસિક કોન્ટ્રાક્ટ માટે ગુરુવાર નક્કી કર્યો છે.
6. ખેડૂતોને લોન
આગામી ફેરફાર ખેડૂતો સાથે સંબંધિત છે. વર્ષના પ્રથમ દિવસથી ખેડૂતોને RBI તરફથી ગેરંટી વિના 2 લાખ રૂપિયા સુધીની લોન મળશે. તાજેતરમાં RBIએ ખેડૂતો માટે અસુરક્ષિત લોનની મર્યાદા વધારવાની જાહેરાત કરી હતી. જેના કારણે હવે તેઓ 1.6 લાખ નહીં પરંતુ 2 લાખ રૂપિયા સુધીની લોન મેળવી શકશે.
7. 3 પ્રકારના બેંક ખાતા બંધ થશે!
રિઝર્વ બેંક ઓફ ઈન્ડિયા (RBI) નવા વર્ષથી કેટલાક નિયમોમાં ફેરફાર કરવા જઈ રહી છે. તેનાથી દેશના લાખો બેંક ખાતાઓ પર અસર થવાની છે. કારણ કે કેન્દ્રીય બેંક 3 પ્રકારના બેંક ખાતા બંધ કરવા જઈ રહી છે. RBIની નવી માર્ગદર્શિકા હેઠળ નિષ્ક્રિય ખાતા, ઇનએક્ટિવ એકાઉન્ટ્સ અને ઝીરો બેલેન્સ ખાતા બંધ કરવામાં આવશે.
8. કારના ભાવ વધશે
1 જાન્યુઆરી 2025થી ઘણી કંપનીઓની કાર ખરીદવી મોંઘી થવા જઈ રહી છે. મારુતિ સુઝુકી, ટાટા મોટર્સ, હ્યુન્ડાઈ અને ટોયોટા સહિતની ઘણી કંપનીઓએ તેમના વાહનોના ભાવમાં 2 થી 4 ટકાનો વધારો કરવાની જાહેરાત કરી છે.
9. ટેલિકોમ નિયમો
ટેલિકોમ કંપનીઓ માટે રાઈટ ઓફ વે નિયમ 1 જાન્યુઆરી 2025 નવા વર્ષથી અમલમાં આવી રહ્યો છે. નવા નિયમો હેઠળ કંપનીઓએ ઓપ્ટિકલ ફાઈબર લાઈનો અને નવા મોબાઈલ ટાવર લગાવવા પર ધ્યાન કેન્દ્રિત કરવું પડશે. આ નિયમના અમલીકરણથી કંપનીઓને તેમની સેવાઓ સુધારવામાં મદદ મળશે. નવા નિયમ મુજબ ટેલિકોમ કંપનીઓએ મોબાઈલ ટાવર લગાવવા માટે વધુ પ્રયત્નો કરવા પડશે નહીં. આ નિયમો જનતા અને કંપનીઓને ધ્યાનમાં રાખીને બનાવવામાં આવ્યા છે.
10. GST નિયમો વધુ કડક બન્યા
નવા વર્ષથી જ કરદાતાઓ માટે અનુપાલન નિયમો વધુ કડક બનવા જઈ રહ્યા છે. આમાં મલ્ટી-ફેક્ટર ઓથેન્ટિકેશન (MFA)નો સમાવેશ થાય છે, જે અગાઉ ફક્ત તે જ વ્યવસાયોને લાગુ પડતું હતું જેમનું વાર્ષિક ટર્નઓવર રૂ. 20 કરોડ કે તેથી વધુ હતું. પરંતુ હવે તે GST પોર્ટલનો ઉપયોગ કરતા તમામ કરદાતાઓ માટે લાગુ થઈ શકે છે.
