ગુજરાતવાસીઓ કમોસમી વરસાદ માટે રહેજો તૈયાર ! ભરશિયાળે હવામાન નિષ્ણાંત અંબાલાલ પેટલની વધુ એક ચિંતાજનક આગાહી સામે આવી છે. આગામી 4 દિવસ ગુજરાતમાં માવઠાની આગાહી છે. આજથી 8 ડિસેમ્બર સુધી ગુજરાતમાં વરસાદ પડી શકે છે. ફેંગલ વાવાઝોડાના કારણે અરબ સાગરમાં ડીપ ડિપ્રેશન બન્યું છે. જેના કારણે દક્ષિણ ગુજરાતના કેટલાક વિસ્તારમાં કમોસમી વરસાદ પડી શકે છે. રાજ્યના અન્ય વિસ્તારોમાં પણ માવઠું થવાની શક્યતાઓ છે.
ક્યાં આવશે વરસાદ ?
અંબાલાલ પટેલના જણાવ્યા અનુસાર, 4 થી 8 ડિસેમ્બર દરમિયાન ફેંગલ વાવાઝોડાની અસરના કારણે અરબ સાગરમાં ડીપ ડિપ્રેશન બનશે. તેથી સૂર્ય જ્યેષ્ઠા નક્ષત્રમાં આવતા વાયુક્ષોભ આવવાની શક્યતા છે. તેની અસરને પગલે પૂર્વીય મધ્યપ્રદેશ, દક્ષિણ રાજસ્થાન, મધ્ય અને દક્ષિણ ગુજરાતના ભાગોમાં વાદળવાયુ આવતા ક્યાંક છાંટા પડવાની શક્યતાઓ છે.
ઠંડીનો પારો ગગડશે
અંબાલાલે કહ્યું કે, વાદળો આવતા લઘુત્તમ તાપમાનમાં વધારો થતા ઠંડીમાં ઘટાડો થવાની શક્યતા છે. ઉત્તર ગુજરાતનું લઘુત્તમ તાપમાન 15 ડિગ્રીથી ઓછું રહેવાની શક્યતા છે. પંચમહાલ અને કચ્છમાં ઠંડા પવન ફૂંકાવવાની શક્યતા છે. 10 ડિસેમ્બરથી વેસ્ટર્ન ડિસ્ટર્બન્સ આવતા ઠંડીમાં વધારો થશે. તાપમાન 12 ડિગ્રીથી નીચું જાય તેવી શક્યતા છે. 14થી 18 ડિસેમ્બર દરમિયાન બાંગાળના ઉપસગારમાં લો પ્રેશર બનતા ગુજરાતમાં વાદળવાયુ આવવાની શક્યતા છે. તો 23 ડિસેમ્બરથી મજબૂત વેસ્ટર્ન ડિસ્ટર્બન્સ આવતા ગાત્રો થીજવતી ઠંડીની શક્યતા છે.
ડિસેમ્બરમાં બીજું એક વાવાઝોડું પણ આવશે
અંબાલાલ પટેલે ડિસેમ્બરમાં ફેંગલ સિવાય વધુ એક વાવાઝોડાની આગાહી કરી છે. વાવાઝોડાના કારણે ઉત્તર ગુજરાત, મધ્ય ગુજરાત, કચ્છના ભાગોમાં લઘુત્તમ તાપમાન સામાન્ય વધવા છતાં પણ ઠંડીની અસર જણાશે. 14થી 18 ડિસેમ્બરના બંગાળના ઉપાસાગરમાં બીજું એક લો પ્રેશર બનવાની શક્યતા રહે. જેની અસર દક્ષિણ પૂર્વ તટ પર રહેશે.
