ભારતમાં હળદરનો ઉપયોગ સદીઓથી થતો આવ્યો છે. હળદરમાં અનેક ઔષધીય ગુણ હોય છે. તેથી ભોજન, સૌંદર્ય પ્રસાધન તરીકે અને શરીર પર ઇજાની જગ્યાએ લગાવવા માટે હળદર વપરાય છે. હળદર એન્ટી ઓક્સીડેન્ટની જેમ ફાયદો આપે છે અને તેમાં એન્ટી બેક્ટેરિયલ ગુણ હોય છે. હળદરમાં રહેલું કર્ક્યુમિન નામનું તત્વ સ્વાસ્થ્ય માટે અનેક રીતે ફાયદાકારક છે. હળદરવાળું પાણી તમારા સ્વાસ્થ્યને સારું રાખવા માટે એક સરળ અને અસરકારક રીત છે.
1.રોગપ્રતિકારક શક્તિ વધારે
રોગપ્રતિકારક શક્તિને મજબૂત કરવા માટે હળદરનો ઉપયોગ હજારો વર્ષોથી કરવામાં આવે છે. તેમાં એન્ટીઓક્સીડેન્ટ ભરપૂર માત્રામાં જોવા મળે છે, જે શરીરમાં ફ્રી રેડિકલ્સથી થતા નુકસાનને ઘટાડવામાં મદદ કરે છે. ફ્રી રેડિકલ્સ શરીરમાં તણાવ અને અનેક પ્રકારની બીમારીઓનું કારણ બને છે અને હળદરમાં રહેલા એન્ટીઓક્સીડેન્ટ તેનાથી લડે છે. હળદરનું પાણી દરરોજ પીવાથી શરીરની રોગપ્રતિકારક શક્તિ મજબૂત બને છે, જે ચેપ અને અન્ય રોગો સામે લડવામાં મદદરૂપ થાય છે. તે વાયરલ ચેપ, ફ્લૂ, શરદી અને અન્ય રોગોને રોકવામાં પણ મદદરૂપ સાબિત થઈ શકે છે.
2.પાચનતંત્રને મજબૂત કરે
હળદરનું પાણી માત્ર સ્વાસ્થ્ય માટે જ ફાયદાકારક નથી, પરંતુ તે તમારા પાચનતંત્રને પણ મજબૂત બનાવે છે. હળદરમાં બળતરા વિરોધી ગુણો જોવા મળે છે, જે પેટમાં ગેસ અને સોજો ઘટાડવામાં મદદ કરે છે. તે ખોરાકના અપાચિત અવશેષોને દૂર કરવામાં અને પેટને સાફ રાખવામાં પણ મદદ કરે છે. જે લોકોને વારંવાર પેટ સંબંધિત સમસ્યાઓ જેવી કે ગેસ, અપચો અથવા પેટનું ફૂલવું હોય છે તેમના માટે હળદરનું પાણી અસરકારક ઉપાય હોઈ શકે છે. તેને નિયમિત રીતે સવારે પીવાથી તમારું પાચનતંત્ર સારી રીતે કામ કરવાનું શરૂ કરે છે.
3.ડાયાબિટીસમાં ફાયદાકારક
ડાયાબિટીસ જેવી ગંભીર બીમારીથી બચવા માટે બ્લડ શુગર લેવલને નિયંત્રણમાં રાખવું જરૂરી છે. આ સમસ્યામાં પણ હળદરનું પાણી તમને મદદ કરી શકે છે. હળદરનું પાણી નિયમિતપણે ખાલી પેટ પીવાથી બ્લડ શુગર લેવલ કંટ્રોલમાં રહે છે. હળદરમાં એક ખાસ સંયોજન જોવા મળે છે, જેને કર્ક્યુમિન કહેવામાં આવે છે. આ સંયોજન ઇન્સ્યુલિનની સંવેદનશીલતાને સુધારે છે, હળદરનું પાણી ડાયાબિટીસના દર્દીઓ માટે ફાયદાકારક સાબિત થઈ શકે છે, પરંતુ જો તમને અન્ય કોઈ સ્વાસ્થ્ય સમસ્યા હોય તો ડૉક્ટરની સલાહ લીધા પછી તેનું સેવન કરો.
4.સંધિવા, હૃદય રોગમાં ફાયદાકારક
હળદરમાં કર્ક્યુમિન નામનું શક્તિશાળી કુદરતી સંયોજન હોય છે. જે શરીરમાં બળતરા ઘટાડવામાં મદદરૂપ છે.બળતરા વિવિધ ક્રોનિક રોગોનું કારણ બની શકે છે, જેમ કે સંધિવા, હૃદય રોગ અને અન્ય ક્રોનિક રોગો. હળદરનું પાણી નિયમિત પીવાથી શરીરમાં સોજો ઓછો થઈ શકે છે, જે સ્વાસ્થ્યને સુધારવામાં મદદરૂપ છે. આ સિવાય હળદરનું નિયમિત સેવન કરવાથી દુખાવા, હાડકા અને માંસપેશીઓની સમસ્યાઓમાં પણ રાહત મળે છે. તે શરીરમાં રક્ત પરિભ્રમણ પ્રણાલીને પણ સુધારે છે, જે સોજાની સમસ્યામાંથી ઝડપથી રાહત આપે છે.
5.વજન ઘટાડવામાં મદદરૂપ
જો તમે વજન ઘટાડવાનો પ્રયાસ કરી રહ્યા છો, તો હળદરનું પાણી તમારા માટે ફાયદાકારક સાબિત થઈ શકે છે. તે શરીરના મેટાબોલિઝમને વધારે છે, જેના કારણે કેલરી ઝડપથી બર્ન થાય છે.આ સિવાય તે ભૂખને નિયંત્રિત કરવામાં પણ મદદ કરે છે, જેના કારણે વધુ પડતું ખાવાનું ટાળી શકાય છે.
6.કેન્સર સહિતની બીમારીઓથી બચાવે
હળદરમાં ટ્યુમર રોકવાના ગુણ ધર્મો હોય છે. હળદરનું પાણી પીવાથી કેન્સરનું જોખમ ઘણું ઓછું થઈ શકે છે. તે કાર્ડિયોવેસ્ક્યુલર રોગ અને સ્ટ્રોકનું કારણ બનતા કોલેસ્ટ્રોલનું સ્તર પણ ઘટાડે છે. આ ઉપરાંત હળદરમાં રહેલું કરક્યુમિન રોગપ્રતિકારક શક્તિ વધારી શકે છે. પરિણામે નાની મોટી બીમારીઓથી બચી શકાય છે.
7.ત્વચા માટે ફાયદાકારક
હળદરમાં એન્ટિબેક્ટેરિયલ અને એન્ટિસેપ્ટિક ગુણ હોય છે, જે ત્વચા માટે ફાયદાકારક છે. હળદરનું પાણી શરીરમાંથી ઝેરી તત્વોને દૂર કરે છે અને ત્વચાને સ્વચ્છ અને ચમકદાર બનાવે છે. તે ખીલ અને ત્વચાની અન્ય સમસ્યાઓને ઘટાડવામાં પણ મદદરૂપ છે.
8.મગજ તેજ થાય
હળદરનું નવશેકું પાણી પીવાથી મગજ તેજ બને છે. આ સાથે હાર્ટની સમસ્યાથી પીડાતા લોકોએ પણ હળદરનું પાણી પીવું જોઈએ. હળદર લોહીને ઘટ્ટ થવાથી બચાવે છે. તેનાથી હાર્ટ એટેક આવવાની શક્યતા ઓછી થઈ જાય છે.
9.શરીરનો ઝેરી કચરો બહાર કાઢે
આપણા શરીરમાં દરરોજ અલગ અલગ પ્રકારનો ઝેરી કચરો એકઠો થાય છે. જેને બહાર કાઢવો જરૂરી છે. જો તેને બહાર ન કાઢવામાં આવે તો ગંભીર સમસ્યા સર્જાઈ શકે છે. આવી સ્થિતિમાં હળદરનું એક ગ્લાસ પાણી ફાયદાકારક નીવડી શકે છે.
(નોંધ : આ લેખ માત્ર જાણકારી માટે છે. તેનો ઉપયોગ પુર્વે આપના તબીબ અથવા તજજ્ઞોની સલાહ ખાસ લેવી જરૂરી છે.)
