ખેલ જગત જીવનશૈલી દિલધડક સ્ટોરી

પ્રેમ જ નહિ, કારોના મામલે પણ લકી છે હાર્દિક પંડ્યા, ચલાવે છે વિરાટ કોહલી કરતા પણ મોંઘી કાર!

હાલમાં જ્યાં જુઓ ત્યાં બધે જ હાર્દિક પંડયાની ચર્ચાઓ ચાલી રહી છે. આ વર્ષના પહેલા જ દિવસે હાર્દિક પંડ્યાએ તેની ગર્લફ્રેન્ડ નતાશા સટેનકોવિક સાથે સગાઇ કરી લીધી છે, જેનો વિડીયો પણ સોશિયલ મીડિયા પર હાર્દિક પંડ્યાએ શેર કર્યો હતો. જે હાલમાં ખૂબ જ વાયરલ થઇ રહ્યો છે.

આપણે બધા જ જાણીએ છીએ કે હાર્દિક પંડયા કારના કેટલા શોખીન છે. ગયા વર્ષે જ તેમને બે મોંઘી લક્ઝરી કાર ખરીદી હતી. એમાંથી એક તો Lamborghini Huracan EVO હતી, જેમાં ઓગસ્ટ 2019માં પંડયા બ્રધર્સ ફરતા જોવા મળ્યા હતા અને એ સમયનો વિડીયો સોશિયલ મીડિયા પર સખત રીતે વાયરલ થયો હતો.

 

View this post on Instagram

 

A post shared by Hardik Pandya (@hardikpandya93) on

ગયા વર્ષે હાર્દિક પંડયા કોફી વિથ કરણ શોમાં થયેલા વિવાદને કારણે અને તેમની કારને કારણે ચર્ચામાં રહયા હતા જયારે આ વર્ષે નતાશા સટેનકોવિક સાથે તેમની સગાઈના કારણે ચર્ચામાં છે. તો હાર્દિક પંડયા ગર્લફ્રેન્ડના મામલે જેટલા લકી છે એટલા જ લકી તેઓ કારના મામલે પણ છે. ચાલો જોઈએ તેમની પાસે કેટલી કાર છે અને તેમની કારના કલેક્શન વિશે –

Mercedes AMG G63 –

Image Source

હાર્દિક પંડ્યાએ ગયા વર્ષે એપ્રિલમાં Mercedes AMG G63 નું લેટેસ્ટ મોડેલ ખરીદ્યું હતું, જે જૂના મોડેલ કરતા વધુ પાવરફુલ છે. લેટેસ્ટ Mercedes AMG G63 ઓક્ટોબર 2018માં લોન્ચ થઇ હતી. તેની એક્સ શોરૂમ કિંમત રૂપિયા 2.19 કરોડ છે. હાર્દિક પાસે પેલેડિયમ સિલ્વર મેટાલિક રંગની G63 છે, જે ભારતમાં હાજર એસયુવી કરતા અલગ છે. નવી મર્સિડીઝ-એએમજી જી63 માં 4.0 લિટરનું બાય-ટર્બો વી8 પેટ્રોલ એન્જિન આપવામાં આવ્યું છે, જે 585 બીએચપી પાવર અને 850 એનએમ ટોર્ક આપે છે. તેમાં 9 સ્પીડ ઓટોમેટિક ટ્રાન્સમિશન મળે છે. આ એસયુવી ફક્ત 4.5 સેકંડમાં 0 થી 100 કિમી પ્રતિ કલાકની ઝડપે વેગ આપે છે અને તેની ટોપ સ્પીડ પ્રતિ કલાક 220 કિ.મી. છે.

Lamborghini Huracan EVO –

Image Source

હાર્દિક પાસે એક કાર એવી પણ છે જે ભારતીય ટીમના કેપ્ટન વિરાટ કોહલી અને પૂર્વ કેપ્ટન મહેન્દ્રસિંહ ધોની પાસે પણ નથી. ગયા વર્ષે ઓગસ્ટમાં હાર્દિકે Lamborghini Huracan EVO ખરીદી હતી. આ કારની એક્સ શોરૂમ કિંમત 3.73 કરોડ રૂપિયા છે. હાર્દિક પંડ્યા અને કૃણાલ પંડ્યાને મુંબઈમાં ઓરેન્જ લેમ્બોર્ગિની કારમાં સાથે ફરતા જોવામાં આવ્યા હતા. આ કારમાં 5.2-લિટર વી10 એન્જિન આપવામાં આવ્યું છે, જે 640 એચપી પાવર અને 600 એનએમ ટોર્ક આપે છે. તેનું વજન 1422 કિલો છે, જે ફક્ત 2.9 સેકન્ડમાં 0 થી 100 કિમી પ્રતિ કલાકની ઝડપે અને 9 સેકન્ડમાં 0 થી 200 કિ.મી.ની ઝડપ પકડી લે છે. આ કાર ફક્ત એક જ રંગ Arancio Xanto માં આવે છે, જે હાર્દિક પાસે છે.

Audi A6 35 TDI –

Image Source

આ પહેલા હાર્દિકની પાસે Audi A6 35 TDI સેડાન કાર હતી, જેને તેણે એપ્રિલ 2018માં ખરીદી હતી. 2018માં તેણે આ કાર પોતાની જાતને ગિફ્ટ કરી હતી. Audiની આ કાર, કંપનીની સૌથી વધુ વેચાયેલી કારમાંની એક છે, જેમાં બે લિટરના ચાર સિલિન્ડર ટર્બોચાર્જ્ડ ડીઝલ એન્જિન મળે છે, જે 190 બીએચપી પાવર અને 400 એનએમ ટોર્ક આપે છે. આ એન્જિન 7 સ્પીડ ઓટોમેટિક ગિયરબોક્સ સાથે આવે છે. આ કારની એક્સ શોરૂમ કિંમત લગભગ 65 લાખ રૂપિયા છે.

Land Rover Range Rover Vogue –

Image Source

હાર્દિક પંડ્યાના ગેરેજમાં લોકપ્રિય એસયુવી લેન્ડ રોવર રેંજ રોવર પણ છે જેની એક્સ શોરૂમ કિંમત 1.66 કરોડ રૂપિયા છે. બોલિવૂડ અને ક્રિકેટ સેલિબ્રિટીઝના ગેરેજમાં આ કાર હોવી સામાન્ય વાત છે. આ કારમાં 3.0-લિટરવાળું 6 સિલિન્ડર એન્જિન છે, જે 240 બીએચપી પાવર અને 600 એનએમ ટોર્ક જનરેટ કરે છે.

Jeep Compass SUV –

Image Source

ઓગસ્ટ 2017માં હાર્દિકે નવી જીપ કંપાસ ખરીદી હતી અને પિતા હિમાંશુ પંડ્યાને ગિફ્ટ કરી હતી. ભારતીય બજારમાં કંપાસના 10 મોડલ લોન્ચ કરવામાં આવ્યા હતા અને આ બંને પેટ્રોલ અને ડીઝલ એન્જિનમાં આવે છે. તેની પેટ્રોલ રેન્જની એક્સ શો રૂમ કિંમત 14.95 લાખ રૂપિયાથી લઈને 19.40 લાખ રૂપિયા સુધી છે. જ્યારે કંપાસ ડીઝલની કિંમત 15.45 લાખથી લઈને 20.65 લાખ રૂપિયા સુધી છે.

Author: GujjuRocks Team તમે આ લેખ GujjuRocks ના માધ્યમથી વાંચી રહ્યા છો, આવી જ રીતે રોજિંદા જીવનમાં ઉપયોગી હોય એવી લાગણીસભર વાર્તાઓ, સ્વાસ્થ્યવર્ધક માહિતી, બોલીવુડની ખબરો, ધાર્મિક વાતો, રેસિપી તથા અન્ય રસપ્રદ માહિતીઓ મેળવવા માટે ગુજરાતીઓનું લોકપ્રિય ફેસબુક પેજ GujjuRocks લાઈક કરી જોડાઓ તથા હવે અમારા દરેક જોક્સ-સુવિચાર સીધા તમારા મોબાઈલમાં મેળવવા માટે અમારી મોબાઈલ એપ અહીં ક્લિક કરીને ડાઉનલોડ કરી લેજો GujjuRocks Mobile App.

લેખ ગમ્યો હોય તો લાઈક કરી મિત્રો સાથે શેયર કરજો.