ખબર

ગુજરાતમાં ઘણા દિવસો બાદ નોંધાયા 800થી વધુ કેસ, જાણો વધુ વિગત

સમગ્ર દેશ સહિત ગુજરાતમાં કોરોનાનો કહેર ફરી વધી રહ્યો છે. ગુજરાતમાં કોરોનાના નવા કેસ વધવાની સાથે એક્ટિવ કેસોની સંખ્યા પણ વધી રહી છે. અમદાવાદ, રાજકોટ, વડોદરા અને સુરતમાં રાત્રી કરફ્યુ લંબાવવામાં આવ્યો છે.

પ્રતિકાત્મક તસવીર

ચૂંટણી બાદ રાજ્યમાં કોરોનાના કેસ વધી રહ્યા છે. જેને ધ્યાને લઇ અમદાવાદમાં આઠ વિસ્તારોમાં રાત્રિ બજાર હોટલ રેસ્ટોરન્ટ વગેરેને 10 વાગ્યા સુધીની મંજૂરી આપવામાં આવી છે. તો બીજી તરફ નરેન્દ્ર મોદી સ્ટેડિયમમાં પણ દર્શકો વગર મેચ રમાડવાનો નિર્ણય લેવાયો છે.

તમને જણાવી દઇએ કે, 26 ડિસેમ્બર બાદ ફરી 890 કેસ સામે આવ્યા છે. રાજ્યમાં છેલ્લા 24 કલાકમાં 890 નવા કેસ નોંધાયા છે. છેલ્લા 24 કલાક દરમિયાન 594 દર્દી સાજા થઈને ઘરે પરત ફર્યા છે. જ્યારે સુરતમાં 1 દર્દીના મોત સાથે મૃત્યુઆંક 4,425 થયો છે.

પ્રતિકાત્મક તસવીર

રાજ્યમાં કોરોનાના એક્ટિવ કેસનો આંકડો 4700ને પાર થયો છે અને હાલ 4717 એક્ટિવ કેસ છે. રાજ્યમાં અત્યાર સુધીમાં 2,79,097ના રિપોર્ટ પોઝિટિવ આવ્યા છે, જ્યારે મૃત્યુઆંક 4,425 થયો છે. તેમજ અત્યાર સુધીમાં 2 લાખ 69 હજાર 955 દર્દી ડિસ્ચાર્જ થયા છે.

પ્રતિકાત્મક તસવીર

અમદાવાદમાં 174 કેસ, રાજકોટમાં 69 કેસ, વડોદરામાં 123 કેસ, સુરતમાં 149 કેસ નોંધાયા છે.