ખબર

રાજ્ય અને રાજ્ય બહાર જે લોકો ફસાયેલા છે તેને પાછળ લાવશે ગુજરાત સરકાર? મોટી જાહેરાત કરી- જાણો

રાજ્યમાં દરરોજ કેસમાં વધારો થતો જાય છે. રાજ્યમાં આજે વડોદરામાં વધુ 19 કેસ ને મહેસાણામાં 3 પોઝિટિવ કેસ નોંધાતા આંકડો 4104 પર પહોંચી ગયો છે. તો વડોદરામાં 1 દર્દીનું મોત નિપજતા આંકડો 198 પર પહોંચ્યો છે. રાજ્યમાં 527 દર્દીઓ સાજા થઇ ગયા છે.

Image Source

મુખ્યમંત્રીના સચિવ અશ્વિની કુમારે જણાવ્યું હતું કે રાજ્યના અનેક જિલ્લાઓમાં પરપ્રાંતીઓ ફસાયેલા છે. કેન્દ્રની ગાઈડલાઈન મુજબ આ પરપ્રાંતીઓને જે સંપૂર્ણ સ્વસ્થ હશે તેને જ વતન પરત મોકલવામાં આવશે. આ માટે 8 IPS-IASને જવાબદારી સોંપવામાં આવી છે. અલગ-અલગ રાજ્ય માટે અલગ-અલગ અધિકારીને જવાબદારી સોંપવામાં આવી છે.

ઉપરાંત ગુજરાતના જે લોકો બહાર ફસાયેલા છે તેમને પણ રાજ્યમાં પરત લાવવામાં આવશે. આ માટે સાંજ સુધીમાં અરજી કરવા માટે પોર્ટલ તૈયાર કરવામાં આવશે. ગુજરાત બહાર રહેતા લોકોએ ઓનલાઇન અરજી કરવાની રહેશે. જેમાં વાહનની વિગત પણ ભરવાની રહેશે.આગામી 10-15 દિવસમાં આ કામગીરી પૂર્ણ કરવામાં આવશે.

વતનમાં પરત ફરવા માટે એક શરત રાખવામાં આવી છે કે, શરદી તાવ કે ઉઘરસ તથા અન્ય કોઈ ગંભીર બીમારીના લક્ષણો હોય તેઓને પરવાનગી આપવામાં આવશે નહિ, સંપૂર્ણ સ્વસ્થ હોય તેવા લોકો જ જઈ શકશે. ટ્રાન્સપોર્ટેશનની વ્યવસ્થા જે તે ગ્રૂપ દ્વારા કરવામાં આવશે. વિગતવાર માહિતી ઓનલાઈન ભરવાની રહેશે.

Author: GujjuRocks Teamઆવી જ રીતે રોજિંદા જીવનમાં ઉપયોગી હોય એવી લાગણીસભર વાર્તાઓ, સ્વાસ્થ્યવર્ધક માહિતી, બોલીવુડની ખબરો, ધાર્મિક વાતો, રેસિપી તથા અન્ય રસપ્રદ માહિતીઓ મેળવવા માટે ગુજરાતીઓનું લોકલાડીલું પેજ GujjuRocks લાઈક કરી જોડાઓ.