સુરતના આ ઉદ્યોગપતિએ પોતાની ભત્રીજીના લગ્નમાં મહેમાનોને કરાવી ચારધામની યાત્રા, લગ્નનો ભવ્ય સેટ જોઈને ફિલ્મી સિતારાઓ પણ રહી ગયા હક્કાબક્કા, જુઓ વીડિયો
દેશભરમાં હાલ લગ્નનો માહોલ ચાલી રહ્યો છે અને સામાન્ય માણસો સાથે સાથે ઘણા બધા સેલેબ્સના પણ લગ્ન યોજાઈ રહ્યા છે. દેશના ઘણા બધા ઉદ્યોગપતિઓના સંતાનોના પણ લગ્ન થઇ રહ્યા છે ત્યારે આવા લગ્નમાં રજવાડી ઠાઠમાઠ પણ જોવા મળતો હોય છે, આવા લગ્નનું આયોજન ખુબ જ ભવ્ય રીતે થતું પણ હોય છે.
ત્યારે હાલ સુરતમાં એક એવા જ ભવ્ય લગ્ન યોજાયા હતા. જેણે લોકોનું ધ્યાન ખેંચ્યું અને આ લગ્નની ઘણી બધી તસવીરો અને વીડિયો પણ સોશિયલ મીડિયામાં ખુબ જ વાયરલ થઇ રહ્યા છે. આ લગ્ન હતા સુરતના જાણીતા ઉદ્યોગપતિ અને રાજહંસ ગ્રુપના ચેરમેન જયેશ દેસાઈના ભાઈ વિજય દેસાઈની દીકરીના.
આ શાહી લગ્નનું ખાસ આકર્ષણ હતું લગ્નનો મંડપ. જેને ચારધામની થીમ પર બનાવવામાં આવ્યો હતો. જાણે કોઈ ફિલ્મનો સેટ લગાવ્યો હોય તેમ ભવ્યાતિ ભવ્ય મંડપ આ પ્રસંગની શોભા વધારી રહ્યો હતો. આ લગ્નમાં પહોંચીને મહેમાનોને ચાર ધામની યાત્રા કરી હોય તેવી અનુભૂતિ થઇ હતી.
આ ભવ્ય મંડપ ડુમસ રોડ પર તૈયાર કરવામાં આવ્યો હતો. જેમાં ચાર જ્યોતિર્લિંગના આબેહૂબ મંદિર બનાવવામાં આવ્યા હતા. એન્ટ્રીગેટથી પ્રવેશ કરતા જાણે એવું લાગે કે દેવભૂમિમાં પહોંચી ગયા હોઈએ. આ ભવ્ય મંડપમાં મધ્યપ્રદેશ ખાતે આવેલ મહાકાલનું મંદિર, ઉત્તરાખંડમાં આવેલ કેદારનાથ, ગીર સોમનાથ સ્થિત આવેલ સોમનાથનું મંદિર, અને આંધ્રપ્રદેશ ખાતે આવેલ મલ્લિકાર્જુનનું મંદિર બનાવવામાં આવ્યું હતુ.
ફક્ત એટલું જ નહીં શંકરાચાર્યના ચાર મઠ જેમાં બદ્રીનાથ, દ્વારકા, જગન્નાથપુરી, રામેશ્વરમનો પણ સમાવેશ કરવામાં આવ્યો હતો. આ આખો સેટ એ રીતે તૈયાર કરવામાં આવ્યો હતો કે જાણે આ લગ્નમાં આવેલ મહેમાનો કોઈ દેવસ્થાન પર દર્શન કરવા માટે આવી પહોંચ્યા હોય તેવી અનુભૂતિ થઇ હતી. આ ઉપરાંત મહેમાનોના બેસવા માટે પણ ખાસ વ્યવસ્થા કરવામાં આવી હતી.
આ લગ્નમાં હાજર રહેલા મેહમાનોનું લિસ્ટ પણ ખુબ જ ખાસ હતું. જેમાં ક્રિકેટ, બૉલીવુડ અને રાજકારણી નેતાઓ તેમજ ધાર્મિક ગુરુઓનો સમાવેશ થાય છે. આ લગ્નમાં ક્રિકેટ જગતના ભગવાન કહેવાતા સચિન તેંડુલકર પોતાની પત્ની અંજલિ સાથે આવી પહોંચ્યા હતા. સુરત એરપોર્ટ પરથી તેમની ઝલક કેમેરામાં કેદ થઇ હતી.
View this post on Instagram
આ ઉપરાંત લગ્નમાં બૉલીવુડ અભિનેત્રી મલાઈકા અરોરા, રવીના ટંડન, દિયા મિર્જા ઉપરાંત બોની કપૂર પણ જોવા મળ્યા હતા. તો બૉલીવુડ અભિનેતા રણવીર સિંહ પણ આ લગ્નમાં મહેમાન બન્યો હતો, રણવીર સિંહે ગુજરાતી ગીતો પર ડાન્સ કરીને મહેફિલમાં જોરદાર રંગ જમાવી દીધો હતો. તેને લગ્નમાં ખુબ જ ડાન્સ કર્યો અને લોકોને પણ ઝુમાવ્યા હતા.
View this post on Instagram
આ લગ્નમાં યોગગુરુ બાબા રામદેવ પણ આવી પહોંચ્યા હતા. આ ઉપરાંત કથાકાર રમેશભાઈ ઓઝા પણ આ લગ્નના મહેમાન બન્યા હતા. તેઓએ લગ્નના બંધનમાં બંધાઈ રહેલા ચિ. મૌસમી અને ચિ. કરણને સુખી દામ્પત્ય જીવન માટેના આશીર્વાદ પણ આપ્યા હતા. આ ઉપરાંત આ લગ્નમાં સમાજના અગ્રણીઓ અને રાજકીય આગેવાનોએ પણ હાજરી આપી હતી.
રાજહંસ ગ્રુપના ચેરમેન જયેશ દેસાઈ અને સચિન તેંડુલકરનું ખાસ કનેક્શન રહ્યું છે. સચિન તેંડુલકરને સુમાકરે જે 360 ફેરારી મેડોન કાર ભેટમાં આપી હતી તે ખરીદવાનું સપનું જયેશભાઇ દેસાઈએ જોયું હતું. આ કારને સચિને જયેશભાઇને જ વેચી હતી અને ત્યારથી બંને ખુબ જ ખાસ મિત્રો પણ બની ગયા હતા. ત્યારે ભત્રીજીના લગ્નમાં સચિનને આમંત્રણ આપતા સચિન પણ પત્ની અંજલિ સાથે આવી પહોંચ્યો હતો.
