છેલ્લા કેટલાય સમયથી દેશભરમાં આપઘાતના ઘણા બધા કિસ્સાઓ સામે આવતા રહે છે, ઘણા લોકો આર્થિક તંગીમાં આવીને તો ઘણા લોકો પ્રેમ પ્રસંગોના કારણે પણ આપઘાત કરી લેતા હોય છે, ત્યારે હાલ એવો જ એક ચોંકાવનારો કિસ્સો સામે આવ્યો છે, જેમાં પ્રેમીની સગાઈથી નારાજ થયેલી પ્રેમિકા પેટ્રોલની બોટલ ભરીને પ્રેમીના ઘરે પહોંચીને આત્મદાહ કરવાનો પ્રયત્ન કર્યો હતો.
આ ચોંકાવનારી ઘટના શુક્રવારે બપોરે સીપી કોલોની એસએલપી કોલેજ સામે બની હતી. જણાવવામાં આવી રહ્યું છે કે આત્મહત્યા કરનાર બાળકી 90 ટકા દાઝી ગઈ છે જોકે તેની સારવાર ચાલી રહી છે. ઘટનાના CCTV ફૂટેજ પણ સામે આવ્યા છે જેમાં વિદ્યાર્થીની હાથમાં પેટ્રોલની બોટલ લઈને જતી જોવા મળે છે. થોડા સમય પછી તે પણ આગની જ્વાળાઓથી ઘેરાયેલી જોવા મળે છે.
ASP રાજેશ દાંડૌતિયાએ જણાવ્યું કે એક વિદ્યાર્થીનીએ પેટ્રોલ નાખીને પોતાની જાતને આગ લગાવી દીધી છે. પ્રેમીની સગાઈ અને લગ્નની વાતથી વિદ્યાર્થીની ગુસ્સે થઇ હતી. પીન્ટો પાર્ક ગોલાના મંદિર સ્થિત સૈનિક કોલોનીમાં રહેતા સરકારી શિક્ષક સતેન્દ્ર સિંહ ચૌહાણની પુત્રી સૃષ્ટિ ચૌહાણ વિદ્યાર્થીની છે. 21 વર્ષની સૃષ્ટિની આશિષ પાઠક સાથે મિત્રતા હતી. બંનેએ લગ્ન કરવાની અને જીવનભર સાથે રહેવાની પ્રતિજ્ઞા લીધી હતી. આશિષની સગાઈ ક્યાંક બીજે થઈ ગઈ હતી, જેના કારણે સૃષ્ટિ ગુસ્સે થઈ ગઈ.
શુક્રવારે બપોરે તે બોટલમાં પેટ્રોલ લઈને આશિષના ઘરે પહોંચી હતી અને તેને બહાર બોલાવ્યો હતો, પરંતુ તે આવ્યો નહોતો. આ પછી, તેણી ગુસ્સામાં આવી અને ઘરથી થોડે દૂર ગઈ અને પેટ્રોલ છાંટીને પોતાની જાતને આગ લગાવી દીધી. આગ લાગતાની સાથે જ તે દોડીને પડી ગઈ હતી. આગની જ્વાળાઓમાં ઘેરાયેલી યુવતીને જોઈને આસપાસના લોકોએ પાણી નાખી આગ બુઝાવી હતી. પોલીસને જાણ કર્યા બાદ તેને હોસ્પિટલ મોકલવામાં આવી હતી.
યુવતીના પિતા સતેન્દ્રએ જણાવ્યું કે પુત્રી સૃષ્ટિએ 10 દિવસ પહેલા આશિષ વિશે જણાવ્યું હતું અને તેની સાથે લગ્ન કરવાનું કહ્યું હતું. હું આશિષના ઘરે પહોંચ્યો તેના એક દિવસ પહેલા મને ખબર પડી કે તેની સગાઈ થઈ ગઈ છે. જ્યારે મેં મારી દીકરીને આ વાત કહી તો તે બેચેન થઈ ગઈ. સૃષ્ટિ અને આશિષ વચ્ચે ત્રણ દિવસ પહેલા આ જ વાતને લઈને ઝઘડો થયો હતો. આજે બપોરે પોલીસ સ્ટેશનમાંથી ફોન આવ્યો, જ્યારે ખબર પડી કે તેણે આગ લગાવી દીધી છે. આ મામલો ગ્વાલિયરથી સામે આવ્યો છે.
