જ્યોતિષ શાસ્ત્રની ગણતરી મુજબ ફેબ્રુઆરી મહિનો ગ્રહ ગોચરની દ્રષ્ટિએ ખાસ છે. કારણ કે, આ મહિનામાં ઘણા ગ્રહો ગોચર કરી રહ્યા છે. ફેબ્રુઆરી માસમાં 4 ગ્રહોનું ગોચર થશે. જેમાં બુધ, સૂર્ય, મંગળ અને બૃહસ્પતિ સામેલ છે. ગ્રહોના રાજકુમાર બુધ આ મહિને બે વાર રાશિ પરિવર્તન કરશે તો 4 ફેબ્રુઆરીએ બૃહસ્પતિ માર્ગી થઈને વૃષભ રાશિમાં પ્રવેશ કરશે જે ઘણી રાશિઓના જાતકોના જીવનમાં સારો સમય લઈને આવશે.
વૈદિક પંચાંગ અનુસાર, બુધ, સૂર્ય, મંગળ અને ગુરુ પોતાની રાશિ બદલવા જઈ રહ્યા છે. 4 ફેબ્રુઆરી 2025ના રોજ દેવતાઓના ગુરુ બૃહસ્પતિ વૃષભ રાશિમાં ગોચર કરશે, જેનાથી અમુક રાશિઓને લાભ મળી શકે છે. ત્યારબાદ, 11 ફેબ્રુઆરીએ બુધ શનિની રાશિમાં પ્રવેશ કરી જશે. પછી બીજા દિવસે સૂર્ય પણ કુંભ રાશિમાં ગોચર કરશે. જેનાથી સૂર્ય, બુધ અને શનિનો ત્રિગ્રહી યોગ બનશે. ત્યારબાદ મંગળ વૃષભ રાશિમાં ગોચર કરશે અને અંતમાં બુધ મીન રાશિમાં ગોચર કરશે. જે કમાણીની શાનદાર તક લઈને આવશે. ત્યારે ચાલો જાણીએ ફેબ્રુઆરી મહિનામાં થનારું આ ગોચર કઈ રાશિઓ માટે લાભકારી છે.
મેષ રાશિ
મેષ રાશિના જાતકો માટે ફેબ્રુઆરી મહિનો ઘણો સારો રહેશે. નોકરી કરતા લોકોને પ્રમોશન અથવા નવી જવાબદારી મળી શકે છે. જેઓ અભ્યાસ કરી રહ્યા છે અથવા સ્પર્ધાત્મક પરીક્ષાઓની તૈયારી કરી રહ્યા છે તેમના માટે આ સમય સારો રહેશે. ધાર્મિક કાર્યોમાં રુચિ રહેશે. વિદેશ પ્રવાસની યોજના પણ બની શકે છે. ભાગીદારીમાં કરેલા ધંધામાં લાભ થશે. પરિવારમાં ખુશીનું વાતાવરણ રહેશે.
મિથુન રાશિ
મિથુન રાશિના લોકો માટે આ મહિનો કોઈ ભેટથી ઓછો નહીં હોય. વેપારમાં સારો ફાયદો થશે. લગ્ન સંબંધિત મામલાઓનો ઉકેલ આવશે, પરંતુ કોઈની સાથે વેપાર કરવાનું ટાળો. જીવનસાથી સાથે સંબંધ વધુ ગાઢ બનશે. જો કોઈ કોર્ટ કેસ ચાલી રહ્યો છે, તો નિર્ણય તમારા પક્ષમાં આવી શકે છે. નોકરી-ધંધામાં પ્રગતિની પૂરી સંભાવના છે. મકાન, જમીન કે કાર ખરીદવા માટે સમય સારો છે. વ્યવસાય સંબંધિત યાત્રાઓ લાભદાયી રહેશે.
સિંહ રાશિ
ફેબ્રુઆરી મહિનો સિંહ રાશિના લોકો માટે ખુશીઓ લઈને આવશે. સંતાન સંબંધિત સમસ્યાઓનો અંત આવશે. જો તમે લવ મેરેજ કરવા માંગો છો તો આ યોગ્ય સમય છે. કાર્યસ્થળ પર તમને સારા સમાચાર મળી શકે છે. પૈતૃક સંપત્તિ સંબંધિત અવરોધો દૂર થશે. નોકરી અને નવા પ્રોજેક્ટમાં પ્રમોશન મળવાની સંભાવના છે. પરિવાર સાથે ધાર્મિક કાર્યક્રમોમાં ભાગ લેવાની તક મળશે.
કુંભ રાશિ
કુંભ રાશિના જાતકો માટે ફેબ્રુઆરી મહિનો ખૂબ જ શુભ રહેશે. જો તમે કોઈ નવું કામ શરૂ કરવા માંગો છો, તો આ સમય તમારા માટે સારો છે. ઘરમાં લગ્ન કે અન્ય શુભ પ્રસંગ બની શકે છે. તમને અભ્યાસ અને સ્પર્ધાઓમાં સફળતા મળશે. તીર્થયાત્રા પર જવાની પણ સંભાવના છે. જોકે, મોટા ભાઈઓ સાથે ઝઘડા ટાળો અને તમારા ગુસ્સા પર નિયંત્રણ રાખો. પ્રગતિ અને આર્થિક લાભની નવી તકો મળશે.
(નોંધ: ઉપરોક્ત માહિતી સામાન્ય માન્યતાઓ અને જાણકારીઓ પર આધારિત છે, ગુજ્જુરોક્સ આની પુષ્ટિ કરતું નથી.)