આને ભૂલ કહેવી કે પછી મૂર્ખાઈ ? બ્રિજ પર ચાલુ કારમાં જોડાઈ ગયું પોલીસનું બેરીકેટ, કાર ઉભી રાખ્યા વગર સડસડાટ જવા દીધી, વીડિયો થયો વાયરલ
Drive Car With Delhi Police Barricade : સોશિયલ મીડિયામાં ઘણા બધા ચોંકાવનારા વીડિયો સામે આવે છે. આ વીડિયોની અંદર ઘણીવાર એવી એવી ઘટનાઓ સામે આવતી હોય છે કે તેને જોઈને આપણે પણ હેરાન રહી જઈએ. ઘણા લોકો રોડ પર કેટલીક એવી હરકતો કરતા હોય છે તે વિચારવા માટે મજબુર કરી દેતા હોય છે. હાલ એક એવો જ વીડિયો સોશિયલ મીડિયામાં વાયરલ થઇ રહ્યો છે જેમાં એક બ્રિજ પર એક સ્વીફ્ટ કાર પોલીસના બેરીગેટને ધસેડીને જતી જોવા મળી રહી છે.
બેરીકેટ સાથે ચાલી કાર :
વાયરલ થઇ રહેલી આ કલીપ દિલ્હીની છે. જેમાં જોવા મળી રહ્યું છે કે રાતના અંધારામાં, પ્રદૂષણના કહેર વચ્ચે, એક વાહન ફ્લાયઓવર પરથી પસાર થઈ રહ્યું છે, જેની સાથે દિલ્હી પોલીસની બેરિકેડ પણ જોવા મળી રહ્યું છે. જ્યારે કોઈ રાહદારીએ આ અજીબોગરીબ નજારો જોયો તો તેણે ઝડપથી વીડિયો બનાવ્યો અને તેને સોશિયલ મીડિયા પર પોસ્ટ કર્યો, ત્યારબાદ આ મામલો સોશિયલ મીડિયા પર વાયરલ થઈ ગયો. આ દ્રશ્ય જોઈને જનતાને આશ્ચર્ય અને ચિંતા થાય છે કે તે વ્યક્તિએ કારને રોકીને કારમાંથી બેરિકેડ કેમ અલગ ન કર્યું.
લાખો લોકોએ જોયો વીડિયો :
આ વીડિયો ઈન્સ્ટાગ્રામ યુઝર @jitmanyu_parashar દ્વારા 3 નવેમ્બરના રોજ પોસ્ટ કરવામાં આવ્યો હતો, જેને અત્યાર સુધી લાખો વ્યૂઝ અને 1 લાખ 80 હજાર લાઈક્સ મળી ચૂક્યા છે. તેમજ હજારો યુઝર્સે કોમેન્ટ કરી છે. કાર માલિકના આ કારનામાને જોઈને મોટાભાગના યુઝર્સે આશ્ચર્ય વ્યક્ત કર્યું હતું, તો કેટલાક યુઝર્સે ખુશ પ્રતિક્રિયાઓ આપી હતી. જેમ કે એક યુઝરે લખ્યું – બેરિકેડ હટાવવાની પદ્ધતિ થોડી કેઝ્યુઅલ છે. બીજાએ લખ્યું – તે લોખંડ લઇ જનારો કબાડી હોવો જોઈએ.
View this post on Instagram
દિલ્હીમાં બની ઘટના :
આ વાયરલ ઈન્સ્ટાગ્રામ રીલમાં, અમે જોઈ શકીએ છીએ કે એક સ્વિફ્ટ કાર ડ્રાઈવર દિલ્હી પોલીસના બેરિકેડ સાથે ડ્રાઇવિંગ કરે છે. કારની ડાબી બાજુએ બેરિકેડ અટકી ગયું છે અને તે તેને હટાવ્યા વિના જ કાર ચલાવી રહ્યો છે. જ્યારે લોકોએ આ વીડિયો જોયો તો કેટલાક લોકોએ દાવો કર્યો કે આ વીડિયો દિલ્હીના બાબા બંદા સિંહ બહાદુર સેતુ (બારાપુલા ફ્લાયઓવર)નો છે. જનતા સમજી નથી શકતી કે વ્યક્તિએ આવું કેમ કર્યું? જો કે, આ મામલાની વધુ માહિતી નથી પરંતુ આ વીડિયો સોશિયલ મીડિયાના અલગ-અલગ પ્લેટફોર્મ પર શેર કરવામાં આવી રહ્યો છે.
