Dream Meaning: રાત્રે સુતી વખતે સપના આવવા સામાન્ય બાબત છે. ઘણી વખત એવું બને કે જે વાતની તમે સમગ્ર દિવસ દરમિયાન ચર્ચા કરતા હોય તેના વિશે રાત્રે સપના આવે છે. તો ક્યારેક ભવિષ્યમાં બનનારી ઘટના વિશે પણ સપના આવે છે. સ્વપ્ન શાસ્ત્ર અનુસાર સપનામાં આવતી ઘટનાઓ વ્યક્તિને ભવિષ્યને લઈને સંકેત આપે છે. આવનારા સારા કે ખરાબ સમય વિશે બતાવે છે. આજે આપણે આવી જ પાંચ વસ્તુઓ વિશે જાણીશું, જેને સપનામાં જોવી શુભ માનવામાં આવે છે. જો સપનામાં આ પાંચ વસ્તુઓ જોવા મળે, તો તેને સૌભાગ્યનું સૂચક માનવામાં આવે છે.
1.મૃત વ્યક્તિ: જો કોઈ વ્યક્તિને સપનામાં મરેલો વ્યક્તિ કે લાશ જોવા મળે છે, તો તેનો સંકેત એવો છે કે તે વ્યક્તિના આવનારા સમયમાં લાભ મળવાનો છે.
2.વૃક્ષ: સ્વપ્ન શાસ્ત્ર પ્રમાણે સપનામાં વૃક્ષ જોવું બહુ શુભ માનવામાં આવે છે. તે આકસ્મિત રીતે ધન મળવાનો સંકેત છે. જો તમે સપનામાં લીલા વૃક્ષો જોવો છે અથવા પોતાની જાતને વૃક્ષ પરથી ફળ તોડતા જોવો છો, તો તેનો અર્થ એ છે કે, તમને પૈતૃક સંપત્તિ મળશે.
3.પાણીમાં પડતા જોવું: જો સપનામાં તમે પોતાની જાતને પાણીમાં પડતા જુઓ છો, તો તેને પણ શુભ માનવામાં આવે છે. જો તમને પણ આવું સપનુ આવે છે તો તેનો મતલબ એ કે, તમને ટૂંક સમયમાં વેપારમાં મોટો લાભ થવાની સંભાવના છે.
4.કુવામાંથી પાણી કાઢવું: સપનામાં પોતાની જાતને પાણી કાઢતા જોવી પણ શુભ માનવામાં આવે છે. જો કો વ્યક્તિ પોતે કુવામાંથી પાણી કાઢતા હોય તેવું દ્રશ્ય સપનામાં જોવે છે, તો તેનો અર્થ એ છે કે, તો તમારી પાસે જે પણ પૈસા છે તે પ્રામાણીકતાથી કમાયેલા છે.
5.કપડા: જ્યોતિષ શાસ્ત્ર અનુસાર જણાવવામાં આવ્યું છે કે, સપનામાં પોતાની જાતને નવા કપડા પહેરેલા જોવા ઉજ્જવળ ભવિષ્યનું સૂચક છે.આ ઉપરાંત પોતાની જાતને કપડા સુકવતા જોવા વ્યક્તિના પરિવર્તનના સંકેત છે. નજીકના ભવિષ્યમાં તમને કોઈ સારા સમાચાર મળી શકે છે. જેથી તમારી આર્થિક તંગી દૂર થશે. વેપારીઓને નવા પ્રોજેક્ટ મળી શકે છે.
