પોસ્ટ ઓફિસ યોજનાઓ એવા લોકો માટે સલામત રોકાણ વિકલ્પ પ્રદાન કરે છે કે જેઓ તેમના પૈસા સાથે જોખમ લેવા માંગતા નથી. પોસ્ટ ઓફિસ ઘણી બચત યોજનાઓ ચલાવે છે અને સરકાર તેના પર શ્રેષ્ઠ વળતરની ખાતરી આપે છે. પોસ્ટ ઓફિસ સ્કીમમાં તમારા પૈસા 100% સુરક્ષિત છે. આજે અમે તમને પોસ્ટ ઓફિસની તમામ મહત્વપૂર્ણ બચત યોજનાઓ વિશે જણાવી રહ્યા છીએ, જ્યાં તમારા પૈસા ડબલ થવામાં કેટલો સમય લાગશે.
તમારા પૈસા ક્યારે બમણા થશે તેની ગણતરી કરવા માટે 72 ના નિયમનો ઉપયોગ કરવામાં આવે છે, જેનાથી એક મિનિટમાં ખબર પડી જશે કે, તમારા તરફથી રોકાણ કરવામાં આવેલા પૈસા કેટલા સમયમાં બમણા થઈ જશે.
નિયમ 72 શું છે? : 72 નો નિયમ એક પ્રકારનો ફોર્મ્યુલા છે, જેનો ઉપયોગ તમારા પૈસા ક્યારે બમણા થશે તેની ગણતરી કરવા માટે કરી શકાય છે. તે વાસ્તવમાં ગાણિતિક સમીકરણો પર આધારિત એક ટેકનિક છે, જેમાંથી તે ખૂબ જ સરળતાથી જાણી શકાય છે કે તમારા પૈસા કેટલા વર્ષમાં બમણા થઈ શકે છે. આ નિયમ અનુસાર, વ્યાજ દરને 72 વડે ભાગવાથી જે પરિણામ મળે છે, તે વર્ષમાં વ્યક્તિનું રોકાણ બમણું થઈ શકે છે. તે સામાન્ય રીતે FD વગેરેમાં રોકાણ માટે સારી રીતે કામ કરે છે.
પોસ્ટ ઓફિસ સેવિંગ્સ બેંક એકાઉન્ટ : જો તમે તમારા પૈસા પોસ્ટ ઓફિસ સેવિંગ્સ એકાઉન્ટમાં રાખો છો, તો તમારે પૈસા બમણા થવા માટે લાંબા સમય સુધી રાહ જોવી પડી શકે છે કારણ કે તે વાર્ષિક માત્ર 4 ટકાના દરે વ્યાજ ચૂકવે છે. તમારા પૈસા 18 વર્ષમાં બમણા થઈ જશે.
પોસ્ટ ઓફિસ રિકરિંગ ડિપોઝિટ : હાલમાં તમને પોસ્ટ ઓફિસ રિકરિંગ ડિપોઝિટ (RD) પર 5.8 ટકા વ્યાજ ચૂકવવામાં આવે છે, તેથી જો આ વ્યાજ દરે નાણાંનું રોકાણ કરવામાં આવે તો તે 12.41 વર્ષમાં તમારા નાણા બમણા થઈ જશે.
પોસ્ટ ઓફિસ મંથલી ઈન્કમ સ્કીમ : પોસ્ટ ઓફિસ મંથલી ઈન્કમ સ્કીમ (MIS) પર હાલમાં 6.6 ટકા વ્યાજ મળી રહ્યું છે. જો આ વ્યાજ દરે નાણાંનું રોકાણ કરવામાં આવે તો તે લગભગ 10.91 વર્ષમાં નાણા બમણા થઈ જશે.
પોસ્ટ ઓફિસ સિનિયર સિટીઝન સેવિંગ્સ સ્કીમ : હાલમાં પોસ્ટ ઓફિસ સિનિયર સિટીઝન સેવિંગ્સ સ્કીમ (SCSS) પર 7.4 ટકાના દરે વ્યાજ આપવામાં આવે છે. આ સ્કીમમાં, તમારા પૈસા લગભગ 9.73 વર્ષમાં બમણા થઈ જશે.
પોસ્ટ ઓફિસ પીપીએફ : પોસ્ટ ઓફિસના 15 વર્ષના પબ્લિક પ્રોવિડન્ટ ફંડ (PPF) પર હાલમાં 7.1 ટકા વ્યાજ મળી રહ્યું છે. આ દરે તમારા પૈસા બમણા થવામાં લગભગ 10.14 વર્ષ લાગશે.
પોસ્ટ ઓફિસ નેશનલ સેવિંગ્સ સર્ટિફિકેટ : હાલમાં પોસ્ટ ઓફિસ નેશનલ સેવિંગ સર્ટિફિકેટ (NSC) પર 6.8 ટકાના દરે વ્યાજ આપવામાં આવે છે. આ 5 વર્ષની બચત યોજના છે, જેમાં આવકવેરો પણ બચાવી શકાય છે. જો આ વ્યાજ દરે નાણાંનું રોકાણ કરવામાં આવે તો તે લગભગ 10.59 વર્ષમાં નાણા બમણા થઈ જશે.
પોસ્ટ ઓફિસ ટાઈમ ડિપોઝિટ (TD) : હાલમાં, 1-3 વર્ષની પોસ્ટ ઓફિસ ટાઈમ ડિપોઝીટ (TD) પર 5.5 ટકા વ્યાજ મળે છે. જો તમે આમાં રોકાણ કરશો તો લગભગ 13 વર્ષમાં તમારા પૈસા બમણા થઈ જશે. તેવી જ રીતે, તમને 5 વર્ષની ટાઈમ ડિપોઝીટ પર 6.7 ટકા વ્યાજ મળી રહ્યું છે. જો આ વ્યાજ દર સાથે નાણાંનું રોકાણ કરવામાં આવે તો લગભગ 10.75 વર્ષમાં તમારા પૈસા બમણા થઈ જશે
પોસ્ટ ઓફિસ સુકન્યા સમૃદ્ધિ એકાઉન્ટ સ્કીમ : પોસ્ટ ઓફિસ સુકન્યા સમૃદ્ધિ એકાઉન્ટ સ્કીમ હાલમાં સૌથી વધુ 7.6 ટકા વ્યાજ મેળવી રહી છે. દીકરીઓ માટે ચલાવવામાં આવી રહેલી આ સ્કીમમાં પૈસા ડબલ થતાં લગભગ 9.47 વર્ષનો સમય લાગશે.
