આજે ઘણા લોકો પોતાના ઘરે પાલતુ શ્વાન રાખે છે, પરંતુ ઘણીવાર એવું પણ બનતું હોય છે કે પાડોશીઓને શ્વાનનું ભસવાનું પસંદ નથી આવતું અને તેના કારણે ઝઘડા પણ થતા હોય છે, ઘણીવાર આવા ઝઘડા મારામારી સુધી પણ પહોંચી જાય છે, હાલ એવી જ એક ઘટનાનો વીડિયો સોશિયલ મીડિયામાં વાયરલ થઇ રહ્યો છે, જેમાં શ્વાનનું ભસવું પાડોશીને પસંદ ના આવ્યું અને તેણે ત્રણ લોકો ઉપર હુમલો કરી દીધો.
આ ઘટના સામે આવી છે દિલ્હીના પશ્ચિમ વિહાર વિસ્તારમાંથી. જ્યાં પાલતુ શ્વાનના ભસવા બાબતે થયેલી બોલાચાલીમાં પાડોશીએ ત્રણ લોકો પર લોખંડની પાઇપ વડે હુમલો કરીને તેમને ઘાયલ કર્યા હતા. પોલીસે સોમવારે માહિતી આપી કે આ બધું ત્યારે શરૂ થયું જ્યારે પરિવારનો એક પાલતુ શ્વાન તે વ્યક્તિ પર ભસવા લાગ્યો, ત્યારબાદ વ્યક્તિએ શ્વાન પર હુમલો કર્યો.
રવિવારે સવારે ધરમવીર દહિયા નામનો વ્યક્તિ ચાલી રહ્યો હતો ત્યારે સ્થાનિક રહેવાસી રક્ષિતનો પાલતુ શ્વાન તેના પર ભસવા લાગ્યો હતો. મીડિયા રિપોર્ટ્સ અનુસાર, પોલીસ અધિકારીઓએ જણાવ્યું કે દહિયાએ કથિત રીતે શ્વાનને તેની પૂંછડીથી ઉપાડીને ફેંકી દીધો. જ્યારે શ્વાનનો માલિક તેના પાલતુને બચાવવા આવ્યો ત્યારે ધરમવીર દહિયાએ શ્વાનને માર માર્યો હતો.
આ બાબતે બે યુવકો વચ્ચે નજીવી બાબતે બોલાચાલી થઈ હતી. આ પછી દહિયા લોખંડની પાઈપ લઈને પાછો આવ્યો અને શ્વાનના માથા ઉપર ઘા કર્યો. આનાથી બીજો વિવાદ થયો અને ગુસ્સામાં દહિયાએ રક્ષિત અને તેના પરિવારની એક મહિલાને માર્યા. જ્યારે તેણે દરમિયાનગીરી કરવાનો પ્રયાસ કર્યો ત્યારે તેણે તેના અન્ય પાડોશી હેમંત પર પણ હુમલો કર્યો હતો. પોલીસે જણાવ્યું કે તમામ ઘાયલોની મેડિકલ તપાસ કરવામાં આવી છે.
#WATCH | Delhi: 3 members of a family&their pet dog injured after being hit by a neighbor with an iron rod in Paschim Vihar. It happened after the dog allegedly barked at him. FIR lodged.
Injured stable. Dog’s owner says it has a clot in its head & will be taken to veterinarian. pic.twitter.com/YAa1QdduzB
— ANI (@ANI) July 4, 2022
એક પોલીસ અધિકારીએ ન્યૂઝ એજન્સી ANIને જણાવ્યું હતું કે, “શ્વાનના માલિક રક્ષિતના નિવેદનના આધારે, પશ્ચિમ વિહાર પૂર્વ પોલીસ સ્ટેશનમાં કલમ 308 (હત્યાનો પ્રયાસ), 323 (સ્વેચ્છાએ ઈજા પહોંચાડવા માટેની સજા), 341 (સજા). હેઠળ નોંધાયેલ છે ભારતીય દંડ સંહિતાની કલમો 451 અને 451 અને 451 (ગૃહ-અતિચાર) પ્રાણીઓની ક્રૂરતા નિવારણ અધિનિયમની કલમ 11 સાથે વાંચવામાં આવે છે. મામલાની તપાસ ચાલી રહી છે અને તથ્યોની પુષ્ટિ કરવામાં આવી રહી છે.
