ફેમસ ટીવી એક્ટર દિલીપ જોશીએ ‘તારક મહેતા કા ઉલ્ટા ચશ્મા’માં જેઠાલાલની ભૂમિકા ભજવીને લોકોના દિલ જીતી લીધા છે. હાલમાં જ થોડા સમય પહેલા દિલીપ જોશીની પુત્રી નિયતિના લગ્ન થયા હતા. તેના લગ્નના ફોટા અને વીડિયોએ ઈન્ટરનેટ પર જોરદાર ધૂમ મચાવી રહ્યા હતા, પરંતુ આ દરમિયાન નિયતિના સફેદ વાળે બધાનું ધ્યાન ખેંચ્યું હતુ, જેના કારણે તે સોશિયલ મીડિયા પર પણ ટ્રેન્ડ કરવા લાગી હતી. લગ્નમાં આ રીતે સફેદ વાળ કરવા બદલ કેટલાક લોકોએ તેના જોરદાર વખાણ કર્યા તો કેટલાકે તેની મજાક પણ ઉડાવી. હવે આ અંગે દિલીપ જોશીએ રિએક્શન આપ્યુ છે.
બોમ્બે ટાઈમ્સને આપેલા ઈન્ટરવ્યુ દરમિયાન દિલીપ જોશીએ જણાવ્યું કે જ્યારે તેમની દીકરીને ખબર પડી કે તે સફેદ વાળને કારણે સોશિયલ મીડિયા પર ટ્રેન્ડ કરી રહી છે ત્યારે તે ખૂબ જ ચોંકી ગઈ હતી. તેણે કહ્યું, ‘તે તેના લગ્નમાં તેના વાળ જે રીતે રાખવા માંગતી હતી તેમાં અમે ક્યારેય વિચાર્યું ન હતું કે લોકો આના પર પ્રતિક્રિયા આપશે. અમારા ઘરમાં ક્યારેય તેની ચર્ચા થઈ ન હતી. તે ગમે તે હોય, તે સારું છે.
ઘણા લોકો તરફથી સારો પ્રતિસાદ મળ્યો, જેનાથી મને આનંદ થયો કે મારી પુત્રીએ અન્ય લોકોને પણ પ્રેરણા આપી છે. દિલીપ જોશીએ કહ્યું કે મને લાગે છે કે આપણે જેવા છીએ તેવા લોકોની સામે આવવું જોઈએ. આગળ દિલીપ જોશીએ કહ્યું કે, ‘હું માનું છું કે આપણે જે રીતે છીએ તે રીતે આપણે હંમેશા દુનિયા સમક્ષ આવવું જોઈએ.
શરૂઆતમાં લોકોએ મારી દીકરી માટે પણ ઘણી વાતો કરી હતી. તેને લો-પ્રોફાઈલ રહેવું ગમે છે પરંતુ એ પણ સાચું છે કે આપણે સોશિયલ મીડિયાને નિયંત્રિત કરી શકતા નથી. તેમના આ પગલાથી પણ લોકોને ઘણી પ્રેરણા મળી છે જે સારી વાત છે.’
દિલીપ જોશીએ તેમની પુત્રી નિયતિના લગ્નની તસવીરો પણ સોશિયલ મીડિયા પર શેર કરી હતી, જેમાં તેમણે તેમની પુત્રીના લગ્નની કેટલીક સારી પળોની ઝલક આપી હતી. આ તસવીરોમાં દિલીપ જોશી પોતાની દીકરી પર પ્રેમ વરસાવતા જોવા મળ્યા હતા. તે જ સમયે, નિયતિ પણ દુલ્હનના અવતારમાં ખૂબ જ સુંદર લાગી રહી હતી.
આ તસવીરો સાથે દિલીપ જોશીની એક સુંદર નોંધ હતી, જેમાં અભિનેતાએ લખ્યું હતું કે, ‘તમે ગીતો અને ફિલ્મોમાંથી લાગણી લઈ શકો છો, પરંતુ જ્યારે તમે પહેલીવાર અનુભવો છો, ત્યારે તેને શબ્દોમાં વ્યક્ત કરી શકાતું નથી.’ દિલીપ જોશી વર્ષોથી ટીવીની લોકપ્રિય સિરિયલ ‘તારક મહેતા કા ઉલ્ટા ચશ્મા’માં જેઠાલાલની ભૂમિકા ભજવી રહ્યા છે. આ સિરિયલમાં દિલીપ જોશીની એક્ટિંગ દર્શકોને ખૂબ જ પસંદ આવી રહી છે.
તમને જણાવી દઇએ કે, દિલીપ જોશીની પુત્રી નિયતિએ તેના બોયફ્રેન્ડ યશોવર્ધન મિશ્રા સાથે 11 ડિસેમ્બર, 2021ના રોજ લગ્ન કર્યા હતા. આ લગ્નમાં દિલીપનો પરિવાર અને તારક મહેતાની સ્ટારકાસ્ટ પણ આવી હતી. થોડા દિવસો પહેલા એવા સમાચાર આવ્યા હતા કે દિલીપ જોશી ‘તારક મહેતા કા ઉલ્ટા ચશ્મા’ શો છોડવાના છે જેના પર તેણે પોતાની પ્રતિક્રિયા આપી હતી.
ધ ઈન્ડિયન એક્સપ્રેસ સાથેની વાતચીતમાં દિલીપ જોશીએ જણાવ્યું કે તેઓ શો છોડી રહ્યા નથી. તેમણે કહ્યું, મને લાગે છે કે જ્યારે આ શો સારો ચાલી રહ્યો છે તો તેને બિનજરૂરી રીતે કેમ છોડી દેવો જોઈએ. તેમણે એ પણ કહ્યું કે આ શોને કારણે તેમને ઘણો પ્રેમ મળ્યો છે અને તે તેને બગાડવા માંગતા નથી. તેમણે કહ્યું કે, લોકો અમને ખૂબ પ્રેમ કરે છે અને હું તેને કોઈ કારણ વગર કેમ બરબાદ કરુ. આ રીતે દિલીપ જોશીએ સ્પષ્ટ કર્યું છે કે તે શોમાં જેઠાલાલના પાત્રમાં જોવા મળશે.
View this post on Instagram
