‘તારક મહેતા…’ના જેઠાલાલ એટલે કે દિલીપ જોશીએ પકડ્યો નિર્માતા અસિત મોદીનો કોલર, શો છોડવાની આપી ધમકી
ટીવીના લોકપ્રિય સિટકોમ ‘તારક મહેતા કા ઉલ્ટા ચશ્મા’ વિશે મોટા સમાચાર સામે આવી રહ્યા છે. એવા અહેવાલો હતા કે શોનું મુખ્ય પાત્ર જેઠાલાલ એટલે કે એક્ટર દિલીપ જોશી શો છોડી રહ્યા છે. જેઠાલાલ ઉર્ફે દિલીપ જોશી અને અસિત કુમાર મોદી વચ્ચે લડાઇ થઇ હોવાનું કહેવામાં આવી રહ્યું હતું. ક્ષણભરની ગરમીમાં દિલીપ જોશીએ શોના નિર્માતા અસિત કુમાર મોદીનો કોલર પકડી લીધો અને શો છોડવાની ધમકી પણ આપી હતી.
જો કે આ સમાચાર ખૂબ વાયરલ થતા હવે દિલીપ જોશીએ આ સમાચાર પર પ્રતિક્રિયા આપી છે. ઈન્ડિયા ટુડે સાથેની વાતચીતમાં દિલીપ જોશીએ કહ્યું- મીડિયામાં જે વસ્તુઓ આવી રહી છે તેના પર હું સ્પષ્ટતા આપવા માંગુ છું. બધી અફવાઓ છે. મારી અને અસિત ભાઈ વચ્ચે કોઈ વસ્તુઓ થઈ નથી, બધા ખોટા સમાચાર ફેલાવવામાં આવી રહ્યા છે. મને આ વસ્તુઓ જોઈને દુઃખ થાય છે. ‘તારક મહેતા’ એક એવો શો છે જેનો મારા અને લાખો ચાહકો માટે ઘણો અર્થ છે.
જ્યારે પણ કોઈ પાયાવિહોણા સમાચાર ફેલાવે છે, ત્યારે તે શોના સાચા દર્શકોને દુઃખ પહોંચાડે છે. આટલા વર્ષોથી શોમાં બતાવવામાં આવેલી સારી બાબતોને બગાડવામાં આવે છે. આટલી નકારાત્મકતા જોઈને મારું હૃદય તૂટી જાય છે. જ્યારે પણ એક અફવા બહાર આવે છે, આપણે વારંવાર વસ્તુઓ સમજાવવી પડે છે, તે થકવી નાખે છે.
કારણ કે આ ફક્ત અમારા વિશે નથી, પરંતુ અમારા ચાહકો અને શોને પ્રેમ કરનારા લોકો વિશે પણ છે, આ પહેલા, મારા શો છોડવાની વાતો હતી જે ખોટી હતી. દર અઠવાડિયે શોની સફળતાની ઈર્ષ્યા કરતા અસિત ભાઈની પ્રતિષ્ઠાને ડામવા માટે આ વસ્તુઓ બનાવવામાં આવી રહી છે એટલા માટે મને ખબર નથી કે આ સમાચાર ફેલાવવા પાછળ કોણ છે, પરંતુ હું સ્પષ્ટપણે કહેવા માંગુ છું કે હું દરરોજ સમાન પ્રેમ અને જુસ્સાથી મહેનત કરું છું. હું ક્યાંય જતો નથી. હું ઘણા વર્ષોથી આ સફરનો હિસ્સો છું અને રહીશ.
આ શોને શ્રેષ્ઠ બનાવવા માટે અમે બધા સાથે ઊભા છીએ. હું આશા રાખું છું કે મીડિયા આ બાબતોને ચકાસવામાં થોડો સમય લેશે, હકીકતો તપાસશે અને વસ્તુઓને છાપશે. આપણે હકારાત્મકતા ફેલાવવા અને ખુશી ફેલાવવા પર ધ્યાન કેન્દ્રિત કરવું જોઈએ. ચાહકોનો આભાર, જેઓ આ શોને સતત સમર્થન આપી રહ્યાં છે. આ અમારા માટે મોટી વાત છે. જણાવી દઈએ કે દિલીપ જોશી છેલ્લા 16 વર્ષથી શો ‘તારક મહેતા કા ઉલ્ટા ચશ્મા’નો ભાગ છે.
