ખબર જ્યોતિષ શાસ્ત્ર

ના કાને સંભળાય છે ના બોલી શકે છે આ કપલ, છતાં કરે છે એવું કામ કે રોજ કેટલાય લોકોના દિલ જીતે છે, વીડિયો જોઈને તમે પણ ભાવુક થઇ જશો, જુઓ

દેશ અને  દુનિયામાં ઘણા લોકો એવા હોય છે જે કેટલીક ખોડખાપણ સાથે જન્મે છે અને આખી જિંદગી તેમને એ રીતે જ પસાર કરાવી પડતી હોય છે. પરંતુ આમાંના ઘણા લોકો એવા હોય છે જે પોતાની ખામીને જ પોતાની તાકાત બનાવી લેતા હોય છે અને દુનિયાભરમાં પોતાનું આગવું નામ બનાવતા હોય છે. હાલ એવા જ એક કપલનો વીડિયો વાયરલ થઇ રહ્યો છે જે બંને દિવ્યાંગ છે તે છતાં લોકોનું દિલ જીતવામાં કોઈ કસર બાકી નથી રાખતા.

મહારાષ્ટ્રના નાસિકમાં ભારતના ફેવરિટ સ્ટ્રીટ ફૂડ પાણીપુરીનો નાનો સ્ટોલ ચલાવતા કપલનો એક વીડિયો ઇન્ટરનેટ પર વાયરલ થઈ રહ્યો છે. ખાસ વાત એ છે કે આ કપલ ન તો બોલી શકે છે ન તો સાંભળી શકે છે. પાણીપુરી વેચતા આ કપલની ક્લિપ ઈન્ટરનેટ પર દિલ જીતી રહી છે. ઇન્સ્ટાગ્રામ ફૂડ વ્લોગર ‘સ્ટ્રીટ ફૂડ રેસિપિ’ દ્વારા પોસ્ટ કરવામાં આવેલા એક વીડિયોમાં, કપલ ગ્રાહક સાથે વાતચીત કરવા માટે હાવભાવ કરતા જોઈ શકાય છે. સ્ટોલ પર ઘણી વસ્તુઓ લખવામાં આવી છે અને એકબીજા સાથે વાતચીત કરવા માટે હાથના ઇશારા કરીને સમજાવે છે.

વીડિયોમાં મહિલા ગ્રાહકને ઈશારા કરીને મસાલા વિશે પૂછતી જોઈ શકાય છે. આ સ્ટોલ નાશિકના અડગાંવ નાકા ખાતે આવેલી જાત્રા હોટલ પાસે લગાવવામાં આવ્યો છે. યુગલો ઘરે બધું બનાવે છે. તમે કેમેરામાં સ્વાદિષ્ટ લાગતી પ્લેટ પણ જોઈ શકો છો, જેમાં પાણીપુરી તૈયાર કરવામાં આવે છે. ઈન્ટરનેટ વપરાશકર્તાઓએ સ્વચ્છ સ્ટોલની ખૂબ પ્રશંસા કરી.

પોસ્ટના કેપ્શનમાં લખ્યું છે, ‘આ તમને ભાવુક બનાવશે અને તમારા ચહેરા પર સ્મિત લાવી દેશે. એક બહેરા અને મૂંગા દંપતી નાસિકમાં પાણીપુરીનો સ્ટોલ ચલાવે છે. તેઓ જે પીરસે છે તે બધું તેમના દ્વારા હોમમેઇડ છે, પુરીઓ પણ. તેઓ ભોજન પીરસતી વખતે સ્વચ્છતાનું ધ્યાન રાખે છે. આ કપલ ખૂબ જ પ્રભાવશાળી છે, જેને આપણી પેઢીએ અનુસરવું જોઈએ અને તેમની પાસેથી શીખવું જોઈએ.

આ વીડિયોને અત્યાર સુધી હજારો રિએક્શન મળ્યા છે અને અત્યાર સુધીમાં લાખો વખત જોવામાં આવ્યો છે. વીડિયો જોયા બાદ એક યુઝરે લખ્યું, ‘દરેક વ્યક્તિએ અહીં આવીને તેમનું મનોબળ વધારવું જોઈએ! ખરેખર પ્રેરણાદાયી. બીજાએ લખ્યું, ‘આ રીલ જોયા પછી ધન્ય અનુભવું છું.’ ત્રીજા યૂઝરે લખ્યું, ‘તેની પાસે કંઈક ખાસ હતું જેનો ઘણા કપલ્સ પાસે બધું હોવા છતાં પણ અભાવ હોય છે. ભગવાન તેમનું ભલું કરે.’