દીકરીને વહાલનો દરિયો કહેવામાં આવે છે. આપણે ત્યાં એવું પણ કહેવાય છે કે દીકરી એ સાક્ષાત લક્ષ્મીનો અવતાર છે, જેના કારણે આપણા દેશમાં દીકરીની વાર તહેવારે પૂજા પણ કરવામાં આવે છે. ઇન્ટરનેટ ઉપર ઘણા બધા વીડિયો સામે આવે છે, જેમાં માતા પિતાનો દીકરી પ્રત્યેનો પ્રેમ વ્યક્ત થતો જોવા મળતો હોય છે. ત્યારે હાલ એવો જ એક વીડિયો સામે આવ્યો છે, જેમાં દીકરીના લગ્ન પહેલા કંઈક એવું કરે છે જેને લોકોનું દિલ જીતી લીધું
IAS ઓફિસર સંજય કુમાર દ્વારા શેર કરવામાં આવેલ આ વીડિયોમાં એક દીકરી અને તેના માતા-પિતા વચ્ચેનો બિનશરતી પ્રેમ જોવા મળે છે. એક દંપતિએ તેમની પુત્રીના પગના નિશાન લીધા અને તેમની વિદાય પહેલા એક સુંદર યાદ તરીકે ઘરે રાખ્યા. આ વાયરલ ક્લિપ જોયા પછી, લોકોએ તેમના જુદા જુદા અભિપ્રાય આપવાનું શરૂ કર્યું.
2 મિનિટ 20 સેકન્ડની ક્લિપમાં એક વ્યક્તિ મોટી થાળીમાં પાણીથી પોતાની દીકરીના પગ ધોતો જોઈ શકાય છે. પછી તેના પગ દૂધથી ધોઈને એક વાસણમાં રાખ્યા. આ પછી દંપતીએ એક પછી એક વાસણમાંથી દૂધ પીધું. આ પછી દીકરીના પિતાએ તેના પગ થપથપાવીને તેને લાલ રંગથી ભરેલી પ્લેટમાં રાખવા કહ્યું.
આ પછી તમે જોશો કે છોકરી સફેદ કપડા પર ચાલતી જોવા મળી રહી છે. જેથી તેના પર તેના પગના નિશાન પડી શકે. વીડિયો સાથેના કેપ્શનમાં લખ્યું છે કે, “ભાવનાત્મક પળ. માતા-પિતા તેમની પુત્રીના વિદાય પહેલા તેના પગના નિશાન ઘરે રાખે છે.” ઓનલાઈન શેર થયા બાદ આ વીડિયોને અત્યાર સુધીમાં લાખો વખત જોવામાં આવ્યો છે.
भावुक पल..
विदाई से पूर्व बेटी के पद-चिन्हों को घर में संजोकर रखते मां-बाप..💕#HeartTouching
VC : SM pic.twitter.com/kJdF8dj4e6— Sanjay Kumar, Dy. Collector (@dc_sanjay_jas) August 22, 2022
લોકો વીડિયો પર સતત કોમેન્ટ પણ કરી રહ્યા છે. જ્યારે કેટલાક લોકો માતાપિતાના હાવભાવથી અવિશ્વસનીય રીતે પ્રભાવિત થયા હતા, જ્યારે અન્ય લોકો તેનાથી પ્રભાવિત થયા ન હતા. એક યુઝરે લખ્યું, “ઓએમજી. ખૂબ જ સ્પર્શી.” બીજાએ લખ્યું, “તમે કયા યુગમાં જીવી રહ્યા છો.” તો ઘણા લોકો આ વીડિયોને જોઈને દીકરી પ્રત્યેનો સાચો પ્રેમ પણ કહી રહ્યા છે.
