સોશિયલ મીડિયામાં પ્રેરણા દાયક ઘણા બધા વીડિયો વાયરલ થતા આપણે જોઈએ છીએ, ઘણીવાર નાની નાની વસ્તુઓ પણ આપણા માટે પ્રેરણા દાયક બની જતી હોય છે, આવી જ એક ઘટનાનો વીડિયો હાલ સોશિયલ મીડિયામાં વાયરલ થઇ રહ્યો છે જેને જોઈને તમારી ઉદાસી પણ દૂર થઇ જશે.
સાપ એ વિશ્વના સૌથી ઝેરી જીવોમાંનું એક છે. સાપને જોઈને ભલ ભલાની આંખો પહોળી થઇ જાય છે. તમે ઘણીવાર જોયું હશે કે સાપ દેડકાને જીવતા ગળી જાય છે. ઘણીવાર માણસોને સાપથી દૂર રહેવાની સલાહ આપવામાં આવે છે. આ દિવસોમાં સોશિયલ મીડિયા પર એક વીડિયો વાયરલ થઈ રહ્યો છે. આ વિડિયો જોયા પછી તમારા મોઢામાંથી એ વાત નીકળી જશે કે જીવનમાં ક્યારેય હાર ન માનવી જોઈએ.
વીડિયોમાં જોઈ શકાય છે કે એક ખતરનાક કાળો સાપ ગેટ પર ચઢી રહેલા દેડકાનો પગ પકડી રહ્યો છે. જ્યારે દેડકો પોતાને સાપથી મુક્ત કરવાનો પ્રયાસ કરી રહ્યો છે. સાપ દેડકાને જીવતો ગળી જવાનો પ્રયાસ કરી રહ્યો છે. તમે જોઈ શકો છો કે સાપે દેડકાનો પગ મજબૂત રીતે પકડી રાખ્યો છે. ઘણા પ્રયત્નો પછી, આખરે દેડકો પોતાને સાપની પકડમાંથી મુક્ત કરવામાં સફળ થાય છે. અને પછી તે ત્યાંથી કૂદકો મારીને ભાગી જાય છે.
Never give up 👌
VC:Fred pic.twitter.com/7rLSDZeNCx— Susanta Nanda IFS (@susantananda3) April 2, 2022
વીડિયોમાં તમે જોઈ શકો છો કે દેડકો એટલી ઝડપથી દોડે છે કે સાપ તેને ફરીથી પકડી શકતો નથી. જો કે સાપ પણ આટલી સરળતાથી તેનો પીછો છોડવા માંગતો નથી. એટલા માટે તે પણ ઝડપથી ગેટ પરથી નીચે આવે છે અને દેડકા તરફ ઝડપથી આગળ વધે છે. ત્યાં જ વીડિયો પૂર્ણ થઇ જાય છે. જેના કારણે તે જાણી શકાયું નથી કે સાપે ફરીથી દેડકાનો શિકાર કર્યો કે દેડકા પોતાને બચાવવામાં સફળ થયો.