અમેરિકાથી પરત ફરેલા વૃદ્ધ દંપતીની તેમના જ ઘરના આ વિશ્વાસુ માણસે કરી નાખી હત્યા, પોલીસે આ રીતે ઉકલયો હત્યાનો ભેદ, જાણો સમગ્ર મામલો
દેશભરમાં હત્યા અને આત્મહત્યાના મામલાઓ સતત સામે આવી રહ્યા છે, ઘણા લોકો પોતાના જીવનથી કંટાળી કે કોઈ અન્ય કારણોસર આપઘાત કરી લેતા હોય છે, તો ઘણા કિસ્સાઓમાં કોઈ અંગત અદાવત કે લૂંટ કરવાના ઇરાદેથી પણ કોઈની હત્યા કરી દેવામાં આવતી હોય છે, ખાસ કરીને છેલ્લા કેટલાક સમયમાં એકલા રહેતા વૃદ્ધ દંપતીની હત્યા કરવાના કિસ્સાઓ સામે આવી રહ્યા છે.
ત્યારે હાલ એવો જ એક મામલો સામે આવ્યો છે, જેમાં અમેરિકા પોતાની દીકરીને મળીને ભારત પરત આવેલા વૃદ્ધ દંપતીની હત્યા કરી નાખવામાં આવી હતી. શનિવારે યુ.એસ.થી પરત ફરેલા એક દંપતીની ચેન્નાઈમાં તેમની સાથે રહેતા એક ઘરેલુ નોકર દ્વારા હત્યા કરવામાં આવી હતી. પોલીસે તેની પાસેથી લૂંટેલા નવ કિલો સોના સહિત પાંચ કરોડ રૂપિયાના દાગીના જપ્ત કર્યા છે.
પોલીસે આ કેસમાં બે લોકોની ધરપકડ કરી છે. દંપતીની ઓળખ 60 વર્ષીય શ્રીકાંત અને તેની 55 વર્ષીય પત્ની અનુરાધા તરીકે થઈ હતી. શ્રીકાંત વ્યવસાયે ચાર્ટર્ડ એકાઉન્ટન્ટ હતા. આરોપીઓએ કથિત રીતે દંપતીની તેમના ઘરે હત્યા કરી હતી અને મૃતદેહોને ચેન્નાઈની બહાર તેમના ફાર્મહાઉસમાં દાટી દીધા હતા. પોલીસે તેની અને આંધ્રપ્રદેશના અન્ય એક વ્યક્તિની ધરપકડ કરી જ્યારે તેઓ નેપાળમાં તેમના વતન ભાગી જવાનો પ્રયાસ કરી રહ્યા હતા.
આ ઘટના ત્યારે પ્રકાશમાં આવી જ્યારે યુ.એસ.માં રહેતા દંપતીની પુત્રીએ તેના માતા-પિતાનો સંપર્ક ન થતાં સ્થાનિક સંબંધીઓને જાણ કરી. તેમના મોબાઈલ ફોન બંધ હતા. ચેન્નાઈ પોલીસના વરિષ્ઠ અધિકારી ડૉ. કન્નને જણાવ્યું હતું કે, “અમે CCTV રેકોર્ડર સહિત મહત્ત્વના પુરાવા મેળવ્યા છે, જે આરોપીઓ તેમની સાથે લઈ ગયા હતા. અમારો અપરાધ સાબિત કરવા માટે અમારી પાસે મજબૂત પુરાવા છે.
ક્રિષ્નનનું માનવું હતું કે તાજેતરના રિયલ એસ્ટેટ સોદામાંથી દંપતી પાસે તેમના ઘરમાં 40 કરોડ રોકડા હતા અને તેણે તેને લૂંટવાની યોજના બનાવી હતી. ફાર્મહાઉસ પહોંચ્યા પછી, પોલીસે મૃતદેહોને બહાર કાઢ્યા અને પોસ્ટમોર્ટમ માટે ચેંગલપટ્ટુની સરકારી હોસ્પિટલમાં મોકલી દીધા. અહેવાલમાં જાણવા મળ્યું છે કે વૃદ્ધ દંપતીને નિર્દયતાથી મારવામાં આવ્યા હતા, જેના કારણે તેમનું મૃત્યુ થયું હતું. હાલ પોલીસ આરોપીની પૂછપરછ કરી રહી છે.
