ખબર

24 કલાકમાં ગુજરાતમાં કોરોનાનો ફરી જબરો વાયરો ફૂંકાયો, જાણો ક્યાં ક્યાં સ્થિતિ બગડી

ગુજરાતમાં કોરોનાના કેસમાં ઉછાળો જોવા મળી રહ્યો છે ત્યારે છેલ્લા  24 કલાકમાં 459 દર્દીઓ સાજા થયાં છે અને કોરોનાથી રાજ્યમાં એક દર્દીનું મોત અમદાવાદમાં થયું હોવાનું સામે આવ્યું છે. રાજ્યમાં કોરોના વાયરસે ફરી માથુ ઉંચક્યું છે. ૭ માર્ચે 575 નવા કેસ નોંધાયા હતા જ્યારે 459 લોકોએ કોરોનાને મ્હાત આપી હતી. રાજ્યમાં અત્યાર સુધી કુલ 4415 લોકોના કોરોનાથી મોત થયા છે.

Image source

અત્યાર સુધીમાં કુલ 14 લાખ 9 હજાર 244 વ્યક્તિઓનું પ્રથમ ડોઝનું અને 3 લાખ 41 હજાર 437 વ્યક્તિઓના બીજા ડોઝનું રસીકરણ પુર્ણ થયું. 45થી 60 વર્ષના ગભીર બિમારી ધરાવતા કુલ 33,703 વ્યક્તિઓનું રસીકરણ કરાયુ.

Image source

કોરોનાની શરૂઆતથી જ અમદાવાદમાં સંક્રમણ વધુ ફેલાયુ છે. ત્યારે હવે સ્થાનિક સ્વરાજ્યની ચૂંટણી બાદ ફરી કોરોનાએ માથું ઉચક્યું છે. કોરોનાના કેસમાં સતત વધારો થવો એ ચિંતાજનક બાબત છે. અમદાવાદ શહેરમાં 127 નવા કેસ, જ્યારે અમદાવાદ ગ્રામ્યમાં 4 કેસ નોંધાયા છે. સુરત શહેરમાં 125 કેસ, ગ્રામ્યમાં 20, વડોદરા શહેરમાં 70 કેસ, જ્યારે ગ્રામ્યમાં 13, રાજકોટ શહેરમાં 58 કેસ અને ગ્રામ્યમાં 13 કેસ નોંધાયા છે.

Image source

રાજ્યમાં અત્યાર સુધી 2 લાખ 65 હજાર 831 લોકો કોરોનાને મ્હાત આપી ચુક્યા છે. રાજ્યમાં કોરોનાથી રિકવરી રેટ 97.24 ટકા પર પહોંચ્યો છે. હાલ 3 હજાર 140 એક્ટિવ કેસ છે, જેમાંથી 46 લોકો વેન્ટિલેટર પર અને 3 હજાર 94 લોકો સ્ટેબલ છે.